កីឡា
ភរិយាលោកគ្រូ អេ ភូថង ចេញសារសុំទោសរឿងតវ៉ាម្សិលមិញ
អ្នកស្រី សាំង សុម៉ាលី ភរិយារបស់លោកគ្រូ អេ ភូថង បានចេញសារសុំទោសដល់មហាជនជុំវិញករណីតវ៉ាពីការសម្រេចរបស់អាជ្ញាកណ្តាល ដែលបានបញ្ឈប់ ម៉ឺន មេឃា ឲ្យចាញ់ ចាន់ ប៊ុនហឿន សម្រាប់ការប្រកួតដណ្តើមខ្សែក្រវាត់ នៅល្ងាចថ្ងៃអាទិត្យ ទី២១ ខែកក្កដា ឆ្នាំ២០២៤ នៅសង្វៀន PNN។
ការពិតនៅលើសង្វៀនបង្ហាញថា ម៉ឺន មេឃា មានប្រៀបដោយបានវាយ ចាន់ ប៊ុនហឿន ឲ្យអាជ្ញាកណ្តាលរាប់៨ពីរដង ប៉ុន្តែនៅទឹកទី៤ ចាន់ ប៊ុនហឿន បានទាត់ផ្កាប់ចានឲ្យអាជ្ញាកណ្តាលរាប់ ម៉ឺន មេឃា ហើយបញ្ឈប់ការប្រកួតនៅពេល មេឃា បានងក់ក្បាលហើយ ប៉ុន្តែនៅពេលអាជ្ញាកណ្តាលឲ្យដើរមកមុខ មេឃា អត់ដើរមកទេ ជាហេតុធ្វើឲ្យអាជ្ញាកណ្តាលបញ្ឈប់ការប្រកួត។
ការសម្រេចរបស់អាជ្ញាកណ្តាលនេះបានធ្វើឲ្យភាគី ម៉ឺន មេឃា ដែលមានឪពុកម្តាយ កូន កូនសិស្សបានតវ៉ាយ៉ាងខ្លាំងនៅសង្វៀនផ្ទាល់ ហើយក៏មានបង្ហោះដោយមានពាក្យពេចន៍អសុរោះលើអាជ្ញាកណ្តាលទៀតផង។ ចុងក្រោយ គណៈគ្រប់គ្រងការប្រកួតនៅតែរក្សាលទ្ធផលឲ្យ ចាន់ ប៊ុនហឿន ទទួលបានជ័យជម្នះក្លាយជាម្ចាស់ខ្សែក្រវាត់ ខណៈ ម៉ឺន មេឃា បានត្រឹមជើងឯករង ប៉ុន្តែនៅតែរក្សាពេលវេលាឲ្យភាគី ម៉ឺន មេឃា ប្តឹងតវ៉ាបន្តទៀតដើម្បីដោះស្រាយឲ្យច្បាស់លាស់។
ក្រោយមក សាមីខ្លួនកីឡាករ ម៉ឺន មេឃា និងក្រុមគ្រួសារបានចេញវីដេអូខ្លីបខ្លីមួយដោយបានប្រកាស បរិច្ចាគប្រាក់តម្លៃខ្លួន ប្រាក់រង្វាន់ក្នុងនាមជាជើងឯករង ប្រាក់រង្វាន់គ្រូបង្វឹកឆ្នើម និងប្រាក់ដែលក្លិបទទួលបានក្នុងនាមបញ្ជូនកីឡាករឲ្យចូលរួមប្រកួត សរុប ១៥,១២០ ០០០រៀល (ដប់ប្រាំលាន មួយសែន ពីរម៉ឺរៀល) ជូនមន្ទីរពេទ្យគុន្ធបុប្ផា។ ក្នុងវីដេអូ ពួកគាត់បានសំណូមពរឲ្យខាងកម្មវិធីជាអ្នកយកប្រាក់ទៅជូនមន្ទីរពេទ្យ ដោយមានការប្រកាសផ្សព្វផ្សាយផង។
ទោះបីជាយ៉ាងណា នៅព្រឹកថ្ងៃចន្ទ ទី២២ ខែកក្កដា ឆ្នាំ២០៤ អ្នកស្រី សាំង សុម៉ាលី ភរិយារបស់លោកគ្រូ អេ ភូថង បានចេញសារសុំទោស ដោយមានខ្លឹមសារថា ៖«រឿងអ្វីៗដែលកើតឡើងម្សិលមិញ នាងខ្ញុំសុំទោសបងប្អូនជនរួមជាតិទាំងអស់ផងដែលខ្ញុំនិងក្រុមគ្រួសារបានប្រើពាក្យខ្លះមិនល្អដោយកំហឹង ហើយរឿងម្សិលមិញ ខ្ញុំនិងក្រុមគ្រួសារចិត្តត្រជាក់នឹងលែងខឹងអស់ហើយ ហើយខ្ញុំសូមចប់ត្រឹមនឹង..ហើយបងប្អូនមួយចំនួនបានណែនាំក្រុមគ្រួសារ ខ្ញុំឲ្យទៅបើកប្រាក់ឧបត្ថម្ភ និងយកមកទិញសម្ភារៈជូនដល់ក្លឹបគុនខ្មែរតូច។ ខ្ញុំនឹងធ្វើតាមបងប្អូន ចុងក្រោយសូមជូនពរបងប្អូនហ្វែនទាំងអស់សុខភាពល្អ និងសំណាងល្អ»។
បើក្រឡេកមើលតាមបណ្តាញទំនាក់ទំនងសង្គម អ្នកគាំទ្រភាគច្រើនគាំទ្រចំពោះការសម្រេចចិត្តរបស់អាជ្ញាកណ្តាល ដែលបញ្ឈប់ ម៉ឺន មេឃា ដើម្បីកុំឲ្យមានបញ្ហាកាន់តែធ្ងន់ធ្ងរ៕
អត្ថបទ៖ វីរបុត្រ
ស្នងការខេត្តបន្ទាយមានជ័យ ៖ បុណ្យចូលឆ្នាំថ្មីខាងមុននេះ ហាមច្រកទឹកក្នុងថង់ គប់ដាក់គ្នា
Update! សង្ស័យផ្ដើមពីផ្ទុះធុងហ្គាស ទើបឆេះឃ្លាំងរោងចក្រ៣ រាលដាលដល់ផ្ទះពលរដ្ឋ០៤ខ្នង
ព្រឹត្តិការណ៍ “សង្ក្រាន្តវត្តភ្នំ” ៣ថ្ងៃមានរៀបចំកម្មវិធីបែបប្រពៃណីជាតិ និងកម្មវិធី កម្សាន្តសប្បាយជាច្រើន
អ្នកវិភាគ និងអ្នកឃ្លាំមើល៖ នាយករដ្ឋមន្ត្រីកម្ពុជាតែងផ្ដល់អាទិភាពខ្ពស់ ចំពោះសុខទុក្ខប្រជាពលរដ្ឋ
លោក Munoz និយាយពីកីឡាករចំណូលថ្មី ក្រោយរកបាន Hat-trick
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១១ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១០ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់