លោក Pep ចេញមុខបញ្ជាក់ De Bruyne បន្ដស្នាក់នៅ Man City

លោក Pep Guardiola គ្រូបង្វឹកក្លិប Manchester City បានចេញមុខបញ្ជាក់ពី​ខ្សែបម្រើ Kevin De Bruyne នឹងមិនចាកចេញពីក្លិប​ បន្ទាប់ពីលេចឮព័ត៌មាន​ក្លិបនៅ​ប្រទេសអារ៉ាប៊ីសាអ៊ូឌីត​ចង់បាន។

កីឡាករ Kevin De Bruyne គឺជាគោលដៅរបស់ក្រុម Al-Ittihad នៅលីគអារ៉ាប៊ីសាអ៊ូឌីត​ក្នុងឆ្នាំនេះ ហើយមានព័ត៌មានជាច្រើនបានចុះផ្សាយរូបគេនឹងចាកចេញពីក្លិប Man City។ ពេលនេះលោក Pep Guardiola បានចេញមុខបដិសេធ និង​បញ្ជាក់​ថា ខ្សែបម្រើវ័យ៣៣ឆ្នាំ De Bruyne នៅសល់កិច្ចសន្យាមួយរដូវកាលទៀតជាមួយ​ក្លិប Man City។

លោក Pep Guardiola បាននិយាយថា ៖«Kevin មិនចាកចេញទេ។ ប្រសិនបើនរណាម្នាក់ចាកចេញ យើងនឹងនិយាយអំពីរឿងនោះ»។

សម្រាប់រដូវកាលថ្មី លោក Pep មិនមានការដោះដូរកីឡាករក្នុងក្រុមច្រើនទេ ដោយសារ​បច្ចុប្បន្នកម្រិតគុណភាពនិងសមត្ថភាពរបស់កូនក្រុម​ល្អ​ស្រាប់៕

ប្រែសម្រួល៖ ផា រតនា