កីឡា

តារាឆ្នើមៗនឹងបង្ហាញខ្លួន ព្រះខ័នរាជស្វាយរៀង ប៉ះ Young Elephants យប់នេះ

បានផុស

៤ ខែ មុន

នៅ

ថ្ងៃពុធ ២៤ កក្កដា ២០២៤

ដោយ

ការប្រកួតជើងទី២រវាងក្លិបម្ចាស់ផ្ទះ ព្រះខ័នរាជស្វាយរៀង និង Young Elephants វគ្គជម្រុះពានរង្វាន់ ASEAN Club Championship ២០២៤-២៥ នឹងធ្វើនៅពហុកីឡដ្ឋានជាតិអូឡាំពិក ក្នុងរាជធានីភ្នំពេញ វេលាម៉ោង៧យប់ថ្ងៃទី២៤ ខែកក្កដា ឆ្នាំ២២៤ ផ្សាយផ្ទាល់តាមទូរទស្សន៍ BTV។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកគាំទ្រនឹងក្លាយជាចំណែកដ៏សំខាន់ក្នុងការចូលរួមជំរុញ និងលើកទឹកចិត្តដល់ក្លិបព្រះខ័នរាជស្វាយរៀងដែលតំណាងឲ្យប្រទេសកម្ពុជាលើឆាកអន្តរជាតិ។ ក្លិបព្រះខ័នរាជស្វាយរៀង បានផ្តល់ជូនពិសេសដល់អ្នកគាំទ្រតាមរយៈទិញសំបុត្រ២ ថែមជូន១ ឬទិញ៥សំបុត្រ ថែម២។

បងប្អូនអ្នកគាំទ្រនឹងបានឃើញតារាបាល់ទាត់ឆ្នើមៗប្រចាំក្លិបព្រះខ័នរាជស្វាយរៀងបង្ហាញសមត្ថភាពយប់នេះ។ ប្រុសស្អាត Nick Taylor ខ្សែបម្រើប្រយុទ្ធ ប្រាក់ មុន្នីឧត្តម ខ្សែបម្រើកំពុងលេចធ្លោ គឹម សុខយុទ្ធ ខ្សែបម្រើពូកែញាក់ Gabi ខ្សែប្រយុទ្ធថ្មី Christian និងជាពិសេសតារាវ័យក្មេង មិន រតនៈ និង ញាណ សុស៊ីដាន។

កាលពីការប្រកួតជើងទី១នៅទឹកដីឡាវ អ្នកគាំទ្រមិនសរសើរមិនបានចំពោះកីឡាករវ័យក្មេងពីរត្រូវបានប្តូរចូលពាក់កណ្តាលវគ្គទី២បានផ្លាស់ប្តូរទម្រង់លេងរបស់ព្រះខ័នរាជស្វាយរៀងតែម្តង។ មិន រតនៈ បានក្រឡុកនៅផ្នែកខាងឆ្វេង និងអូសចូលប្រអប់គ្រោះថ្នាក់ ខណៈខ្សែប្រយុទ្ធចំណូលថ្មី ញាណ សុស៊ីដាន បានក្លាយជាតួឯកក្នុងការក្រឡុកនៅផ្នែកខាងស្តាំដោយបានក្រឡុក លើកបាល់ អូសបាល់ចូលធ្វើឲ្យកើតមានគ្រាប់បាល់។

សុស៊ីដាន បានបញ្ជូនបាល់ឲ្យ Christian ស៊ុតតាមស្មើ ២-២ មុនពេលស៊ុតជើងឆ្វេងយ៉ាងស្អាតនៅចុងម៉ោងជួយឲ្យព្រះខ័នរាជស្វាយរៀងទទួលបានជ័យជម្នះ ២-៣ ត្រឡប់មកស្រុកកំណើតវិញដោយភាពកក់ក្តៅសម្រាប់ជើងទី២។

រាត្រីនេះច្បាស់ណាស់ កីឡាករឆ្នើមៗរបស់ព្រះខ័នរាជស្វាយរៀងនឹងបង្ហាញសមត្ថភាព និងរកគ្រាប់បាល់ដើម្បីនាំក្លិបតំណាងកម្ពុជាឈានឡើងទៅកាន់វគ្គចែកពូលនៅក្នុងតំបន់អាស៊ាន។