កីឡា

គ្រូ Young Elephants សរសើរកីឡាករ ព្រះខ័នរាជស្វាយរៀងសុទ្ធតែល្អ

បានផុស

៨ ខែ មុន

នៅ

ថ្ងៃពុធ ២៤ កក្កដា ២០២៤

ដោយ

ក្រោយការប្រកួតជើងទី១ ក្នុងពានរង្វាន់ ASEAN Club Championship លោក Phoutpasong Sengdalavong គ្រូបង្វឹកក្រុមជើងឯកឡាវ Young Elephants បានសរសើរក្លិបព្រះខ័នរាជស្វាយរៀងជាក្រុមល្អស័ក្តិសមជាម្ចាស់ជើងឯក២ក្នុងរដូវកាលមុន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងសន្និសីទសារព័ត៌មានមុនការប្រកួត លោក Phoutpasong បានលើកឡើងថា ក្រុមរបស់លោកបានធ្វើការវិភាគវីដេអូការប្រកួតជើងទី១ដោយស្វែងរកឃើញយ៉ាងច្បាស់ថា ក្រុមតំណាងកម្ពុជាមួយនេះលេងសហការគ្នាបានល្អណាស់។ ជាពិសេសកីឡាករសុទ្ធតែមានគុណភាពល្អ សូម្បីតែកីឡាករបម្រុង។

លោក Phoutpasong បាននិយាយថា៖«មុនការប្រកួតជើងទី១ យើងពិបាកស្វែងយល់ពីក្រុមព្រះខ័នរាជស្វាយរៀង តែក្រោយការប្រកួតជើងទី១ យើងបានឃើញយ៉ាងច្បាស់។ កីឡាករស្វាយរៀងម្នាក់ៗសុទ្ធតែមានគុណភាព។ ក្រុមទាំងមូលសហគ្នាបានល្អ ហើយស័ក្តិសមជាម្ចាស់ពានរង្វាន់លីគកំពូលរដូវកាលមុន»។

ទោះបីបរាជ័យដោយលទ្ធផល ២-៣ ក្នុងដីខ្លួនឯងកាលពីជើងទី១ ប៉ុន្ដែគ្រូបង្វឹកក្រុម Young Elephants នៅតែជឿជាក់លើកូនក្រុមខ្លួននឹងធ្វើបានល្អសម្រាប់ការប្រកួតជើងទី២។

ការប្រកួតជើងទី២ ASEAN Club Championship រវាងក្រុមឡាវ Young Elephants ជាមួយព្រះខ័នរាជស្វាយរៀង វេលាម៉ោង៧:០០យប់ ថ្ងៃទី២៤ ខែកក្កដា ឆ្នាំ២០២៤ នៅពហុកីឡាដ្ឋានជាតិ និងមានការផ្សាយផ្ទាល់តាមទូរទស្សន៍ BTV News៕