កីឡា

ជំនួប អាហ្សង់ទីន-ម៉ារ៉ុក មានអ្នកគាំទ្រជាង២ម៉ឺននាក់ តែបញ្ចប់ដោយគ្មានអ្នកគាំទ្រ

បានផុស

៦ ខែ មុន

នៅ

ថ្ងៃព្រហស្បតិ៍ ២៥ កក្កដា ២០២៤

ដោយ

ភាពវឹកវរបានកើតមានឡើងថ្ងៃបើកឆាកការប្រកួតវិញ្ញាសាបាល់ទាត់បុរសនៅក្នុងព្រឹត្តិការណ៍កីឡាអូឡាំពិក ទីក្រុងបារីស ប្រទេសបារាំង យប់ថ្ងៃទី២៤ ខែកក្កដា ឆ្នាំ២០២៤ សម្រាប់ការប្រកួតរវាង អាហ្សង់ទីន និង ម៉ារ៉ុក ដែលបញ្ចប់ទៅដោយគ្មានអ្នកគាំទ្រនៅក្នុងទីលាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតធ្វើឡើងនៅកីឡដ្ឋាន Stade de Lyon មានអ្នកគាំទ្រចំនួន២៦៧១៧នាក់បានចូលទស្សនាផ្ទាល់ ប៉ុន្តែបញ្ចប់ការប្រកួតដោយគ្មានអ្នកគាំទ្រ។ ការប្រកួត៩០នាទីបានបញ្ចប់ នៅពេល ម៉ារ៉ុក នាំមុខ អាហ្សង់ទីន ២-១ ហើយការបន្ថែមម៉ោងរហូតដល់១៥នាទី។

ការប្រកួតឈានដល់នាទី៩០+១៤ ស្ទើរតែបញ្ចប់ការប្រកួតទៅហើយ ស្រាប់តែអាហ្សង់ទីន បានតែតចូលតាមស្មើ ២-២។ នៅពេលនោះចលាចលបានកើតមានឡើងដោយសារអ្នកគាំទ្របានគប់ដប កប៉ុង និងរត់ចូលទីលាន ដែលធ្វើឲ្យការប្រកួតបានផ្អាក ខណៈកីឡាករត្រូវបានជម្លៀសចូលក្នុងបន្ទប់។

បន្ទាប់មក ការពិនិត្យមើលវីដេអូជំនួយអាជ្ញាកណ្តាល (VAR) ក៏គ្រាប់បាល់នោះមិនឲ្យទៅអាហ្សង់ទីនទេ។ ដើម្បីដំណើរការប្រកួតវិញ អ្នកគាំទ្រត្រូវបានបញ្ចេញពីលានអស់ ក្រុមទាំងពីរចូលលេងវិញបាន៣នាទី និង១៥វិនាទី មុនពេលអាជ្ញាកណ្តាលបញ្ចប់ការប្រកួត ដែលជ័យជម្នះបានទៅ ម៉ារ៉ុក ក្នុងគ្រាប់បាល់ ២-១៕