កីឡា

វគ្គក្នុងពូលជាឱកាស ព្រះខ័នរាជស្វាយរៀង បង្ហាញសមត្ថភាពលើឆាកអន្តរជាតិ

បានផុស

៨ ខែ មុន

នៅ

ថ្ងៃព្រហស្បតិ៍ ២៥ កក្កដា ២០២៤

ដោយ

ក្លិបព្រះខ័នរាជស្វាយរៀង បានឡើងទៅវគ្គសន្សំពិន្ទុក្នុងពូល ពានរង្វាន់ ASEAN Club Championship ក្រោយឈ្នះក្លិបឡាវ Young Elephants ទាំង២ជើងក្នុងលទ្ធផល ៨-៣។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមព្រះខ័នរាជស្វាយរៀង ស្ថិតក្នុងពូល A រួមមានក្រុមខ្លាំងរបស់ថៃ BG Pathum United ក្រុមខ្លាំងម៉ាឡេសុី Terengganu ក្រុមឥណ្ឌូណេសុី PSM Makassar ក្រុមវៀតណាម Dong A Thanh Hoa និងក្រុមមីយ៉ាន់ម៉ា Shan United។

គ្រូបង្វឹកក្រុមព្រះខ័នរាជស្វាយរៀង លោក Pep Muñoz យល់ឃើញថា ការប៉ះក្រុមខ្លាំងៗនៅវគ្គសន្សំពិន្ទុក្នុងពូលគឺ ជាឱកាសល្អដើម្បីបង្ហាញសមត្ថភាពរបស់ក្រុមតំណាងកម្ពុជាក្នុងនាមជាម្ចាស់ជើងលីគកំពូលកម្ពុជា និងជាការបង្ហាញកម្រិតបាល់ទាត់របស់កម្ពុជាទៅបណ្ដាលប្រទេសក្នុងតំបន់។

លោក Pep Muñoz បាននិយាយថា ៖«ក្រុមនៅវគ្គសន្សំពិន្ទុក្នុងពូលសុទ្ធតែក្រុមខ្លាំងៗ។ ពួកគេមានកីឡាករល្អ តែយើងត្រូវលេង១១ទល់១១ ដូចគ្នា។ យើងឡើងទៅវគ្គសន្សំពិន្ទុពូល គឺមិនមែនទៅលេងបាល់ធម្មតាទេ។ យើងត្រូវបង្ហាញពីកម្រិតបាល់ទាត់របស់យើង។ ពួកយើងនឹងព្យាយាមធ្វើឲ្យបានល្អ ដើម្បីស្វែងរកជ័យជម្នះ»។

ចំពោះការប្រកួតវគ្គសន្សំពិន្ទុនឹងចាប់ផ្ដើមនៅថ្ងៃទី២១ ខែសីហា ឆ្នាំ២០២៤ ដែលប្រកួតតែមួយជើងប៉ុណ្ណោះ ដូច្នេះព្រះខ័នរាជស្វាយរៀង បានធ្វើជាម្ចាស់ផ្ទះ២ប្រកួតនៅពហុកីឡដ្ឋានជាតិអូឡាំពិកគឺ ទទួលក្រុមឥណ្ឌូណេស៊ី PSM Makassar នៅថ្ងៃទី៨ ខែមករា ឆ្នាំ២០២៥ និងទទួលក្រុមមីយ៉ាន់ម៉ា Shan United នៅថ្ងៃទី៨ ខែកុម្ភៈ ឆ្នាំ២០២៥ ខណៈ៣ប្រកួតផ្សេងទៀតនៅទឹកដីម៉ាឡេស៊ី ថៃ និងវៀតណាម។