កីឡា

Pablo ប្រាប់ថា កំពុងរីករាយពីជីវិតបាល់ទាត់នៅកម្ពុជា

បានផុស

៧ ខែ មុន

នៅ

ថ្ងៃព្រហស្បតិ៍ ២៥ កក្កដា ២០២៤

ដោយ

ខ្សែប្រយុទ្ធប្រេស៊ីល Pablo Augusto ធ្វើបានយ៉ាងល្អក្នុងការប្រកួតជើងទី២ ពានរង្វាន់ ASEAN Club Championship ក្រោយរកគ្រាប់បាល់៤គ្រាប់ក្នុងជ័យជម្នះរបស់ព្រះខ័នរាជស្វាយរៀងលើ Young Elephants ដោយលទ្ធផល ៥-១ យប់ថ្ងៃទី២៤ ខែកក្កដា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ Pablo Augusto បានផ្លាស់មកកាន់ក្លិបព្រះខ័នរាជស្វាយរៀងកាលពីថ្ងៃទី១៩ ខែមិថុនា ដែលមានរយៈពេលជាង១ខែហើយ ប៉ុន្តែរូបគេបានសម្របខ្លួនយ៉ាងលឿនជាមួយក្រុម និងស្ថានភាពរស់នៅកម្ពុជា។ ក្រោយផ្លាស់មកកាន់លីគកំពូលកម្ពុជា Pablo បានបង្ហាញពីអារម្មណ៍កក់ក្ដៅ ដោយសារការលើកទឹកចិត្តពីអ្នកគាំទ្រ មិត្តរួមក្រុម និងថ្នាក់ដឹកនាំក្លិប។

កីឡាករ Pablo បាននិយាយថា ៖«ខ្ញុំរីករាយក្នុងផ្លាស់មកកាន់លីគកំពូលកម្ពុជា។ ឥឡូវនេះ ខ្ញុំសម្របខ្លួនបានច្រើនហើយយល់ចិត្តគ្នាមួយក្រុម។ ខ្ញុំរីករាយក្នុងហ្វឹកហាត់ជាមួយមិត្តក្រុម ជីវិតរស់នៅ ជាពិសេសទទួលបានលើកទឹកចិត្តពីមិត្តក្រុមនិងថ្នាក់ដឹកនាំក្លិប។ ខ្ញុំពិតជារីករាយជាមួយអ្នកគាំទ្រនៅកម្ពុជា ហើយនេះជាពេលវេលាល្អសម្រាប់ខ្ញុំ»។

ការប្រកួតជើងទី១នៅទឹកដីឡាវ កីឡាករ Pablo ខកខាកឱកាសរកគ្រាប់បាល់ជាច្រើន ដែលធ្វើឲ្យអ្នកគាំទ្រមួយចំនួនរិះគន់ពីសមត្ថភាពបញ្ចប់ទី។ ឥឡូវនេះរូបគេនឹងក្លាយជាកម្លាំងប្រយុទ្ធដ៏សំខាន់សម្រាប់ការប្រកួតធំៗនាពេលខាងមុខ៕

អត្ថបទ៖ ផា រតនា