កីឡា
ផ្លួល ធន់ រិទ្ធី សន្លប់២ដង Hassan ប្រកួតនៅកម្ពុជា៤លើកចុងក្រោយមិនចាញ់សោះ
កីឡាករអ៉ីរ៉ង់ Hassan Vahdani បានកំពុងធ្វើឲ្យអ្នកគាំទ្រកម្ពុជាចាប់អារម្មណ៍ បន្ទាប់ពីរូបគេបានផ្តួលជើងខ្លាំងគុនខ្មែរ ធន់ រិទ្ធី ឲ្យសន្លប់ក្នុងទឹកទី១កាលពីយប់ថ្ងៃអាទិត្យ ទី២៨ ខែកក្កដា ឆ្នាំ២០២៤។
ជើងខ្លាំង Hassan Vahdani បានមកប្រកួតនៅប្រទេសកម្ពុជាតាំងពីឆ្នាំ២០១៨ដែលរហូតដល់ពេលនេះតាមព័ត៌មានច្បាស់ការណ៍គឺប្រកួតបាន៧ដងហើយនៅលើទឹកដីកម្ពុជា។ ក្នុងចំណោមការប្រកួត៧ដង រូបគេទទួលបានជ័យជម្នះ៤ដង ស្មើ១ដង និងចាញ់២ដង។
ការបោះជំហានចូលសង្វៀនកម្ពុជាលើកទី១កាលពីឆ្នាំ២០១៨ Hasson បានចាញ់ រឿង សុភ័ណ្ឌ ដោយពិន្ទុមិនឯកច្ឆន្ទ។ បន្ទាប់មកនៅឆ្នាំ២០១៨ រូបគេបានផ្តួលកីឡាករកម្ពុជា យ៉ាម ខេមរ៉ា ឲ្យបោះបង់ចោលការប្រកួតក្នុងទឹកទី៤។
នៅឆ្នាំ២០២៣ Hassan Vahdani បានមកប្រកួតនៅលើទឹកដីកម្ពុជា៣លើកទៀតគឺក្នុងខែមីនា បានចាញ់កីឡាករ ឡៅ ចន្ទ្រា តាមរយៈអាជ្ញាកណ្តាលបញ្ឈប់ដោយសារបែកឈាមធំក្នុងទឹកទី៤។ នៅខែមីនា កីឡាករអ៉ីរ៉ង់រូបនេះបានផ្តួល ធន់ រិទ្ធី ឲ្យសន្លប់ក្នុងទឹកទី២តាមរយៈជង្គង់ និងចុងឆ្នាំ២០២៣បានស្មើពិន្ទុជើងខ្លាំង ធឿន ធារ៉ា។
ចូលឆ្នាំ២០២៤ គិតត្រឹមខែកក្កដានេះ Hasson បានមកប្រកួតនៅទឹកដីកម្ពុជា២ដងក្នុងនោះកាលពីខែមិថុនា បានផ្តួល គឹម វាសនា ឲ្យសន្លប់ក្នុងទឹកទី២ និងចុងក្រោយបំផុតបានផ្តួល ធន់ រិទ្ធី ឲ្យសន្លប់ក្នុងទឹកទី១ជាពេលដែលរូបគេវិលត្រឡប់ទៅស្រុកវិញជាមួយខ្សែក្រវាត់ គ្រុឌគុនខ្មែរអន្តរជាតិ អមដោយប្រាក់រង្វាន់១២លានរៀល។
កីឡាករអ៉ឺរ៉ង់ Hassan Vahdani ជាកីឡាករបរទេសទី៣ដែលបានឈ្នះខ្សែក្រវាត់គ្រុឌគុនខ្មែរអន្តរជាតិ បន្ទាប់ពីកីឡាករអាហ្វ្រិកខាងត្បូង Ncedo Gomba ដណ្តើមបានខ្សែក្រវាត់បានពីនាគខ្មៅ ឃីម ឌីម៉ា និងកីឡាករប្រេស៊ីល Machado Bento បានគ្រងខ្សែក្រវាត់ម៉ារ៉ាតុងគុនខ្មែរអន្តរជាតិ បន្ទាប់ពីយកឈ្នះ កែវ រំចង់ នៅវគ្គផ្តាច់ព្រ័ត្រ កាលពីខែឧសភា ឆ្នាំ២០២៤។
កីឡាករអ៉ីរ៉ង់រូបនេះហ្វឹកហាត់នៅប្រទេសថៃដែលមានបទពិសោធច្រើនក្នុងការឡើងសង្វៀនជាមួយកីឡាករថៃខ្លាំងៗ។ កីឡាករដែលមានកម្ពស់១.៨៤ម៉ែត្រ អាយុ២៧ឆ្នាំ ធ្លាប់ប្រកួត៣៣ដង ក្នុងនោះឈ្នះ២៤ ចាញ់៦ និងស្មើ៣។
លទ្ធផល៧ប្រកួតរបស់ Hassan Vahdani លើទឹកដីកម្ពុជា
- ឈ្នះ ធន់ រិទ្ធី ដោយផ្តួលឲ្យសន្លប់ទឹកទី១ ខែកក្កដា ឆ្នាំ២០២៤
- ឈ្នះ គឹម វាសនា ដោយផ្តួលឲ្យសន្លប់ ក្នុងទឹកទី២ ខែមិថុនា ឆ្នាំ២០២៤
- ស្មើ ធឿន ធារ៉ា ខែធ្នូ ឆ្នាំ២០២៣
- ឈ្នះ ធន់ រិទ្ធី ដោយផ្តួលឲ្យសន្លប់ ក្នុងទឹកទី២ ខែឧសភា ឆ្នាំ២០២៣
- ចាញ់ ឡៅ ចន្ទ្រា ដោយអាជ្ញាកណ្តាលបញ្ឈប់ទឹកទី៤ ខែមីនា ឆ្នាំ២០២៣
- ឈ្នះ យ៉ាម ខេមរ៉ា ដោយផ្តួលឲ្យសន្លប់ ក្នុងទឹកទី៤ ឆ្នាំ២០១៩
- ចាញ់ រឿង សុភ័ណ្ឌ ដោយពិន្ទុមិនឯកច្ឆន្ទ ឆ្នាំ២០១៨
អត្ថបទ៖ វីរបុត្រ
ស្នងការខេត្តបន្ទាយមានជ័យ ៖ បុណ្យចូលឆ្នាំថ្មីខាងមុននេះ ហាមច្រកទឹកក្នុងថង់ គប់ដាក់គ្នា
Update! សង្ស័យផ្ដើមពីផ្ទុះធុងហ្គាស ទើបឆេះឃ្លាំងរោងចក្រ៣ រាលដាលដល់ផ្ទះពលរដ្ឋ០៤ខ្នង
ព្រឹត្តិការណ៍ “សង្ក្រាន្តវត្តភ្នំ” ៣ថ្ងៃមានរៀបចំកម្មវិធីបែបប្រពៃណីជាតិ និងកម្មវិធី កម្សាន្តសប្បាយជាច្រើន
អ្នកវិភាគ និងអ្នកឃ្លាំមើល៖ នាយករដ្ឋមន្ត្រីកម្ពុជាតែងផ្ដល់អាទិភាពខ្ពស់ ចំពោះសុខទុក្ខប្រជាពលរដ្ឋ
លោក Munoz និយាយពីកីឡាករចំណូលថ្មី ក្រោយរកបាន Hat-trick
-
ព័ត៌មានអន្ដរជាតិ៥ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ១៥ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ១៥ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១ ថ្ងៃ agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់