កីឡា

អ្នកកាសែតរុស្ស៊ីត្រូវបានដកហូតកាតព័ត៌មាន ក្នុងកីឡាអូឡាំពិកនៅបារាំង

បានផុស

៥ ខែ មុន

នៅ

ថ្ងៃចន្ទ ២៩ កក្កដា ២០២៤

ដោយ

បុគ្គលិកទីភ្នាក់ងារសារព័ត៌មានរដ្ឋរុស្ស៊ី TASS ៤នាក់ដែលមានកាតទទួលស្គាល់ដើម្បីចូលរួមរាយការណ៍អំពីព្រឹត្តិការណ៍កីឡាអូឡាំពិកទីក្រុងប៉ារីសត្រូវបានដកហូត។

ភាពតានតឹងនៅតែបន្តឡើងខ្ពស់រវាងរុស្ស៊ី និងអ្វីគ្រប់យ៉ាងដែលត្រូវធ្វើជាមួយនឹងកីឡាអូឡាំពិក។ ឥឡូវនេះគឺជាវត្តមានរបស់អ្នកកាសែតដែលកំពុងបង្កឲ្យមានភាពចម្រូងចម្រាសថ្មី។ មុនការប្រកួតកីឡា មានការត្អូញត្អែរពីក្រសួងការបរទេសរុស្ស៊ីរួចហើយថា អ្នកសារព័ត៌មានដែលបានដាក់ពាក្យសុំការទទួលស្គាល់ មិនទទួលបានតាមការស្នើសុំទេ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឥឡូវនេះ ជាមួយនឹងការប្រកួតកំពុងដំណើរការ ទីភ្នាក់ងារសារព័ត៌មានរដ្ឋរុស្ស៊ី TASS អះអាងថា អ្នកកាសែត ៤នាក់ដែលកំពុងផ្សាយព័ត៌មានកីឡាអូឡាំពិកត្រូវបានដកហូតកាតរបស់ពួកគេ។ ក្នុងនោះមានអ្នកមានបទពិសោធច្រើនគឺ លោក Artyom Kuznetsov ដែលធ្លាប់ចូលរួមយកព័ត៌មានកីឡាអូឡាំពិក ចំនួន ៧លើក រួចហើយមិនដែលមានការត្អូញត្អែរអំពីការងាររបស់ខ្លួនឡើយ។

TASS អះអាងថា មិនមានការពន្យល់សម្រាប់ការសម្រេចចិត្តនេះទេ។ ករណីមុនៗ មានការចោទប្រកាន់ពីសកម្មភាពចារកម្មដែលអាចកើតមាន ប៉ុន្តែករណីនេះអាចជាករណីរបស់អ្នកសារព័ត៌មានដែលបានរាយការណ៍អំពីសកម្មភាពកីឡារួចហើយ បន្ថែមពីលើពិធីបើក។

នៅក្នុងការពុំមានការពន្យល់សម្រាប់ការសម្រេចចិត្តទំនាក់ទំនងរបស់រុស្ស៊ីជាមួយគណៈកម្មាធិការអូឡាំពិកអន្តរជាតិ និងគណៈកម្មាធិការរៀបចំការប្រកួតនៅតែមានការលំបាក។ អ្នកនាំពាក្យក្រសួងការបរទេសរុស្សី លោកស្រី Maria Zhakarova បានឆ្លៀតយកប្រយោជន៍ពីបញ្ហាក្នុងអំឡុងពិធីបើក ដើម្បីអត្ថាធិប្បាយលើអ្វីដែលលោកស្រីមើលឃើញថាជាការបរាជ័យដ៏សំខាន់មួយ។

គួរដឹងដែរថា អត្តពលិករុស្ស៊ីមាន១៥នាក់ប៉ុណ្ណោះបានទៅចូលរួមប្រកួតកីឡាអូឡាំពិក នៅទីក្រុងប៉ារីស។ ពួកគេចូលរួមក្នុងនាមជាអត្តពលិកអព្យាក្រឹត ព្រោះអ្នកផ្សេងទៀតត្រូវបានហាមឱ្យចូលរួមដោយសារសង្គ្រាមកំពុងបន្តក្នុងប្រទេសអ៊ុយក្រែន ហើយដូចគ្នាចំពោះអត្តពលិកបេឡារុស្ស ផងដែរ៕