កីឡា

កីឡាករ អង់ត្វ័ន ម៉ាតាំងក្លូដ ប្រកួតល្ងាចនេះប៉ះបេក្ខភាព៨១នាក់ នៅអូឡាំពិក

បានផុស

៦ ខែ មុន

នៅ

ថ្ងៃអង្គារ ៣០ កក្កដា ២០២៤

ដោយ

កីឡាករហែលទឹកជម្រើសជាតិកម្ពុជា កូសុងដឺឡាប៉ារ៉ង់ អង់ត្វ័ន ម៉ាតាំងក្លូដ ប្រកួតវេលាម៉ោង១១:១៨នាទីព្រឹក (ម៉ោង៤:១៨នាទីល្ងាចនៅកម្ពុជា) នៅក្នុងព្រឹត្តិការណ៍កីឡាអូឡាំពិក ឆ្នាំ២០២៤ នៅប្រទេសបារាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ អង់ត្វ័ន ម៉ាតាំងក្លូដ នឹងប្រកួតវិញ្ញាសាហែលសេរីចម្ងាយ១០០ម៉ែត្រ ស្ថិតនៅអាងទី២ លេខរៀងទី៣។ វិញ្ញាសាហែលសេរីចម្ងាយ១០០ម៉ែត្រនេះមានកីឡាករចំនួន៨១នាក់មកពីទូទាំងពិភពលោក។

ការប្រកួតត្រូវធ្វើឡើង៣ដំណាក់កាល។ ដំណាក់កាលទី១គឺវគ្គជម្រុះបឋមដែលមានបេក្ខភាព៨១រូបដែលត្រូវជ្រើសរើសយកតែ១៦រូបចុងក្រោយឡើងទៅវគ្គពាក់កណ្តាលផ្តាច់ព្រ័ត្រ។ ដំណាក់កាលទី២គឺវគ្គពាក់កណ្តាលផ្តាច់ព្រ័ត្រ បេក្ខភាពទាំង១៦រូប ត្រូវប្រជែងគ្នាឡើងទៅវគ្គផ្តាច់ព្រ័ត្រដែលមាន៨រូបចុងក្រោយ។ ដំណាក់កាលទី៣គឺវគ្គផ្តាច់ព្រ័ត្រ បេក្ខភាពទាំង៨រូបចុងក្រោយត្រូវប្រជែងគ្នាដណ្តើមមេដាយមាស ប្រាក់ និងសំរិទ្ធ។

អូឡាំពិកឆ្នាំ២០២០នៅប្រទេសជប៉ុន កីឡាករអាមេរិក Caeleb Dressel ជាម្ចាស់មេដាយមាស លើវិញ្ញាសាហែលសេរីចម្ងាយ១០០ម៉ែត្រនេះដោយរូបគេប្រើថិរវេលា ៤៧.០២វិនាទី ប៉ុន្តែឆ្នាំ២០២៤រូបគេមិនបានចូលរួមការពារតំណែងមេដាយមាសរបស់ខ្លួនទេ៕