កីឡា
យុវតីជប៉ុន Coco ឈ្នះមេដាយមាសអូឡាំពិកត្រឹមវ័យ១៤ឆ្នាំ
កីឡាការិនីជិះក្តារស្គីជម្រើសជាតិជប៉ុនវ័យក្មេង Coco Yoshizawa បានឈ្នះមេដាយមាស លើវិញ្ញាសា Women’s Street កាលពីថ្ងៃអាទិត្យ ទី២៨ ខែកក្កដា ឆ្នាំ២០២៤ ក្នុងព្រឹត្តិការណ៍កីឡាអូឡាំពិក នៅប្រទេសបារាំង។
ចំណែកមេដាយប្រាក់បានទៅកីឡាការិនីជប៉ុន Liz Akama ដែលមិត្តរួមជាតិរបស់នាងក្នុងវ័យ១៥ឆ្នាំ ខណៈមេដាយសំរិទ្ធបានទៅកីឡាការិនីប្រេស៊ីល Rayssa Leal អាយុ១៦ឆ្នាំ។
ទោះបីជាយ៉ាងណា កីឡាការិនី Coco Yoshizawa មិនមែនជាកីឡាការិនីវ័យក្មេងជាងគេបំផុតដែលបានឈ្នះមេដាយមាសកីឡាអូឡាំពិកទេ។ កីឡាការិនីវ័យក្មេងជាងគេបំផុតក្នុងប្រវត្តិសាស្ត្រអូឡាំពិកគឺកីឡាការិនីអាមេរិក Donna Elizabeth de Varona បានឈ្នះមេដាយមាសកីឡាហែលទឹក ក្នុងវ័យ១៣ឆ្នាំ និង១២៩ថ្ងៃ ក្នុងកីឡាអូឡាំពិក ឆ្នាំ១៩៦០។
កីឡាការិនីជប៉ុន Momiji Nishiya បានឈ្នះមេដាយមាស ក្នុងវ័យ១៣ឆ្នាំ និង៣៣០ថ្ងៃ ជាកីឡាការិនីវ័យក្មេងជាគេបំផុតសម្រាប់ប្រភេទជិះក្តារស្គី ក្នុងកីឡាអូឡាំពិក ឆ្នាំ២០២០ ដែលជប៉ុន ធ្វើជាម្ចាស់ផ្ទះ។
យុវតី Yoshizawa បាននិយាយក្រោយឈ្នះមេដាយមាសថា ៖«តាមពិតទៅ មនុស្សក្មេងក៏អាចបង្ហាញសមត្ថភាព និងទទួលបានជោគជ័យកម្រិតខ្ពស់ក្នុងព្រឹត្តិការណ៍កីឡាអូឡាំពិកដែរ ហើយខ្ញុំគិតថា នោះពិតជាអស្ចារ្យណាស់»។
សូមបញ្ជាក់ថា កីឡាជិះស្គី មិនបានកំណត់អាយុឲ្យកីឡាករ កីឡាការិនីចូលរួមប្រកួតទេពោលគឺឲ្យតែមានសមត្ថភាពអាចចូលរួមប្រកួតបានតាមចិត្ត ដូច្នេះហើយបានជាមានកាន់តែច្រើនសម្រាប់អត្តពលិកវ័យក្មេងឈ្នះមេដាយលើប្រភេទកីឡានេះ។
គិតត្រឹមថ្ងៃទី៣០ ខែកក្កដា ប្រទេសជប៉ុន ឈរលេខ១ក្នុងតារាងមេដាយអូឡាំពិកឆ្នាំ២០២៤ ដោយបានឈ្នះមេដាយមាស៦ ប្រាក់២ និងសំរិទ្ធ៤។ ខាងក្រោមជាម្ចាស់មេដាយមាសទាំង៦របស់ជប៉ុន៖
- កីឡាករ Kano Koki ឈ្នះមេដាយមាស លើកីឡាគុនដាវ វិញ្ញាសា Men’s Epee Individual
- កីឡាការិនី Coco Yoshizawa ឈ្នះមេដាយមាស លើកីឡាជិះក្តារស្គី វិញ្ញាសា Street Women
- កីឡាករ Hifumi Abe ឈ្នះមេដាយមាស លើកីឡាយូដូ វិញ្ញាសា Men’s 66kg
- កីឡាការិនី Natsumi Tsunoda ឈ្នះមេដាយមាស លើកីឡាយូដូ វិញ្ញាសា Women-48kg
- កីឡាករ Yuto Horiome ឈ្នះមេដាយមាស លើកីឡាស្គី វិញ្ញាសា Men’s Street
- ក្រុមកីឡាករជប៉ុន ឈ្នះមេដាយមាស លើកីឡាកាយសម្ពន្ធ វិញ្ញាសា Men’s Artistic Team all-around
ប្រែសម្រួល៖ វីរបុត្រ
ថ្ងៃ Valentine ចាំបាច់អីតែផ្កា ត្រឹមពាក្យជូនពរពេញអត្ថន័យ ក៏កក់ក្ដៅដល់បេះដូង
អនុប្រធានទី២ព្រឹទ្ធសភា ទទូចឱ្យអាជ្ញាធរបន្តខិតខំបម្រើមូលដ្ឋានរបស់ខ្លួនកាន់តែខ្លាំងក្លា
អាជីពបាល់ទាត់ អៀម រតនា ប្រៀបដូចឡើងកាំជណ្តើរមុនចូលភ្នំពេញក្រោន
អាជ្ញាធរ ទទួលស្គាល់មានលំហូរជនជាតិចិនសម្រុកចុះមកខេត្តមណ្ឌលគិរី
កាកបាទក្រហមកម្ពុជា ប្រគល់ថវិកា៥លានដុល្លារដល់មន្ទីរពេទ្យហ្លួងម៉ែ មន្ទីរពេទ្យថ្នាក់ជាតិឯកទេសព្យាបាលជំងឺមហារីក
កម្ចីប្រាក់តាមអនឡាញខុសច្បាប់ រដ្ឋមន្ត្រីមហាផ្ទៃ ប្រាប់ពលរដ្ឋ «កុំសង» បើគេរករឿង ប្ដឹងមកសមត្ថកិច្ច
ការផ្សាយថាចោរប្លន់សម្លាប់នៅខេត្តកំពត៖ស្នងការ ថាមិនមែនប្លន់សម្លាប់ឡើយ គឺជាករណីស្នេហាត្រីកោណ
ភ្លៀងកក់ខែខ្លាំងបំផុតក្នុងរយៈពេល២០ឆ្នាំនៅវៀតណាម បង្កការជន់លិចធ្ងន់ធ្ងរ
ក្រោយនិយាយចប់ជាមួយពូទីន លោក ត្រាំ ក៏ភ្ជាប់ទូរស័ព្ទទៅលោកហ្សេលេនស្គីភ្លាម
ការផឹកទឹកមួយប្រភេទ អាចបំផ្លាញខួរក្បាល ថ្លើម តម្រងនោម និងជាមេបង្កកោសិកាមហារីក
-
សន្តិសុខសង្គម៤ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៧ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៧ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៤ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៦ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ១ ថ្ងៃ agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៤ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៤ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត