Mbappe ទទួលបានរថយន្ដអគ្គិសនី BMW នៅ Real Madrid

កីឡាករ Kylian Mbappe ទទួលបានថយន្ត BMW ថ្មីសន្លាង​ដែល​មាន​តម្លៃ ១៦៤,០០០ផោន (ជាង​២១​ម៉ឺន​ដុល្លារ) តាមរយៈកិច្ចសន្យារវាងក្រុម Real Madrid ជាមួយក្រុមហ៊ុនផលិតរថយន្ដ BMW របស់អាល្លឺម៉ង់។

ខ្សែប្រយុទ្ធ Kylian Mbappe និងកីឡាករក្រុម Real Madrid នឹងទទួលបានរថយន្ត i7 M70 xDrive ថ្មីក្រុមហ៊ុន​របស់ដែលមានតម្លៃ​ជាង​២១​ម៉ឺន​ដុល្លារ​ មុនពេលបើករដូវកាលថ្មី។ យ៉ាង​ណា​មិញកីឡាករ​បារាំង​រូប​នេះ​នឹង​មិន​អាច​បើក​បរ​បាន​ទេ ព្រោះរូប​គេ​មិន​ទាន់​មាន​ប័ណ្ណ​បើកបរនៅប្រទេសអេស្ប៉ាញ។

ចំណុចសំខាន់នៃកិច្ចព្រមព្រៀងគឺកីឡាករ និងគ្រូបង្វឹកនៃក្រុមបាល់ទាត់បុរស នារី​ ក្រុមបាល់បោះ Real Madrid ទាំងអស់ត្រូវបានផ្តល់ជូនរថយន្ត BMW នៅដើមរដូវកាល។ ពួកគេអាចជ្រើសរើស​ម៉ូដែលរថយន្ដអគ្គិសនីរបស់ក្រុមហ៊ុន BMW តាមចិត្ត។ នេះជារួមចំណែកលើកស្ទួយយានយន្ត​ដែលមិនប៉ះពាល់ដល់បរិស្ថាន។

កិច្ចសន្យារបស់ក្លិប Real Madrid ស្រដៀងទៅនឹងកិច្ចព្រមព្រៀងរបស់ក្លិប Bayern Munich ជាមួយក្រុមហ៊ុនផលិតរថយន្ដ Audi ដែរដោយតម្រូវកីឡាករទទួលបានកាដូ​រថយន្ដ។ ប៉ុន្តែសម្រាប់ Real Madrid មិនមែនតែកីឡាករទេ សូម្បីគ្រូបង្វឹក Carlo Ancelotti និងប្រធានក្លឹប Florentino Perez ក៏ទទួលបានកាដូ​រថយន្តថ្មីនៅដើមរដូវកាល៕

ប្រែសម្រួល៖ ផា រតនា