កីឡា

កម្ពុជា ឈ្នះមេដាយ៤០គ្រឿងពីការប្រកួតហាប់គីដូពិភពលោកនៅថៃ

បានផុស

៦ ខែ មុន

នៅ

ថ្ងៃចន្ទ ៥ សីហា ២០២៤

ដោយ

កីឡាករ កីឡាការិនីហាប់គីដូជម្រើសជាតិកម្ពុជាបានឈ្នះមេដាយចំនួន៤០គ្រឿងពីការប្រកួតកីឡាហាប់គីដូ ជើងឯកពិភពលោក (World I.H.F Hakido Championships) លើកដំបូងនៅប្រទេសថៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតរយៈពេល៤ថ្ងៃចាប់ពីថ្ងៃទី១ដល់ទី៤ ខែសីហា ឆ្នាំ២០២៤ ក្រុមកីឡាហាប់គីដូកម្ពុជាទទួលបានមេដាយមាសមាស១២ ប្រាក់១៣ និងសំរិទ្ធ១៥។

ការប្រកួតកីឡាហាប់គីដូ ជើងឯកពិភពលោក មានច្រើនវិញ្ញាសាគឺចាប់ពី៨ឆ្នាំដល់១៨ឆ្នាំឡើង ហើយត្រូវបានបែកចែកទៅតាមប្រភេទទម្ងន់ថែមទៀត។ ជាក់ស្តែងសម្រាប់អាយុ៨ឆ្នាំមានកុមារា និងកុមារី ដែលមានវិញ្ញាសាអាយុ២០គីឡូក្រាម ២២គីឡូក្រាម ២៤គីឡូក្រាម ២៧គីឡូក្រាម ៣០គីឡូក្រាម ក្រោម៣៤គីឡូក្រាម និង៣៤គីឡូក្រាមឡើង ហើយក៏មានវិញ្ញាសាឯកត្តជន គូ និងក្រុម។

សហព័ន្ធកីឡាហាប់គីដូ កម្ពុជាបានបញ្ជូនកីឡាករ១១នាក់ និងកីឡាការិនី៨នាក់ ដែលដឹកនាំដោយលោក ម៉ុក សាំងហ៊ុន ប្រធានប្រតិភូ លោកឃីម ណារិទ្ធ ប្រតិភូរង និងគ្រូបង្វឹក លោក គង់ ចាន់ធីណា ព្រមទាំងគ្រូជំនួយ២នាក់៕