កីឡា

ម្ចាស់មេដាយមាសស៊ីហ្គេម ឈុន ប៊ុនថន ប្រកួតល្ងាចនេះ ប៉ះគូប្រជែង៥៣នាក់

បានផុស

៦ ខែ មុន

នៅ

ថ្ងៃពុធ ៧ សីហា ២០២៤

ដោយ

កីឡាករអត្តពលកម្មជម្រើសជាតិកម្ពុជា ឈុន ប៊ុនថន នឹងប្រកួតវេលាម៉ោង៤:៥៥នាទីល្ងាចនេះ ម៉ោងនៅកម្ពុជា លើវិញ្ញាសារត់ចម្ងាយ៨០០ម៉ែត្រ ក្នុងព្រឹត្តិការណ៍កីឡាអូឡាំពិក ឆ្នាំ២០២៤ នៅប្រទេសបារាំង។

វិញ្ញាសារត់ចម្ងាយ៨០០ម៉ែត្រនេះមានកីឡាករ៥៣នាក់ដែលសុទ្ធតែកីឡាករខ្លាំងៗមកពីជុំវិញពិភពលោក។ ចំពោះម្ចាស់ផ្ទះបារាំងមានកីឡាករ៣រូបដែលមានឈ្មោះចូលរួមប្រកួត ខណៈសហរដ្ឋអាមេរិក និងអេស្ប៉ាញក៏មានកីឡាករ៣នាក់ដែរ។

ចំពោះកីឡាករកម្ពុជា ឈុន ប៊ុនថន ស្ថិតក្នុង Heat 5 ដែលមានកីឡាករបារាំង ចក្រភពអង់គ្លេស អាហ្វ្រិកខាងត្បួង កេនយ៉ា ប៉ូឡូញ ចាម៉ៃកា វេណេហ្ស៊ូអេឡា និង ន័រវេ។

កាលស៊ីហ្គេម ឆ្នាំ២០២៣ ឈុន ប៊ុនថន បានប្រើថិរវេលា ១នាទី និង៥២.៩១នាទី ដើម្បីឈ្នះមេដាយមាស ខណៈកំណត់ត្រាផ្ទាល់ខ្លួនល្អបំផុតគឺ ១នាទី និង៥០.០៩វិនាទី នៅពេលប្រកួតជើងឯកអាស៊ីកាលពីឆ្នាំ២០២៣ នៅប្រទេសថៃ។

ការប្រកួតមាន៣ដំណាក់កាល។ ដំណាក់កាលទី១គឺវគ្គជម្រុះបឋមក្នុងចំណោមកីឡាករទាំងអស់។ ដំណាក់កាលទី២ គឺវគ្គពាក់កណ្តាលផ្តាច់ព្រ័ត្រដែលសុទ្ធតែជើងខ្លាំងជាប់ក្នុងវគ្គជម្រុះបឋម និងដំណាក់កាលទី៣គឺវគ្គផ្តាច់ព្រ័ត្រដើម្បីដណ្តើមមេដាយមាស ប្រាក់ និងសំរិទ្ធ។

វិញ្ញាសារត់ចម្ងាយ៨០០ម៉ែត្រនេះ កីឡាករ David Rudisha របស់ប្រទេសកេនយ៉ា កំពុងកាន់កំណត់ត្រាថិរវេលាល្អបំផុតទាំងកម្រិតពិភពលោក និងអូឡាំពិក ដោយរូបគេបានប្រើពេល ១ នាទី និង៤០.៩១នាទី ដែលកាន់តាំងពីថ្ងៃទី៩ ខែសីហា ឆ្នាំ២០១២៕