កីឡា
ម្ចាស់ផ្ទះ បារាំង ប៉ះ ប៉ូឡូញ ដណ្តើមមេដាយមាសបាល់ទះនៅអូឡាំពិក
ក្រុមបាល់ទះជម្រើសជាតិ បារាំង នឹងដណ្តើមមេដាយមាស ជាមួយ ក្រុមបាល់ទះជម្រើសជាតិ ប៉ូឡូញ ក្នុងព្រឹត្តិការណ៍កីឡាអូឡាំពិក ឆ្នាំ២០២៤ បន្ទាប់ពីទទួលបានជ័យជម្នះរៀងៗខ្លួនក្នុងវគ្គពាក់កណ្តាលផ្តាច់ព្រ័ត្រកាលពីយប់ថ្ងៃទី៧ ខែសីហា។
អាមេរិក ពិតជាសោកស្តាយខ្លាំងមែនទែន បន្ទាប់ពីនាំមុខ ប៉ូឡូញ ទៅហើយ ប៉ុន្តែបែរជាត្រូវឲ្យដៃគូវាយបកយកឈ្នះ២សិតចុងក្រោយ។ នៅសិតទី១ ប៉ូឡូញ បានយកឈ្នះ អាមេរិក ដោយពិន្ទុ ២៥-២៣ ប៉ុន្តែនៅសិតទី២ និងទី៣ អាមេរិក ធ្វើបានយ៉ាងល្អវិញ ដោយបានយកឈ្នះក្នុងពិន្ទុ ២៥-២៧ និង១៤-២៥។ ប៉ូឡូញហាក់ដូចបែកទម្រង់ក្នុង២សិតនេះ ខណៈកីឡាកររបស់ខ្លួនមានរបួសផងដែលធ្វើឲ្យអាមេរិកទទួលពិន្ទុស្រួលៗនៅសិតទី៣។
ទោះបីជាយ៉ាងណា នៅសិតទី៤ និងទី៥ ប៉ូឡូញ បានប្រមូលស្មារតីឡើងវិញដោយបានយកឈ្នះក្នុងពិន្ទុ ២៥-២៣ និង១៥-១៣ ដើម្បីឡើងទៅកាន់វគ្គផ្តាច់ព្រ័ត្រ។
ចំណែក អ៉ីតាលី មិនអាចតដៃជាមួយម្ចាស់ផ្ទះបារាំងបានទេ។ បារាំងបានយកឈ្នះ៣សិត០តែម្តងគឺពិន្ទុ ២៥-២០, ២៥-២១ និង២៥-២១ ដើម្បីឡើងទៅកាន់វគ្គផ្តាច់ព្រ័ត្រ។ មែនទែនទៅ អ៉ីតាលីបង្ហាញទម្រង់លេងមិនសូវល្អតាំងពីវគ្គ៨ក្រុមចុងក្រោយ នៅពេលពួកគេបានយកឈ្នះជប៉ុនទាំងតឹងតែងបំផុត។
ដូច្នេះអាមេរិក នឹងត្រូវដណ្តើមមេដាយ សំរិទ្ធ ជាមួយ អ៉ីតាលី នៅថ្ងៃទី៩ ខែសីហា ខណៈ បារាំង ដណ្តើមមេដាយមាស ជាមួយ ប៉ូឡូញ នៅថ្ងៃទី១០ ខែសីហា។
រហូតដល់ពេលនេះ ក្រុមទាំង១២ដែលបានកៅអីអូឡាំពិកគឺ អេហ្ស៊ីប ស្ថិតនៅលេខ១២ អាហ្សង់ទីនលេខ១១ កាណាដាលេខ១០ ស៊ែប៊ីលេខ៩ ប្រេស៊ីលលេខ៨ ជប៉ុនលេខ៧ អាល្លឺម៉ង់លេខ៦ និងស្លូវេនីលេខ៥ ខណៈក្រុមដែលឈ្នះមេដាយមាសនឹងស្ថិតនៅលេខ១ ម្ចាស់មេដាយប្រាក់នឹងស្ថិតនៅលេខ២ ហើយម្ចាស់មេដាយសំរិទ្ធនឹងនៅលេខ៣ ហើយក្រុមដែលមិនបានឈ្នះមេដាយនឹងនៅលេខ៤៕
អត្ថបទ៖ វីរបុត្រ
-
ព័ត៌មានជាតិ១ សប្តាហ៍ ago
ព្យុះ ប៊ីប៊ីនកា បានវិវត្តន៍ទៅជាព្យុះសង្ឃរា បន្តជះឥទ្ធិពលលើកម្ពុជា
-
ព័ត៌មានជាតិ៥ ថ្ងៃ ago
ព្យុះ ពូលឡាសាន ជាមួយវិសម្ពាធទាប នឹងវិវត្តន៍ទៅជាព្យុះទី១៥ បង្កើនឥទ្ធិពលខ្លាំងដល់កម្ពុជា
-
ព័ត៌មានអន្ដរជាតិ៤ ថ្ងៃ ago
ឡាវ បើកទំនប់ទឹកនៅខេត្ត Savannakhet
-
ព័ត៌មានអន្ដរជាតិ១ សប្តាហ៍ ago
អឺរ៉ុបកណ្តាលនិងខាងកើត ក៏កំពុងរងគ្រោះធ្ងន់ធ្ងរ ដោយទឹកជំនន់ដែរ
-
ព័ត៌មានអន្ដរជាតិ១ សប្តាហ៍ ago
វៀតណាម ប្រាប់ឲ្យពលរដ្ឋត្រៀមខ្លួន ព្រោះព្យុះថែមទៀត នឹងវាយប្រហារ ចុងខែនេះ
-
ព័ត៌មានជាតិ៣ ថ្ងៃ ago
Breaking News! កម្ពុជា សម្រេចដកខ្លួនចេញពីគម្រោងCLV-DTA
-
ព័ត៌មានអន្ដរជាតិ៦ ថ្ងៃ ago
ព្យុះកំបុងត្បូង នឹងវាយប្រហារប្រទេសថៃ នៅថ្ងៃសុក្រនេះ
-
ព័ត៌មានជាតិ៧ ថ្ងៃ ago
ព្យុះចំនួន២ នឹងវាយប្រហារក្នុងពេលតែមួយដែលមានឥទ្ធិពលខ្លាំងជាងមុន ជះឥទ្ធិពលលើកម្ពុជា