កីឡា

យប់នេះ បារាំង ឬ អេស្ប៉ាញ ជាម្ចាស់មេដាយមាសបាល់ទាត់អូឡាំពិក?

បានផុស

៦ ខែ មុន

នៅ

ថ្ងៃសុក្រ ៩ សីហា ២០២៤

ដោយ

ការប្រកួតបាល់ទាត់បុរសក្នុងព្រឹត្តិការណ៍កីឡាអូឡាំពិក ឆ្នាំ២០២៤ បានឈានដល់វគ្គផ្ដាច់ព្រ័ត្រ វេលាម៉ោង១១យប់នេះដែលជាការជួបគ្នារវាងម្ចាស់ផ្ទះបារាំង និង អេស្ប៉ាញ ដើម្បីដណ្តើមមេដាយមាស។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

មុនឡើងដល់វគ្គផ្ដាច់ព្រ័ត្រ បារាំងបានទម្លាក់ អាហ្សង់ទីន ដោយលទ្ធផល ១-០ នៅវគ្គ៨ក្រុមចុងក្រោយ និងវគ្គពាក់កណ្ដាលផ្ដាច់ព្រ័ត្រ បានយកឈ្នះ អេហ្សុីប ដោយលទ្ធផល ៣-១។ នេះជាលើកទី៣ ក្នុងប្រវត្តិសាស្ត្រ ដែលបារាំង បានឡើងដល់វគ្គផ្ដាច់ព្រ័ត្រ ក្នុងកីឡាអូឡាំពិក ក្រោយពីរលើកកន្លងមក បានឈ្នះមេដាយមាស១លើកក្នុងឆ្នាំ១៩៨៤ និងមេដាយប្រាក់១លើក ក្នុងឆ្នាំ១៩០០។

ក្រុមជម្រើសជាតិអេស្ប៉ាញ ដឹកនាំដោយលោក Santi Denia ធ្វើបានល្អមែនទែន ក្នុងព្រឹត្តិការណ៍កីឡាអូឡាំពិកឆ្នាំ២០២៤។ មុនឡើងជួបបារាំងនៅវគ្គផ្ដាច់ព្រ័ត្រ អេស្ប៉ាញ បានទម្លាក់ ជប៉ុន ដោយលទ្ធផល ៣-០ ក្នុងវគ្គ៨ក្រុមចុងក្រោយ និងវគ្កពាក់កណ្ដាលផ្ដាច់ព្រ័ត្រ បានយកឈ្នះ ម៉ារ៉ុក ដោយលទ្ធផល ២-១។

នេះជាលើទី៥ ដែលអេស្ប៉ាញបានឡើងដល់វគ្គផ្ដាច់ព្រ័ត្រក្នុងព្រឹត្តិការណ៍កីឡាអូឡាំពិក។ ៤លើកកន្លងមក ពួកគេឈ្នះមេដាយមាស១លើក ក្នុងឆ្នាំ១៩៩២ និងមេដាយប្រាក់៣លើក ក្នុងឆ្នាំ១៩២០ ២០០០និង២០២០។

យប់នេះ ប្រសិនបើក្រុមជម្រើសជាតិមួយណាឈ្នះមេដាយមាស នោះពួកគេនឹងបង្កើនកំណត់ត្រាឈ្នះមាសលើក២លើក ក្នុងព្រឹត្តិការណ៍កីឡាអូឡាំពិក។ កាលពីយប់មិញ ម៉ារ៉ុក ទទួលបានមេដាយសំរិទ្ធ បន្ទាប់ពីឈ្នះ អេហ្ស៊ីប ដោយលទ្ធផល ៦-០៕

អត្ថបទ៖ ផា រតនា