កីឡា

កីឡាករក្រុមវៀតណាម Thanh Hoa FC ធ្វើកូដកម្ម បន្ទាប់ពីមិនបានប្រាក់ខែ២ឆ្នាំ

បានផុស

១ ខែ មុន

នៅ

ថ្ងៃសុក្រ ២៣ សីហា ២០២៤

ដោយ

កីឡាកររបស់ក្លិបបាល់ទាត់វៀតណាម Thanh Hoa FC បានធ្វើកូដកម្ម ជុំវិញបានជំពាក់ប្រាក់ឈ្នួល និងប្រាក់រង្វាន់ដល់ពួកគេរយៈពេល២ឆ្នាំ ដែលមានចំនួនជិត៧៩៥,០០០ ដុល្លារ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករ១៨នាក់របស់ក្លិប Thanh Hoa រួមទាំងកីឡាករប្រេស៊ីល Gustavo បានដាក់ពាក្យប្តឹងទៅអាជ្ញាធរខេត្ត និងសហព័ន្ធបាល់ទាត់វៀតណាម (VFF)។ ពួកគេបាននិយាយថា អ្នកគ្រប់គ្រងក្លិបមិនបានបើកប្រាក់ឲ្យពួកគេតាមការសន្យា ហើយជំពាក់ប្រាក់ពួកគេពីឆ្នាំ២០២៣និង២០២៤។

ក្រៅពីមិនបើកប្រាក់ខែ និងប្រាក់បន្ថែមជូនកីឡាករគ្រប់ចំនួន ថ្នាក់ដឹកនាំក្លិបក៏មិនបានផ្តល់ប្រាក់រង្វាន់ដល់ពួកគេដែរ នៅពេលពួកគេឈ្នះពានរង្វាន់ជាតិនៅឆ្នាំ២០២៣ និងឆ្នាំ២០២៤ ដែលសរុបជាទឹកប្រាក់ជិត២០ពាន់លានដុង។ ពួកគេត្រូវបានគេសន្យាផ្តល់ប្រាក់ច្រើនដងហើយ ប៉ុន្តែមិនបានទទួលទេ។ ដូច្នេះហើយ ទើបក្រុមកីឡាករសម្រេចធ្វើកូដកម្ម និងឈប់ហ្វឹកហាត់រហូតដល់ទទួលបានប្រាក់ខែ។

លោក Cao Hoang Duc នាយកប្រតិបត្តិក្លិបបាននិយាយថា ចំនួនទឹកប្រាក់នេះមិនច្រើនដូចកីឡាករបានចោទប្រកាន់នោះទេ ហើយលោកបានសន្យានឹងមានគម្រោងបង់ប្រាក់ឲ្យពួកគេក្នុងខែសីហានេះ។ លោកក៏បានសម្រេចចិត្តប្រើប្រាស់កីឡាករដែលនៅសល់ក្នុងក្លិបសម្រាប់ការប្រកួតនានា។

មុននឹងបញ្ហាប្រាក់បៀវត្សរ៍ ក្លិប Thanh Hoa បានធ្វើរឿងចម្រូងចម្រាសដោយដកខ្លួនចេញពី AFC Cup កាលពីខែមុន។ ក្លិបបានឈានចូលវគ្គចែកពូល AFC Cup ជាការប្រកួតកម្រិតទីពីរនៅអាស៊ី បន្ទាប់ពី AFC Champions League ប៉ុន្តែបន្ទាប់មកបានសម្រេចដកខ្លួន៕

ប្រែសម្រួល៖ ផា រតនា