កីឡា

ការគិតលទ្ធផលទុកមុនតំបន់អាមេរិកខាងត្បូង ៦ខែចុងក្រោយ កើនឡើងជាង២០០%

បានផុស

៨ ខែ មុន

នៅ

ថ្ងៃចន្ទ ១២ សីហា ២០២៤

ដោយ

ករណីគិតលទ្ធផលទុកមុនការប្រកួត និងការភ្នាល់បានកើនឡើងយ៉ាងអាក្រក់នៅអាមេរិកខាងត្បូង។ នេះបើយោងតាមទិន្នន័យរយៈពេល៦ខែចុងក្រោយរបស់អ្នកឯកទេសសុចរិតភាពកីឡា Starlizard Integrity Services (SIS) ដែលបានតាមដានការប្រកួតចំនួន៣៦,៨៤១ប្រកួត គិតពីថ្ងៃទី១ ខែមករា និងថ្ងៃទី៣០ ខែមិថុនា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតគួរឲ្យសង្ស័យចំនួន២១.៥៥% (សរុបចំនួន១៧ប្រកួត) ត្រូវបានកំណត់អត្តសញ្ញាណមកពីប្រទេសក្នុងតំបន់អាមេរិកខាងត្បូង ដោយការប្រកួតចំនួន៦ប្រកួតក្នុងកម្រិតកំពូលនិង១១ប្រកួតក្នុងកម្រិតទី២។

លោក Affy Sheikh ប្រធានផ្នែកសេវាកម្ម Starlizard Integrity បាននិយាយថា ៖«តួលេខពាក់កណ្តាលឆ្នាំ២០២៤ បង្ហាញពីការយល់ដឹងជាច្រើនទាក់ទងនឹងភាពវិជ្ជមានមួយចំនួនដែលត្រូវរាយការណ៍។ ជាពិសេស ទិន្នន័យបង្ហាញពីស្ថានភាពដ៏គួរឲ្យបារម្ភនៅក្នុងតំបន់អាមេរិកខាងត្បូង។ ចំនួនការប្រកួតគួរឲ្យសង្ស័យបានកើនឡើង២០០% បើធៀបនឹងរយៈពេលដូចគ្នាកាលពីឆ្នាំមុន»។

ការប្រកួតគួរឲ្យសង្ស័យចំនួន៣៣ (៤១.៨%) ត្រូវបានកំណត់អត្តសញ្ញាណនៅក្នុងតំបន់អាមេរិកខាងត្បូងគឺជាការកើនឡើងចំនួន១១ប្រកួត ក្នុងរយៈពេលដូចគ្នាកាលពីឆ្នាំមុន។ នេះតំណាងឲ្យ ០.៥៦% នៃការប្រកួតក្នុងតំបន់អាមេរិកខាងត្បូងទាំងអស់ដែលបានវិភាគដោយ Starlizard ក្នុងឆមាសទី១ ឆ្នាំ២០២៤។

ផ្ទុយទៅវិញ តំបន់អឺរ៉ុប (UEFA) បានធ្លាក់ចុះនៃចំនួនការប្រកួតគួរឲ្យសង្ស័យពីចំនួន៤០ប្រកួតនៅសល់តែ២៩ប្រកួត។ តួលេខថ្មីតំណាងឱ្យ ០.១៥% នៃការប្រកួតក្នុងតំបន់ UEFA ទាំងអស់ដែលបានវិភាគ៕

ប្រែសម្រួល៖ ផា រតនា