កីឡា

ព្រឹត្តិការណ៍អូឡាំពិក២០២៤បំបែកឯតទគ្គកម្មលើសពីកីឡា

បានផុស

៦ ខែ មុន

នៅ

ថ្ងៃចន្ទ ១២ សីហា ២០២៤

ដោយ

ព្រឹត្តិការណ៍កីឡាអូឡាំពិកបារីស ឆ្នាំ២០២៤ ត្រូវបានបិទបញ្ចប់ជាផ្លូវការនៅយប់ថ្ងៃអាទិត្យ ទី១១ ខែសីហា បន្ទាប់ពីដំណើរការប្រកួតតាំងពីថ្ងៃទី២៦ ខែកក្កដា នៅប្រទេសបារាំង។ កីឡាអូឡាំពិកបារីសនេះជាព្រឹត្តិការណ៍ប្រវត្តិសាស្ត្រដំបូងបើកនៅលើទឹកទន្លេសែន និងបញ្ចប់នៅពហុកីឡដ្ឋានជាតិ ហើយមានកំណត់ត្រា និងអត្ថប្រយោជន៍លើសពីការរំពឹងទុក បើប្រៀបធៀបនឹងព្រឹត្តិការណ៍មុនៗ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខាងក្រោមជាគោលសំខាន់ៗនៃកីឡាអូឡាំពិក ឆ្នាំ២០២៤

១- កីឡា

ការប្រកួតមានរយៈពេល១៩ថ្ងៃ។ អត្តពលិកមកពីប្រទេស និងដែនដីជាសមាជិកគណៈកម្មាធិការអូឡាំពិកអន្តរជាតិចំនួន២០៦ និងមានតំណាងក្រុមអូឡាំពិកជនភៀសខ្លួន។ កីឡា៣២ប្រភេទស្មើនឹង៣២៩វិញ្ញាសា (មាស៣២៩ ប្រាក់៣៣០ និងសំរិទ្ធ៣៨៥) ដែលប្រកួតនៅទីលានប្រកួត៣៥កន្លែង។

កីឡាចំនួន៤ប្រភេទត្រូវបានគណៈកម្មាធិការអូឡាំពិកបារីស ស្នើដាក់បញ្ចូលក្នុងធម្មនុញ្ញគឺ skateboarding, sport climbing, surfing និង breaking។

ការបំបែកកំណត់ត្រាអូឡាំពិកមានចំនួន១២៥ និងការបំបែកកំណត់ត្រាពិភពលោកមាន៣២។

អត្តពលិកអូឡាំពិកតំណាងជនភៀសខ្លួនបានឈ្នះមេដាយ៩១។ ប្រទេសជាសមាជិកចំនួន៤បានឈ្នះមេដាយមាសអូឡាំពិកជាលើកដំបូងគឺ បូតស្វាណា សាធារណរដ្ឋដូមិនិក ហ្គាតេម៉ាឡា និងសាំងឡូសៀ។

២- អ្នកគាំទ្រ

ទូទាំងទីក្រុងបារីស និងប្រទេសបារាំង អ្នកគាំទ្របានទស្សនារាប់រយកន្លែង។ សំបុត្រចំនួន៩.៥លានក្នុងចំណោម១០លានសំបុត្រត្រូវបានលក់អស់។ អ្នកគាំទ្រមកពីទូទាំងពិភពលោកចំនួន ១៤៥ពាន់នាក់បានចូលរួមទស្សនាផ្ទាល់នៅតំបន់អ្នកគាំទ្រ ហើយក៏មានការរៀបចំពិធីអបអរ២២៥០កន្លែងដើម្បីអបអរ។

មនុស្សជិត១លាននាក់ចេញមកតាមផ្លូវដើម្បីទស្សនាការប្រកួតជិះកង់២លើកគឺនៅថ្ងៃទី៣ និងទី៤ ខែសីហា។ មនុស្សជាង៦លាននាក់បានអបអរទូទាំងប្រទេសបារាំង ដូចជា ៤.៥លាននាក់ នៅតាមហាងកម្សាន្ត។ ឧទ្យានជាតិ១៥កន្លែងបានក្លាយជាទីជួបជុំមនុស្សជាង៩០ម៉ឺននាក់ជារៀងរាល់ថ្ងៃ។ វាបានក្លាយជាឧទ្យាន Champions Park នៅពេលមនុស្សជាង២៨ម៉ឺននាក់នាំគ្នាអបអរនៅម៉ម Eiffel Tower ក្នុងនោះមានម្ចាស់មេដាយ៦០០នាក់មកពីទូទាំងពិភពលោកបានទៅអបអរនៅទីនោះដែរ។

៣– សមភាពយេនឌ័រ

ប្រទេសជាសមាជិកគណៈកម្មាធិការអូឡាំពិកអន្តរជាតិចំនួន១៩៦ (៩៦%) បានដាក់កីឡាករ១នាក់ និងកីឡាការិនី១នាក់ឲ្យកាន់ទង់ជាតិរបស់ខ្លួន។ កីឡា២៨ក្នុងចំណោមកីឡា៣២ប្រភេទមានអត្តពលិកជាបុរស និងស្ត្រីស្មើភាពគ្នា។

ចំនួនវិញ្ញាសាសមភាពយេនឌ័រគឺមានស្ត្រី១៥២វិញ្ញាសា បុរស១៥៧វិញ្ញាសា និងចម្រុះបុរស-នារី២០វិញ្ញាសា។ ស្ត្រីមាន៥០%ក្នុងចំណោមអ្នកស្ម័គ្រចិត្ត៤៥ពាន់នាក់។ ការបំបែកកំណត់ត្រាពិភពលោកសម្រាប់អ្នកគាំទ្រមើលការប្រកួតរបស់កីឡាការិនីគឺកីឡាបាល់ឱបមានអ្នកគាំទ្រ៦៦ពាន់នាក់។ ការបំបែកកំណត់ត្រាអឺរ៉ុបសម្រាប់អ្នកគាំទ្រមើលការប្រកួតនារីគឺកីឡាបាល់បោះមានអ្នកគាំទ្រ២៧ពាន់នាក់ និងបាល់គប់នារីមានអ្នកគាំទ្រជាង២៦ពាន់នាក់។

៤– សាមគ្គីអូឡាំពិក

កម្មវិធីសាមគ្គីអូឡាំពិកបានជួយអត្តពលិករាប់ពាន់នាក់ឲ្យមានលក្ខណៈសម្បត្តិគ្រប់គ្រាន់ និងការប្រកួតប្រជែងតាមរយៈការផ្តល់មូលនិធិលើការហ្វឹកហាត់ សម្ភារៈ និងថវិកា ដែលនាំឲ្យទទួលបានលទ្ធផលគាប់ប្រសើរ។

កីឡាករ៣០៩នាក់ និងកីឡាការិនី២៩៥នាក់ទទួលបានអាហារូបករណ៍តាមរយៈសាមគ្គីអូឡាំពិក។ អ្នកទទួលបានអាហារូបករណ៍សាមគ្គីអូឡាំពិកចំនួន៦០៤នាក់បានឈ្នះមេដាយក្នុងនោះមាស២៦ ប្រាក់១៩ និងសំរិទ្ធ២៩ ព្រមទាំងលិខិតបញ្ជាក់បន្ថែម១២៦នាក់ទៀត។

ប្រទេសសមាជិក១៩៥បានទទួលមូលនិធិអាហារូបករណ៍សាមគ្គីអូឡាំពិកសម្រាប់កីឡាអូឡាំពិកបារីស ក្នុងនោះអាហារូបករណ៍១៥៩នាក់ និងជំនួយបង្កើតកម្មវិធី៣៦។ អ្នកទទួលបានអាហារូបករណ៍អូឡាំពិកបារីស១៣៩នាក់ (ស្ត្រី៦៤នាក់ និងបុរស៧៥នាក់) ត្រូវបានជ្រើសរើសឲ្យកាន់ទង់ជាតិរបស់ពួកគេក្នុងពិធីបើក។

៥– ការផ្សព្វផ្សាយ

ព្រឹត្តិការណ៍អូឡាំពិកបារីស២០២៤មានអ្នកមើលទូទាំងពិភពលោករាប់ប៊ីលាននាក់តាមរៈសិទ្ធិផ្សព្វផ្សាយ និងសេវាកម្មផ្សព្វផ្សាយអូឡាំពិក (OBS)។ ស្ថាប័នទទួលសិទ្ធិផ្សព្វផ្សាយចំនួន៣៦។ ស្ថាប័នទទួលបានសិទ្ធិផ្សាយបន្តចំនួន១៨២។ ជាងពាក់កណ្តាលនៃប្រជាជនទូទាំងពិភពលោកត្រូវគេប៉ាន់ស្មានបានទស្សនាតាមរយៈការផ្សព្វផ្សាយ និងបណ្តាញទំនាក់ទំនងសង្គម។

ក្រុមការងារ OBS បានផ្សាយជាង១ម៉ឺនម៉ោង មានបុគ្គលិក៨៣០០នាក់ កាមេរ៉ា១ពាន់ដើម មីក្រូហ្វូន៣៦៨០ដើម។ ប្រទេស៧០បានភ្ជាប់ទំនាក់ទំនងព័ត៌មានផ្ទាល់ជាមួយអត្តពលិក។ បច្ចេកវិទ្យា AI ត្រូវបានប្រើជួយដល់ MRHs ជាមួយ highlights ស្វ័យប្រវត្តិជាង៩៥ពាន់។

ស្ថាប័នសារព័ត៌មាន៤១៥៥ត្រូវបានទទួលស្គាល់។ អ្នកសារព័ត៌មានក្នុងស្រុក៩០៤នាក់ និងអន្តរជាតិ៤៨៤០នាក់។ អ្នកថតរូបចំនួន១៥៧៨នាក់។

៦– ឌីជីថល

អ្នកគាំទ្របានចូលតាមបណ្តាញទំនាក់ទំនងឌីជីថលរបស់គណៈកម្មាធិអូឡាំពិកអន្តរជាតិជាង១២ប៊ីលាន ច្រើនជាងអូឡាំពិក២០២០ពាក់កណ្តាល។ អ្នកថ្មីជាង៣២លាននាក់បានចូលបណ្តាញទំនាក់ទំនងសង្គមបារីស២០២៤ កើនឡើងជាង៣ដង ធៀបនឹងអូឡាំពិក២០២០។

ការចូលប្រើវេបសាយ និង app រហូតដល់៣០០លាននាក់ ជាកំណើនខ្ពស់បំផុតមិនធ្លាប់មាន។

៧– កេរដំណែល និងផលប៉ះពាល់

អូឡាំពិក២០២៤បានក្លាយជាព្រឹត្តិការណ៍ប្រវត្តិសាស្ត្រថ្មីសម្រាប់ឥទ្ធិពលវិជ្ជមាន និងកេរដំណែកដែលត្រូវបានបង្កើតជាសហគមក្នុងស្រុកទាំងមុន អំឡុងពេល និងក្រោយពេលព្រឹត្តិការណ៍។

រាប់ចាប់តាំងពីនាំមនុស្សជុំវិញពិភពលោកឲ្យជួបជុំ។ សកម្មភាពរាងកាយ៣០នាទីជារៀងរាល់ថ្ងៃជាគោលនយោបាយជាតិត្រូវបានអនុវត្តដល់សាលាបឋមសិក្សា៣៦៨០០កន្លែងទូទាំងប្រទេសបារាំង។

កុមារបារាំង២៦ពាន់នាក់ទទួលបានការហែលទឹកដោយសេរី។ យុវជន៥លាននាក់ចូលរួមកម្មវិធីអូឡាំពិក និងបារ៉ាឡាំពិកប្រចាំសប្តាហ៍។ កន្លែងកីឡាសហគម៥ពាន់កន្លែងផ្តល់ឱកាសដល់អ្នកចូលចិត្ត។ ៤.៥លាននាក់ទទួលបានផលផ្ទាល់ពីគម្រោងអភិវឌ្ឍថ្នាល១១០០ និងអត្ថប្រយោជន៍ផ្សេងៗជាច្រើនទៀត។

៨– និរន្តរភាព

អូឡាំពិកបារីស២០២៤បានបង្កើតស្តង់ដានិរន្តរភាពថ្មីសម្រាប់ព្រឹត្តិការណ៍កីឡាជាសកលតាមរយៈការកាត់បន្ថយផលប៉ះពាល់បរិស្ថាន។ វាបានកាត់បន្ថយការបំភាយកាបូនពាក់កណ្តាល ប្រៀបធៀបនឹងមធ្យមភាគអូឡាំពិក២០១២ និង២០១៦។ ៩៥%នៃទីលានប្រកួតមានស្រាប់ ឬគ្រាន់តែជាកន្លែងបណ្តោះអាសន្ន។ គ្រប់ទីលានទាំងអស់អាចចូលដោយរថយន្តសាធារណៈ៕