Virgil van Dijk ជំរុញឲ្យ Liverpool នាំចូលកីឡាករថ្មី

ខ្សែការពារ Virgil van Dijk ជំរុញឲ្យក្លិប Liverpool នាំ​ចូល​កីឡាករថ្មី​ មុនពេលទីផ្សារដោះដូរកីឡាករបិទ ខណៈរូបគេក៏ឈានចូលដល់ឆ្នាំចុងក្រោយនៃកិច្ចសន្យាស្នាក់នៅកីឡដ្ឋាន​ Anfield។

ក្លិបហង្សក្រហម Liverpool មិនទាន់​បាន​នាំចូល​កីឡាករ​ថ្មី​ទេក្នុងរដូវកាលថ្មីនេះ គិតចាប់តាំងពី​ទីផ្សារដោះដូរកីឡាករ​ត្រូវ​បាន​បើក​ ក្រោម​ការ​ដឹក​នាំ​គ្រូ​បង្វឹក​ថ្មី លោក Arne Slot។ មិនត្រឹមតែ​​ប៉ុណ្ណោះ​ទេ​ ការបន្តកុងត្រា​កីឡាករ​ចាស់​​​ក៏​មិន​ទាន់ធ្វើ​។

ប្រធាន​ក្រុម​ Virgil van Dijk ជាសមាជិក​ដ៏​សំខាន់​ក្នុងចំណោមកីឡាករ​៣នាក់​គឺ​កីឡាករ Mohamed Salah និង Trent Alexander-Arnold ​​នឹង​​ផុត​កុងត្រា​​ក្នុង​រដូវ​កាល​ថ្មី​ខាង​មុខ​។

Dijk និយាយថា​ ៖‍«ខ្ញុំគិតថា យើងគួរតែ​នាំចូល​កីឡាករខ្លះ ដោយសារការប្រកួតក្នុង១រដូវកាលមានរយៈពេលវែង ប៉ុន្តែខ្ញុំគិតថា ពួកគេកំពុងធ្វើការងារ​នេះ​នៅ​ពី​ក្រោយ។ ខ្ញុំជឿជាក់លើក្លិប​នឹងធ្វើរឿងត្រឹមត្រូវ ដើម្បី​ក្លាយ​ជា​ក្រុម​ដ៏​ល្អ​​សម្រាប់​ការ​ប្រកួត​ប្រជែង​»​៕

ប្រែសម្រួល៖ ផា រតនា