កីឡា

មិនធម្មតា! Chelsea បន្តមិនចាញ់១០ប្រកួតចុងក្រោយ ឡើងលេខ៤ ក្រោយឈ្នះ Liverpool

បានផុស

៤ years មុន

នៅ

ថ្ងៃសុក្រ ៥ មីនា ២០២១

ដោយ

តារាងចំណាត់ថ្នាក់លីគកំពូលអងគ្លេសបានប្រែប្រួលកាលពីយប់មិញ បន្ទាប់ពីក្រុមតោខៀវ Chelsea បានឡើងទៅកាន់លំដាប់កំពូលទាំង៤ ក្រោយឈ្នះ ហង្សក្រហម Liverpool ដោយលទ្ធផល ១-០ យប់មិញ។

ជ័យជម្នះ ០-១ នៅទឹកដី Anfield គឺជាគុណសម្បត្តិរបស់តារាវ័យក្មេង Mason Mount ដែលជាអ្នកបំប៉ោងសំណាញ់ទី១ នៅវគ្គទី១ ដែលធ្វើឲ្យ Chelsea ស្ថិតក្រោមការដឹកនាំរបស់លោក Thomas Tuchels មិនទាន់ស្គាល់បរាជ័យទាល់តែសោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នៅពេលនេះ Chelsea បានកំពុងរីករាយនឹងទម្រង់របស់ខ្លួន និងមានជំនឿជឿជាក់លើខ្លួនឯង បន្ទាប់ពីអតីតអ្នកចាត់ការ Frank Lampard បានចាកចេញ។

ស្ថិតក្រោមការគ្រប់គ្រងរបស់គ្រូថ្មី និងមិនដែលចាញ់ Chelsea បានឡើងមកកាន់តំបន់ Champions League ហើយ។ ជ័យជម្នះនេះនាំមកពួកគេមកកាន់ចំណាត់ថ្នាក់លេខ៤ ដោយមានគម្លាតពិន្ទុត្រឹមតែ៤ពិន្ទុប៉ុណ្ណោះពីក្រុមលេខ២ Manchester United ហើយពួកគេកំពុងតែមានដំណើរដ៏អស្ចារ្យ ឆ្លាតវៃ វិជ្ជមាន ថាមពល និងក្លាហាន។

កាលពីពាក់កណ្តាលដើមរដូវកាលមក Chelsea ធ្វើមិនបានល្អទេក្រោមការដឹកនាំរបស់លោក Frank Lampard ដោយបានធ្លាក់ទៅពាក់កណ្តាលតារាង ប៉ុន្តែចាប់តាំងពីលោក Thomas Tuchels មកដឹកនាំនៅចុងខែមករាមក ក្រុមនេះមិនទាន់ស្គាល់បរាជ័យឡើយសម្រាប់ការប្រកួត១០លើក។ ជាពិសេសពួកគេបានឈុ្នះ Athletico Madrid ជើងទី១ នៅក្រៅដីក្នុងពានរង្វាន់ Champions League ក្នុងវគ្គ១៦ក្រុមចុងក្រោយថែមទៀត។

បរាជ័យយប់មិញបានធ្វើឲ្យ Liverpool ធ្លាក់ទៅលេខ៧ដែលឃ្លាតឆ្ងាយពីតំបន់កំពូលទាំង៥ ដូច្នេះពួកគេត្រូវការពេលវេលាដើម្បីងើបឡើងវិញ។ ពួកគេរកបានតែ១២ពិន្ទុប៉ុណ្ណោះពីការប្រកួត១៣លើកចុងក្រោយ៕