កីឡា

លោក Ancelotti ប្រាប់ថា Mbappé នឹងបង្ហាញខ្លួនយប់នេះ

បានផុស

៦ ខែ មុន

នៅ

ថ្ងៃពុធ ១៤ សីហា ២០២៤

ដោយ

ក្លិប Real Madrid បានបង្កភាពភ្ញាក់ផ្អើលដល់អ្នកគាំទ្រទូទាំងពិភពលោក ក្រោយនាំយកតារាឆ្នើម Kylian Mbappé មករួមក្រុម ខណៈអ្នកគាំទ្រជាច្រើនគិតថា រូបគេនឹងក្លាយជាតួឯកថ្មីក្នុងក្រុមនៅរដូវកាលនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

វត្តមានរបស់កីឡាករ Kylian Mbappé ចំពោះអ្នកគាំទ្រក្លិប Real Madrid ប្រហែលជាគិតថា រូបគេជាស្ដេចត្រាញ់ដោយផ្អែកលើសមត្ថភាពដ៏អស្ចារ្យនៅលើទីលាន ប៉ុន្តែលោក Carlo Ancelotti គ្រូបង្វឹកក្លិប Real Madrid គិតថា Mbappé ជាសមាជិកធម្មតាដូចកីឡាករដទៃទៀតដែរ។

លោក Carlo Ancelotti បាននិយាយក្នុងបន្ទប់ផ្លាស់សម្លៀកបំពាក់ថា ៖«មិនមានស្តេច ឬព្រះអង្គម្ចាស់នៅក្នុងក្រុមរបស់យើងទេ។ យើងជាក្រុមមានសុខភាពផ្លូវចិត្តល្អ ហើយរឿងសំខាន់ក្នុងការសម្រេចបាននូវអ្វីដែលយើងចង់បានក្នុងចុងរដូវកាល»។

ក្រុមអេស្ប៉ាញ Real Madrid ប្រកួតជាមួយក្រុមអុីតាលី Atalanta ក្នុងពានរង្វាន់ UEFA Super Cup វេលាម៉ោង២រំលងអធ្រាត្រ ថ្ងៃទី១៥ ខែសីហា។ នេះជាឱកាសដំបូងដែលតារាឆ្នើម Kylian Mbappé បង្ហាញខ្លួន និងអាចឈ្នះពានជាមួយ Real Madrid ក្រោយចាកចេញពីក្រុម PSG។

លោក Carlo Ancelotti បានបន្ថែមថា ៖«ដូចអ្នកផ្សេងក្នុងក្រុមដែរ Mbappé នឹងចូលរួមប្រកួតយប់នេះ។ ចាប់តាំងពីគាត់បានចូលរួមជាមួយយើង គាត់បានបង្ហាញនូវគុណភាពដ៏ល្អឥតខ្ចោះ។ យើងមិនមានពេលវេលាច្រើនក្នុងការរៀបចំទេ ប៉ុន្តែយើងមានការរៀបចំបានល្អជាមួយ Mbappé»៕

ប្រែសម្រួល៖ ផា រតនា