កីឡា

ប្រធានអូឡាំពិកថៃសម្រេចដាក់កីឡា៣៨ប្រភេទមិនចាំបាច់ឯកភាពពីរដ្ឋាភិបាល

បានផុស

១ ខែ មុន

នៅ

ថ្ងៃសុក្រ ១៦ សីហា ២០២៤

ដោយ

ប្រធានគណៈកម្មាធិការជាតិអូឡាំពិកថៃ លោកឧត្តមសេនីយ៍ Prawit Wongsuwon បានបញ្ជាក់ពីប្រទេសថៃនឹងធ្វើជាម្ចាស់ផ្ទះព្រឹត្តិការណ៍កីឡាក្នុងសាល និងយុទ្ធគុនអាស៊ី (Asian Indoor and Martial Arts Games) លើកទី៦ នៅក្នុងខែវិច្ឆិកា តាមផែនការគ្រោងទុក ដោយមិនចាំបាច់មានការឯកភាពពីរាជរដ្ឋាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងលិខិតបន្ទាន់មួយផ្ញើជូនក្រុមប្រឹក្សាអូឡាំពិកអាស៊ី (OCA) លោក Prawit បានបញ្ជាក់ថា ព្រឹត្តិការណ៍នឹងដំណើរការតាមការគ្រោងទុក ហើយមានប្រភេទកីឡាសរុបចំនួន៣៨ប្រភេទ។ ការសម្រេចចិត្តនេះបានធ្វើឡើង បន្ទាប់ពី OCA បានបើកកិច្ចប្រជុំកាលពីម្សិលមិញ ដើម្បីសម្រេចពីជោគវាសនាសិទ្ធិធ្វើម្ចាស់ផ្ទះរបស់ថៃ ដោយសារពួកគេបានសម្រេចចិត្តមិនកីឡាចំនួន១៤ប្រភេទត្រឹមតែ៣ខែមុនព្រឹត្តិការណ៍មកដល់។

លោក Chaiyapak Siriwat អនុប្រធានក្រុមប្រឹក្សាអូឡាំពិកអាស៊ី (OCA) បានិយាយថា ៖«យើងលែងចង់រង់ចាំរដ្ឋាភិបាលធ្វើការសម្រេចចិត្តទៀតហើយ។ ឧត្តមសេនីយ៍ Prawit Wongsuwon ប្រធានគណៈកម្មាធិការជាតិអូឡាំពិកថៃ ឥឡូវនេះបានបញ្ជាក់ថា ការប្រកួតនឹងប្រព្រឹត្តទៅនៅខែវិច្ឆិកាតាមការគ្រោងទុកដោយមានមានកីឡា៣៨ប្រភេទ»។

លោក Chaiyapak ជាប្រធានគណៈកម្មាធិការរៀបចំការប្រកួតបានបន្ថែមថា ៖«នឹងមានកិច្ចប្រជុំនៅថ្ងៃចន្ទ សប្តាហ៍ក្រោយសម្រាប់គ្រប់ភាគីពាក់ព័ន្ធ ហើយយើងនឹងមានចម្លើយសម្រាប់ OCA»។

កីឡាដែលថៃសម្រេចមិនដាក់បញ្ចូលគឺ វាយសី បែលស្បល បីយ៉ា កីឡាសម្តែងបែបលើកទឹកចិត្ត គុនដាវ ហុកគីក្នុងសាល កីឡា netball ដូចកីឡាបាល់បោះ កីឡាហែលទឹកក្នុងសាល អត្តពលិកកម្មក្នុងសាល ទូករ៉ីអ៉ីងក្នុងសាល បាញ់កាំភ្លើង បាល់បោះ លើកទម្ងន់ និងចំបាប់ ប៉ុន្តែបន្ទាប់ពី OCA បានបើកកិច្ចប្រជុំម្សិលមិញទំនងជាត្រូវបានដាក់បញ្ចូលវិញ។ ទោះបីជាយ៉ាងណា មិនទាន់ច្បាស់១០០%ឡើយដោយត្រូវប្រជុំសម្រេចបន្តបន្ទាប់ទៀទ៕

ប្រែសម្រួល៖ ផា រតនា

Related Topics:ក្រុមប្រឹក្សាកីឡាអូឡាំពិកអាស៊ី