កីឡា

តារាចម្រៀង Ed Sheeran បានទិញភាគហ៊ុនភាគក្លិប Ipswich Town លីគកំពូលអង់គ្លេស

បានផុស

៧ ខែ មុន

នៅ

ថ្ងៃពុធ ២១ សីហា ២០២៤

ដោយ

តារាចម្រៀង និងអ្នកនិពន្ធបទចម្រៀងលោក Ed Sheeran បានក្លាយជាម្ខាស់ភាគហ៊ុនមួយចំណែកតូចនៅក្លិបបាល់ទាត់ Ipswich Town ក្នុងក្រុបខណ្ឌ Premier League ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Ed Sheeran ដែលជាអ្នកគាំទ្រក្លិប Ipswich Town តាំងពីក្មេង ទទួលបានចំណែក១.៤% របស់ភាគហ៊ុនក្នុងក្លិប។ ក្លិបបានបញ្ជាក់ថា ភាគហ៊ុនរបស់ Sheeran គឺជាការវិនិយោគអសកម្ម និងតិចតួចនៅក្នុងក្លិប ហើយគាត់នឹងមិនអាចចូលរួមជាមួយក្រុមប្រឹក្សាភិបាលរបស់ក្លិបនោះទេ។

កាលពីដើមឆ្នាំនេះ ក្រុមហ៊ុនភាគហ៊ុននៅសហរដ្ឋអាមេរិក Bright Path Sports Partners បានទិញភាគហ៊ុន៤៤% នៅក្នុងក្លិបក្នុងតម្លៃ១០៥លានផោន។

វាជាក្តីសុបិនរបស់អ្នកគាំទ្របាល់ទាត់គ្រប់រូបក្នុងការក្លាយជាម្ចាស់ក្លិបដែលពួកគេគាំទ្រ ហើយតារាចម្រៀងវ័យ៣៣ឆ្នាំលោក Ed Sheeran ពិតជារីករាយដែលបានក្លាយជាចំណែកមួយក្នុងក្លិប។

លោក Ed Sheeran និយាយថា ៖«ខ្ញុំបានរស់នៅក្នុង Suffolk តាំងពីខ្ញុំអាយុ៣ឆ្នាំ។ វាពិតជារីករាយដែលបានក្លាយជាអ្នកគាំទ្ររបស់ក្លិប Ipswich Town។ ខ្ញុំមិនមែនជាម្ចាស់ភាគហ៊ុនក្នុងការចូលរួមបោះឆ្នោត ឬជាសមាជិកក្រុមប្រឹក្សាភិបាលទេ។ នេះគ្រាន់តែខ្ញុំដាក់លុយខ្លះចូលក្នុងក្លិបដែលខ្ញុំស្រលាញ់ ដូច្នេះសូមកុំមកសួរខ្ញុំពាក់ព័ន្ធការនាំយកកីឡាករ ឬយុទ្ធសាស្ត្រដើម្បីលេងលើទីលាន»៕

ប្រែសម្រួល៖ ផា រតនា