កីឡា
ព្រះខ័នរាជស្វាយរៀងកំពុងស្ថិតក្នុងពេលដ៏ល្អ មុនប៉ះ Terengganu
ក្លិបតំណាងកម្ពុជា ព្រះខ័នរាជស្វាយរៀង ត្រូវប្រកួតបើកឆាកវគ្គសន្សំពិន្ទុក្នុងពូលពានរង្វាន់ ASEAN Club Championship ជាមួយក្រុមម្ចាស់ផ្ទះម៉ាឡេស៊ី Terengganu ថ្ងៃទី២១ ខែសីហា ឆ្នាំ២០២៤។
ព្រះខ័នរាជស្វាយរៀងមិនសូវមានពេលវេលាច្រើនសម្រាប់ការត្រៀមខ្លួនប្រកួតពានរង្វាន់អន្តរជាតិនេះទេ ដោយសារពួកគេមានកម្មវិធីប្រកួតច្រើន។ កាលពីចុងខែកក្កដា ការប្រកួតវគ្គជម្រុះពានរង្វាន់ ASEAN Club Championship ក្រុមតំណាងកម្ពុជាមួយនេះបានឈ្នះក្រុមជើងឯកឡាវ Young Elephants ទាំងពីរដើម្បីទទួលបានកៅអីនៅវគ្គសន្សំពិន្ទុក្នុងពូល។
ចូលខែសីហា ព្រះខ័នរាជស្វាយរៀង មានការប្រកួត២លើកទៀតក្នុងលីគបាល់ទាត់កំពូលកម្ពុជាគឺសប្តាហ៍ទី១ ថ្ងៃទី១១ ខែសីហា បានឈ្នះ ក្រសួងការពារជាតិ ៧-០ និងសប្តាហ៍ទី២ ថ្ងៃទី១៦ ខែសីហា បានឈ្នះ អាយអេសអាយ ដង្កោសែនជ័យ ដោយលទ្ធផល ១-៥ ហើយព្រឹកថ្ងៃចន្ទ ទី១៩ ខែសីហា ត្រូវធ្វើដំណើរទៅម៉ាឡេស៊ី ដើម្បីប្រកួតជាមួយ Terengganu នៅថ្ងៃទី២១ ខែសីហា។
នៅអាកាសយានដ្ឋានអន្តរជាតិភ្នំពេញ មុនពេលចេញដំណើរ លោក Josep Muñoz គ្រូបង្វឹកព្រះខ័នរាជស្វាយរៀង បានប្រាប់អ្នកសារព័ត៌មានថា លោកបានគិតទុកជាមុនចំពោះការប្រកួតវែងឆ្ងាយខាងមុខនោះទេ ប៉ុន្តែលោកតែងតែគិតពីមួយប្រកួតទៅមួយប្រកួតប៉ុណ្ណោះ។
លោកបានលើកឡើងថា ៖«ឥឡូវនេះដល់ពេលយើងបង្ហាញសមត្ថភាពលើឆាកអន្តរជាតិហើយ។ យើងដឹងថា Terengganu ជាក្រុមមួយដ៏ល្អ ហើយយើងត្រូវលេងនៅក្នុងដីរបស់ពួកគេថែមទៀត តែខ្ញុំគិតថា ការប្រកួតនេះគឺចំពេលវេលាដ៏ល្អសម្រាប់ពួកយើង។ សមាជិកក្រុមយើងទាំងអស់កំពុងមានការជំរុញទឹកចិត្តខ្ពស់សម្រាប់ការប្រកួតនេះ។ ខ្ញុំគិតថា នេះមិនមែនជាការប្រកួតរវាងកម្ពុជា និង ម៉ាឡេស៊ី ក្នុងកម្រិតនៃកីឡាករនោះទេ ប៉ុន្តែជាការប្រកួតរវាងក្រុមពីរជួបគ្នា។ រង់ចាំមើលទាំងអស់គ្នា យើងនឹងខំប្រឹងធ្វើឲ្យបានល្អបំផុតតាមលទ្ធភាពដែលយើងអាចធ្វើទៅបាន»។
លោកគ្រូបង្វឹកសញ្ជាតិអេស្ប៉ាញរូបនេះបានប្រាប់ថា Terengganu ជាក្រុមដ៏ល្អមួយ។ ពួកគេមានកីឡាករក្នុងស្រុង និងបរទេសគឺសុទ្ធតែល្អ ប៉ុន្តែកីឡាករបរទេស៥ទៅ៦នាក់គឺសុទ្ធតែជាកីឡាករគ្រោះថ្នាក់។
ទោះសម្លឹងឃើញដៃគូជាក្រុមល្អ ប៉ុន្តែក្រុមរបស់លោកក៏ល្អដែរ។ លោកនិយាយថា ៖«តែយើងក៏ជាក្រុមមួយដ៏ល្អដែរ សូម្បីកីឡាករកម្ពុជា។ ក្រុមរបស់យើងឥឡូវមានកីឡាករបរទេសល្អៗអាចប្រកួតប្រជែងបាន»។
លោកបានបញ្ជាក់ថា ទាំងក្រុមរបស់លោក និង Terengganu ចូលចិត្តលេងគ្រប់គ្រង និងរក្សាបាល់ច្រើនតាមលទ្ធភាពដែលអាចធ្វើទៅបានដូចគ្នា ដូច្នេះរង់ចាំមើលទាំងអស់គ្នាថាតើក្រុមរបស់លោកអាចធ្វើបានល្អដល់កម្រិតណា។
ការប្រកួតរវាង ព្រះខ័នរាជស្វាយរៀង និង Terengganu វេលាម៉ោង៨យប់ ថ្ងៃទី២១ ខែសីហា ឆ្នាំ២០២៤ នៅកីឡដ្ឋាន Sultan Mizan Zainal Abidin ប្រទេសម៉ាឡេស៊ី ដែលមានផ្សាយបន្តផ្ទាល់ដោយទូរទស្សន៍ BTV Cambodia និងមានផ្សាយបន្តនៅរោងភាពយន្តថែមទៀត៕
អត្ថបទ៖ វីរបុត្រ
កម្ពុជាដាក់ឱ្យដំណើរការកម្មវិធី «ជំនាញបង្កើនផលិតភាពសហគ្រាស» ដើម្បីការប្រកួតប្រជែងរបស់ SMEs
Mbappe ទម្លាយឈ្មោះកីឡាករទី១ ធ្វើឱ្យគេស្រឡាញ់ Real Madrid តែមិនមែន CR7
ថ្ងៃចូលឆ្នាំ៖ មន្ត្រីជំនាញរម្លឹកពលរដ្ឋឱ្យប្រុងប្រយ័ត្នគ្រោះអគ្គិភ័យ
តម្រូវការគ្រឿងសំណង់នៅថៃ រំពឹងកើនឡើងក្រោយគ្រោះរញ្ជួយដី
ចំណុចធំ ៤ ធ្វើឱ្យ”សង្ក្រាន្តសាលាមធ្យមវិចិត្រសិល្បៈ” ក្លាយជាការបំផុសតម្លៃនៃវប្បធម៌ជាតិដ៏ប្រសើរបំផុត
ក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
លោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
ទារលុយមិនបានហើយ ត្រូវកូនបំណុលប្តឹងពីបទគំរាមកំហែងហែកកេរ្តិ៍ទៀត! តើអ្វីទៅ ជាអំពើគំរាមកំហែងហែកកេរ្តិ៍?
អង់គ្លេស ព្រមានពលរដ្ឋ ត្រូវត្រៀមរបស់របរសំខាន់ៗ សម្រាប់ការប្រើក្នុងគ្រាអាសន្នឲ្យបាន៧២ម៉ោង
ខេត្តថៃចំនួន២ នៅភាគខាងជើង កើតរញ្ជួយដីកម្រិតស្រាលជាង ២០លើក ត្រឹមមួយព្រឹក
-
សន្តិសុខសង្គម២ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម១ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
សន្តិសុខសង្គម៣ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
ព័ត៌មានជាតិ៧ ថ្ងៃ agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានជាតិ២៤ ម៉ោង agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
ព័ត៌មានអន្ដរជាតិ៣ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានអន្ដរជាតិ៧ ថ្ងៃ agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៥ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា