កីឡា
ក្រុមបាល់ទះយុវជនកម្ពុជា នឹងបានលេងលីគ និងពានសម្តេច ស ខេង ស្វ័យប្រវត្តិ
ថ្នាក់ដឹកនាំសហព័ន្ធកីឡាបាល់ទះកម្ពុជាបានសម្រេចដាក់ក្រុមកីឡាករបាល់ទះជម្រើសជាតិកម្ពុជាអាយុក្រោម២០ឆ្នាំ (U20) ឲ្យលេងក្នុងលីគបាល់ទះកំពូលកម្ពុជា (តេជោលីគ) និងពានរង្វាន់សម្តេចក្រឡាហោម ស ខេង ពានធំលំដាប់ទី២នៅកម្ពុជាដោយស្វ័យប្រវត្តិ។
លោក អាំង សិរីពិសិដ្ឋ អគ្គលេខាធិការ និងជាអនុប្រធានសហព័ន្ធកីឡាបាល់ទះកម្ពុជា បានលើកឡើងថា បន្ទាប់ពីក្រុមបាល់ទះកម្ពុជាអាយុ២០ឆ្នាំបានប្រមូលផ្តុំហ្វឹកហាត់ និងចេញទៅប្រកួតជម្រុះជើងឯកអាស៊ីអាយុ២០ឆ្នាំ (U20 Asian Volleyball Championship) ឆ្នាំ២០២៤ នៅប្រទេសថៃជាមួយក្រុម U20 វៀតណាម គឺពួកគាត់បានបង្ហាញសមត្ថភាពមួយកម្រិត។
ក្រោយមក ពួកគាត់បានបន្តហ្វឹកហាត់ និងបានចេញទៅប្រកួតពានរង្វាន់ប៉ូលិសមួយនៅប្រទេសវៀតណាម។ លោក អាំង សិរីពិសិដ្ឋ បានលើកឡើងថា ពួកគាត់បានបង្ហាញសមត្ថភាពកាន់តែល្អជាងការប្រកួតនៅថៃ។ លោកថា ៖«ការបញ្ចេញស្នាដៃរបស់យុវជនយើងជាមួយក្លិបអាជីពវៀតណាម យើងប្រើកីឡាករយុវជន តែគេប្រើកីឡាករក្លិបអាជីព។ ពេលនោះកម្រិតនៃការលេងរបស់យើងពីមួយប្រកួតទៅមួយប្រកួតឃើញថា គុណផលរបស់ពួកគាត់កើនឡើង»។
«ទោះបីជាយើងបានប្រមូលផ្តុំហ្វឹកហាត់រយៈពេល៥ទៅ៦ខែពិតមែន តែបើគ្មានការប្រកួតទេគឺយើងអត់ដឹងថា គុណផលរបស់ពួកគាត់ឡើង ឬថយចុះទេ។ ពេលបញ្ចេញថ្វីដៃក្នុងពានប៉ូលិសនៅវៀតណាមគឺក្រុម U20 របស់យើងចាប់ផ្តើមវិវត្តទៅមុខគួរឲ្យកត់សំគាល់គឺយើងមានលទ្ធភាពប្រជែងជាមួយក្លិបអាជីពវៀតណាម ហើយបានយកឈ្នះពួកគេថែមទៀត»។ លោក អាំង សិរីពិដ្ឋ បានរៀបរាប់។
លោកបានបន្ថែមថា ក្រោយពេលត្រឡប់មកពីវៀតណាម ពួកគាត់នឹងព្យាយាមកែលំអកំហុស និងចំណុចខ្វះខាតដើម្បីអភិវឌ្ឍខ្លួនជាបន្តបន្ទាប់ទៀត។ នៅពេលពួកគាត់អភិវឌ្ឍខ្លួនកាន់តែប្រសើរ ពួកគាត់នឹងទទួលបានឱកាសទៅប្រកួតកីឡាស៊ីហ្គេម ឆ្នាំ២០២៥ នៅប្រទេសថៃ។
ដើម្បីឲ្យយុវជនបន្តវេនពីរៀមច្បងបាន ក្រុម U20 កម្ពុជានឹងត្រូវចូលលេងពានលីគបាល់ទះកំពូលកម្ពុជា និងពានរង្វាន់សម្តេចក្រឡាហោម ស ខេង ដោយស្វ័យប្រវត្តិចាប់ពីរដូវកាលក្រោយ។
លោក អាំង សិរីពិសិដ្ឋ បានទម្លាយឲ្យដឹងថា ៖«ក្រុម U20 កម្ពុជានឹងចូលលេងពានរង្វាន់សម្តេចក្រឡាហោម ស ខេង ហើយពួកគាត់នឹងមានកៅអីដោយស្វ័យប្រវត្តិដើម្បីលេងតេជោលីគ។ ធ្វើបែបនេះគឺដើម្បីសម្រួចសមត្ថភាពរបស់ពួកគាត់ ពីព្រោះពួកគាត់ជាក្រុមគោលដៅយើងដើម្បីតម្រង់ទិសសម្រាប់ស៊ីហ្គេម»៕
អត្ថបទ៖ វីរបុត្រ
ផ្លូវថ្មើរជើងសប្ដាហ៍នេះ មានរបាំត្រឡោក និង ល្ខោនយីកេ
សម្ដេច ស ខេង ស្នើអាជ្ញាធរទប់ស្កាត់អំពើឆបោកតាមប្រព័ន្ធអនឡាញ ដើម្បីកុំឲ្យពលរដ្ឋខាតបង់ទ្រព្យដោយសារឧក្រិដ្ឋជន
ក្រសួងដែលមិនបានកំណត់តំណែងជាក់លាក់សម្រាប់រើសមន្ត្រីនឹងមិនអនុញ្ញាតឱ្យរើសថែមទេ
នាយករដ្ឋមន្ត្រីបញ្ជាឱ្យរៀបចំប្រព័ន្ធតាមដាន និងវាយតម្លៃតាមក្រសួងស្ថាប័ន
នាយករដ្ឋមន្ត្រីឱ្យក្រសួងមុខងារសាធារណៈដឹកនាំដោះស្រាយការជាន់មុខងាររបស់ស្ថាប័នរដ្ឋ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ