កីឡា
ព្រះខ័នរាជស្វាយរៀង ទទួលបាន៣ពិន្ទុដ៏សំខាន់ពីការឈ្នះ Terengganu ៣-២
ក្លិបបាល់ទាត់តំណាងកម្ពុជា ព្រះខ័នរាជស្វាយរៀង ទទួលបានជ័យជម្នះលើក្រុមម្ចាស់ផ្ទះ Terengganu FC ដោយលទ្ធផល ៣-២ សម្រាប់ការប្រកួតបើកឆាក វគ្គសន្សំពិន្ទុក្នុងពូល A ពានរង្វាន់ ASEAN Club Championship នៅថ្ងៃទី២១ ខែសីហា ឆ្នាំ២០២៤។

៣គ្រាប់របស់ព្រះខ័នរាជស្វាយរៀង រកបានដោយខ្សែបម្រើប្រយុទ្ធ Gabriel Silva នៅនាទីទី១២ ខ្សែប្រយុទ្ធ Pablo នៅនាទីទី១៦ និងកីឡាករវ័យក្មេង មិន រតនៈ នៅនាទីទី៨៦ ខណៈ២គ្រាប់របស់ម្ចាស់ផ្ទះរកបានដោយកីឡាករ Manuel Gelito Ott នៅនាទីទី៥៥ និងកីឡាករ Safawi Rasid ដោយការស៊ុតប៉េណាល់ទីនៅនាទី៩០+១។ នៅម៉ោងបន្ថែម ម្ចាស់ផ្ទះស្ទើរតែទទួលបានប៉េណាល់ទីជាលើកទី២ ប៉ុន្តែបច្ចេកវិទ្យា VAR បានបញ្ជាក់ពីគ្មានកំហុសដែលអាចពិន័យ១១ម៉ែត្រ។
ការទទួលបាន៣ពិន្ទុពិតជាសំខាន់ណាស់សម្រាប់ព្រះខ័នរាជស្វាយរៀងក្នុងការប្រកួតដំបូងវគ្គសន្សំពិន្ទុក្នុងពូលពានរង្វាន់ក្លិបអាស៊ាន ASEAN Club Championship ឆ្នាំ២០២៤-២៥។ វាក៏ជាកំណត់ត្រាថ្មីមួយទៀតរបស់ព្រះខ័នរាជស្វាយរៀងដែលទទួលបានជ័យជម្នះក្នុងពានរង្វាន់មួយនេះក្នុងនាមក្លិបតំណាងកម្ពុជា បន្ទាប់ពីចូលរួមប្រកួតពីរលើកកន្លងមកក្លិប Samart United និង ណាហ្គាវើលដ៍មិនស្គាល់ជ័យជម្នះ។
នៅក្នុងពូលជាមួយក្រុមវៀតណាម Dong A Thanh Hoa បានយកឈ្នះក្រុមមីយ៉ាន់ម៉ា Shan United ដោយលទ្ធផល ៣-១ ក្នុងដីរបស់ខ្លួន ខណៈក្រុមខ្លាំងថៃ BG Pathum United បានត្រឹមស្មើ ០-០ ជាមួយម្ចាស់ផ្ទះឥណ្ឌូណេស៊ី PSM Makassar ដើម្បីចែកគ្នា១ពិន្ទុម្នាក់៕

តារាងពិន្ទុពូល A បណ្តោះអាសន្ន
- Dong A Thanh Hoa មាន៣ពិន្ទុ
- ព្រះខ័នរាជស្វាយរៀង មាន៣ពិន្ទុ
- BG Pathum United មាន១ពិន្ទុ
- PSM Makassar មាន១ពិន្ទុ
- Terengganu មាន០ពិន្ទុ
- Shan United មាន០ពិន្ទុ

អត្ថបទ៖ វីរបុត្រ

-
ព័ត៌មានអន្ដរជាតិ១០ ម៉ោង ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២០ ម៉ោង ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
កីឡា១ សប្តាហ៍ ago
កញ្ញា សាមឿន ញ៉ែង ជួយឲ្យក្រុមបាល់ទះវិទ្យាល័យកោះញែក យកឈ្នះ ក្រុមវិទ្យាល័យ ហ៊ុនសែន មណ្ឌលគិរី
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
ព័ត៌មានអន្ដរជាតិ៣ ថ្ងៃ ago
តើជោគវាសនារបស់នាយករដ្ឋមន្ត្រីថៃ «ផែថងថាន» នឹងទៅជាយ៉ាងណាក្នុងការបោះឆ្នោតដកសេចក្តីទុកចិត្តនៅថ្ងៃនេះ?