កីឡា
គ្រូ Terengganu ថា បង្កកំហុសធំ ចាញ់ ព្រះខ័នរាជស្វាយរៀង យប់មិញ
ក្រុមម្ចាស់ផ្ទះ Terengganu បានចាញ់ ព្រះខ័នរាជស្វាយរៀង ដោយលទ្ធផល ២-៣ សម្រាប់ការប្រកួតបើកឆាកវគ្គសន្សំពិន្ទុ ក្នុងពូល A ពានរង្វាន់ ASEAN Club Championship យប់ថ្ងៃទី២១ ខែសីហា ឆ្នាំ២០២៤ នៅប្រទេសម៉ាឡេស៊ី។

ក្នុងសន្និសីទសារព័ត៌មានក្រោយចប់ការប្រកួត លោក Tomislav Steinbrückner គ្រូបង្វឹក Terengganu បាននិយាយថា ៖«ជាដំបូងសូមអបអរព្រះខ័នរាជស្វាយរៀងទទួលបាន៣ពិន្ទុ។ កាលពីម្សិលមិញ មានអ្នកសារព័ត៌មានសួរខ្ញុំថា តើរំពឹងការប្រកួតនេះងាយស្រួលទេ? ឃើញហើយ តើក្រុមគេល្អកម្រិតណា»។

«បរាជ័យថ្ងៃនេះ ខ្ញុំត្រូវតែនិយាយថា ការប្រកួតពាក់កណ្តាលវគ្គទី១ ពួកគេស៊ុតចូលយើង២គ្រាប់។ យើងពិតជាបង្កកំហុសធំណាស់ ជាពិសេសគ្រាប់បាល់ទី២។ ខ្សែប្រយុទ្ធលេខ៨របស់គេពិតជាគ្រោះថ្នាក់។ យើងមើលទៅអាក្រក់ មើលទៅគ្មានទំនុកចិត្ត គ្មានអ្វីសោះ»។ លោកបានលើកឡើង។
លោកបានបន្តថា ៖«សម្រាប់វគ្គទី២ យើងល្អប្រសើរ។ យើងបានព្យាយាមដាក់សម្ពាធ។ យើងរកបាន២គ្រាប់ ប៉ុន្តែជាថ្មីគ្រាប់ទី៣ យើងហាក់ដូចជាបាត់បង់ការគ្រប់គ្រងបាល់ដែលធ្វើឲ្យពួកគេរកបាន។ ជារួម យើងធ្វើមិនបានល្អទេការប្រកួតនេះ ហើយគ្មាននរណាម្នាក់សប្បាយចិត្តចំពោះលទ្ធផលបែបនេះ»។

៣គ្រាប់របស់ព្រះខ័នរាជស្វាយរៀង រកបានដោយខ្សែបម្រើប្រយុទ្ធ Gabriel Silva នៅនាទីទី១២ ខ្សែប្រយុទ្ធ Pablo នៅនាទីទី១៦ និងកីឡាករវ័យក្មេង មិន រតនៈ នៅនាទីទី៨៦ ខណៈ២គ្រាប់របស់ម្ចាស់ផ្ទះរកបានដោយកីឡាករ Gelito Ott នៅនាទីទី៥៥ និងកីឡាករ Safawi Rasid ដោយការស៊ុតប៉េណាល់ទីនៅនាទី៩០+១។ នៅម៉ោងបន្ថែម ម្ចាស់ផ្ទះស្ទើរតែទទួលបានប៉េណាល់ទីជាលើកទី២ ប៉ុន្តែបច្ចេកវិទ្យា VAR បានបញ្ជាក់ពីគ្មានកំហុសដែលអាចពិន័យ១១ម៉ែត្រ៕

តារាងពិន្ទុពូល A បណ្តោះអាសន្ន
- Dong A Thanh Hoa មាន៣ពិន្ទុ
- ព្រះខ័នរាជស្វាយរៀង មាន៣ពិន្ទុ
- BG Pathum United មាន១ពិន្ទុ
- PSM Makassar មាន១ពិន្ទុ
- Terengganu មាន០ពិន្ទុ
- Shan United មាន០ពិន្ទុ


អត្ថបទ៖ វីរបុត្រ

-
ព័ត៌មានអន្ដរជាតិ១ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៤ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ