កីឡា
លោក Muñoz ថា យប់មិញ ព្រះខ័នរាជស្វាយរៀងគួររកបានគ្រាប់បាល់ច្រើនជាងនេះ
លោក Josep Muñoz ជាគ្រូបង្វឹកមានមោទនភាពយ៉ាងខ្លាំងចំពោះក្រុមព្រះខ័នរាជស្វាយរៀងដោយបានបង្ហាញទម្រង់លេងយ៉ាងល្អទទួលបានជ័យជម្នះលើម្ចាស់ផ្ទះ Terengganu ដោយលទ្ធផល ២-៣ សម្រាប់ការប្រកួតបើកឆាកវគ្គសន្សំពិន្ទុ ក្នុងពូល A ពានរង្វាន់ ASEAN Club Championship យប់ថ្ងៃទី២១ ខែសីហា ឆ្នាំ២០២៤ នៅប្រទេសម៉ាឡេស៊ី។
ក្នុងសន្និសីទសារព័ត៌មានក្រោយការប្រកួត លោកបាននិយាយថា ក្រុមរបស់លោកគួរតែរកបានគ្រាប់បាល់ច្រើនជាងនេះនៅពេលពួកគេព្យាយាមដាក់សម្ពាធ ហើយខ្វះចន្លោះតំបន់ការពារដែលធ្វើឲ្យក្រុមរបស់លោកវាយបកវិញយ៉ាងគ្រោះថ្នាក់។
លោកបាននិយាយថា ៖«ខ្ញុំគិតថា វាជាការប្រកួតដ៏ល្អរបស់ក្រុមយើង ស្របពេលយើងចូលរួមប្រកួតក្នុងកម្រិតមួយដ៏ល្អ។ សម្រាប់៤៥នាទីដំបូង ដូចខ្ញុំបាននិយាយពីមុនអីចឹង យើងជាក្រុមចូលចិត្តគ្រប់គ្រងបាល់ ដូចអ្វីដែលយើងធ្លាប់បានធ្វើមុនៗ។ ខ្ញុំគិតថា យើងគ្រប់គ្រងស្ថានការណ៍បានល្អ ជាពិសេសនៅវគ្គទី១»។
លោកបានបន្តថា ៖«យើងសមនឹងរកបានគ្រាប់បាល់ច្រើនជាងនេះ។ គួរជាការប្រកួតមានគ្រាប់បាល់ច្រើន។ និយាយរួម ការប្រកួតនេះ នៅកីឡដ្ឋានដែលមានគុណភាព ខ្ញុំរំពឹងថា ពួកគេអាចវាយបកវិញ តែពួកគេមិនបានស៊ុតទេ។ ពួកគេស្ទើរតែស៊ុតចូល តែខ្ញុំជឿជាក់លើកីឡាកររបស់ខ្ញុំ។ ពួកគេមានគុណភាព។ ពួកគេយល់ពីរបៀបលេង ហើយថ្ងៃនេះយើងបានបង្ហាញពីទម្រង់លេង និងកម្រិតគុណភាពរបស់យើង។ ដឹងស្រាប់ហើយមិនងាយស្រួលទេមកលេងនៅទឹកដីគេដែលមានគុណភាព ហើយយើងទទួលបានជ័យជម្នះ ខ្ញុំពិតជាមានមោនភាពណាស់»។
ជាមួយគ្នានេះ លោក Tomislav Steinbrückner គ្រូបង្វឹក Terengganu បាននិយាយថា ៖«ជាដំបូងសូមអបអរព្រះខ័នរាជស្វាយរៀងទទួលបាន៣ពិន្ទុ។ កាលពីម្សិលមិញ មានអ្នកសារព័ត៌មានសួរខ្ញុំថា តើរំពឹងចំពោះការប្រកួតនេះស្រួល ប៉ុន្តែឃើញហើយ តើក្រុមគេល្អកម្រិតណា»។
«បរាជ័យថ្ងៃនេះ ខ្ញុំត្រូវតែនិយាយថា ការប្រកួតពាក់កណ្តាលវគ្គទី១ ពួកគេស៊ុតចូលយើង២គ្រាប់។ យើងពិតជាបង្កកំហុសធំណាស់ ជាពិសេសគ្រាប់បាល់ទី២។ ខ្សែប្រយុទ្ធលេខ៨របស់គេពិតជាគ្រោះថ្នាក់។ យើងមើលទៅអាក្រក់ មើលទៅគ្មានទំនុកចិត្ត គ្មានអ្វីសោះ»។ លោកបានលើកឡើង។
ព្រះខ័នរាជស្វាយរៀងរកបាន២គ្រាប់យ៉ាងលឿននៅដើមវគ្គទី១ដោយខ្សែបម្រើប្រយុទ្ធ Gabriel Silva នៅនាទីទី១២ និង ខ្សែប្រយុទ្ធ Pablo នៅនាទីទី១៦ មុនពេលចប់វគ្គទី១។ នៅវគ្គទី២ កីឡាករ Manuel Gelito Ott ស៊ុតចូលនៅនាទីទី៥៥ ដើម្បីតាមក្រោយ ១-២ ប៉ុន្តែកីឡាករ វ័យក្មេង មិន រតនៈ ស៊ុតចូល១គ្រាប់នៅនាទីទី៨៦ ដើម្បីបន្តនាំមុខ ១-៣ មុនពេលពួកគេទទួលបានពិន័យ១១ម៉ែត្រដែលកីឡាក Safawi Rasid ស៊ុតចូលនៅនាទី៩០+១ ដើម្បីបញ្ចប់ការប្រកួតដោយលទ្ធផល ២-៣។
តារាងពិន្ទុពូល A បណ្តោះអាសន្ន
- Dong A Thanh Hoa មាន៣ពិន្ទុ
- ព្រះខ័នរាជស្វាយរៀង មាន៣ពិន្ទុ
- BG Pathum United មាន១ពិន្ទុ
- PSM Makassar មាន១ពិន្ទុ
- Terengganu មាន០ពិន្ទុ
- Shan United មាន០ពិន្ទុ
អត្ថបទ៖ វីរបុត្រ
តារាខ្មែរណាខ្លះ ដែលស្ថិតនៅប្រទេសថៃពេលកំពុងជួបគ្រោះរញ្ជួយដី?
ប្រទះឃើញសពអណ្តែតទឹក ទើរនៅគល់ស្ពានទន្លេមេគង្គក្រចេះ
ករណីនៅផ្លូវល្បឿនលឿន សមត្ថកិច្ច ថា ផ្ដើមពីករណីឆក់ តែជនសង្ស័យម្នាក់ដើម្បីគេចខ្លួន ក៏ភ្ជង់យកឡានពលរដ្ឋទៅ
កម្ពុជាមិនទាន់មានចម្លើយពីការចូល BRICS ទេ
ឌីជេ ក្តិប បំផុសអ្នកសិល្បៈជួយសង្រ្កាន្តតាមវិទ្យាល័យដោយពុំគិតប្រាក់កម្រៃ
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ
របាយការណ៍ចុងក្រោយបំផុតអំពីការបំផ្លិចបំផ្លាញ និងរងគ្រោះ ព្រោះការរញ្ជួយដីនៅអាស៊ីអាគ្នេយ៍
សពអ្នកឧកញ៉ា ហ៊ុន សាន នឹងត្រូវដង្ហែទៅបញ្ចុះនៅវត្តច័ន្ទបុរីវង្ស ព្រឹកថ្ងៃទី២ ខែមេសា
តារាថៃច្រើននាក់ រត់ប្រាសអាយុចេញពីខុនដូ បន្ទាប់ពីគ្រោះរញ្ជួយដីវាយប្រហារអគារខ្ពស់ៗ
-
ព័ត៌មានអន្ដរជាតិ១ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៤ ថ្ងៃ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
សន្តិសុខសង្គម២ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ១ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៤ ថ្ងៃ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៥ ថ្ងៃ agoពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម២៣ ម៉ោង agoការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម៤ ម៉ោង agoជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ