កីឡា

ពានរង្វាន់ Elite Soccer Saturday លើកទី៦ចាប់ផ្តើមបើកចុះឈ្មោះ

បានផុស

១ ខែ មុន

នៅ

ថ្ងៃព្រហស្បតិ៍ ២២ សីហា ២០២៤

ដោយ

ការប្រកួតបាល់ទាត់ពានរង្វាន់ពាក់កណ្តាលអាជីព Elite Soccer Saturday លើកទី៦ បានបើកការចុះឈ្មោះចូលរួមប្រកួតចាប់ពីថ្ងៃផ្សាយដំណឹងនេះតទៅ។

ការប្រកួតពានរង្វាន់ Elite Soccer Saturday រៀបចំឡើងដោយក្រុមអ្នកជំនាញបាល់ទាត់ Elite Soccer Coaching Cambodia នៅប្រទេសកម្ពុជា ក្នុងនោះមានលោក Christonpher Grant អ្នកចាត់ការទូទៅរបស់ក្លិបបាល់ទាត់ព្រះខ័នរាជស្វាយរៀង។ លោកបានប្រាប់ថា ពានរង្វាន់នេះរៀបចំឡើងដើម្បីផ្តល់ឱកាសឲ្យក្រុមបាល់ទាត់មិនអាជីពទទួលបានឱកាសក្នុងការចូលរួមប្រកួតព្រឹត្តិការណ៍ដែលមានលក្ខណ្ឌ និងគោលការណ៍ប្រកួតត្រឹមត្រូវសម្រាប់ការអភិវឌ្ឍខ្លួនក្លាយជាកីឡាករបាល់ទាត់អាជីព។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រូបមន្តនៃការប្រកួតគឺក្រុមម្ខាងមានសមាជិក៦រូបទល់នឹង៦រូបទាំងកីឡាករកម្ពុជា និងកីឡាករបរទេស នៅទីលាន DIB Club នៅកោះពេជ្រចាប់ពីវគ្គសន្សំពិន្ទុក្នុងពូល វគ្គខ្វែង និងវគ្គផ្តាច់ព្រ័ត្រដើម្បីស្វែងរកក្រុមជយលាភី។

សម្រាប់រដូវកាលទី៦ នឹងប្រកួតនៅថ្ងៃសៅរ៍ ទី២១ ខែកញ្ញា ឆ្នាំ២០២៤ ដែលក្រុមជ័យលាភីនឹងទទួលពានរង្វាន់ UEFA Champions League ដោយមានប្រាក់រង្វាន់៣០០ដុល្លារ ព្រមទាំង Hanuman Premium Lager និងរង្វាន់ផ្សេងៗទៀត។

កាលពានរង្វាន់ Elite Soccer Saturday លើកទៅ៥ បានរៀបចំថ្ងៃសៅរ៍ ទី១៥ ខែមិថុនា ឆ្នាំ២០២៤ ដោយក្រុម Avatar FC បានក្លាយជាជើងឯក៕