កីឡា

ព្រះខ័នរាជស្វាយរៀងទទួលបានពានឯកត្តជន៥លីគរដូវកាលមុន

បានផុស

៦ ខែ មុន

នៅ

ថ្ងៃអង្គារ ២៧ សីហា ២០២៤

ដោយ

ក្លិបបាល់ទាត់ព្រះខ័នរាជស្វាយរៀង ទទួលពានរង្វាន់ឯកត្តជន៥ក្នុងព្រឹត្តិការណ៍ខេមបូឌានព្រីមៀរលីគ រដូវកាល២០២៣-២៤ ដែលទើបតែត្រូវបានប្រគល់ពានរង្វាន់នៅក្នុងសប្តាហ៍នេះ។

ព្រះខ័នរាជស្វាយរៀង បានឈ្នះជើងឯកលីគកំពូលកម្ពុជារដូវកាលពី២០២៣-២៤ ស្ថិតក្រោមការដឹកនាំរបស់លោកគ្រូបង្វឹក Josep Muñoz។ ក្រៅពីនេះ ពួកគេបានឈ្នះពានរង្វាន់សម្តេចតេជោ ហ៊ុន សែន និងពានរង្វាន់បើករដូវកាលថ្មី ខេមបូឌានស៊ូបភើខាប់់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពានរង្វាន់ឯកត្តជនមិនទាន់ត្រូវបានប្រគល់ជូនឡើយនៅពេលបិទការប្រកួត ប៉ុន្តែមេដាយ និងពានរង្វាន់ត្រូវបានប្រគល់រួចហើយ។ ទើបតែពេលនេះក្រុមហ៊ុនខេមបូឌានព្រីមៀរលីគបានប្រគល់គឺពានរង្វាន់«គ្រូបង្វឹកល្អបំផុត»បានទៅលោក Josep Muñoz ជាគ្រូបង្វឹក ពានរង្វាន់«អ្នកចាំទីល្អបំផុត»បានទៅអ្នកចាំទី វីរៈ ដារ៉ា ពានរង្វាន់«កីឡាករវ័យក្មេងល្អបំផុត»បានទៅកីឡាករ ញាណ សុស៊ីដាន។ កីឡាករ Marcus Haber ទទួលបានពានរង្វាន់ជាអ្នករកគ្រាប់បាល់បានច្រើនជាងគេ និងពានរង្វាន់«កីឡដ្ឋានដែលមានអ្នកគាំទ្រច្រើនជាងគេ» ខណៈកីឡដ្ឋានរបស់ភ្នំពេញក្រោនត្រូវបានជ្រើសរើសជាកីឡដ្ឋានល្អជាងគេប្រចាំរដូវកាល។

កាលពីរដូវកាលមុន ញាណ សុស៊ីដាន ជាកីឡាកររបស់ក្រសួងការពារជាតិដែលបង្ហាញទម្រង់លេងយ៉ាងល្អមុនពេលផ្លាស់មកក្លិបព្រះខ័នរាជស្វាយរៀងនៅក្នុងរដូវកាលថ្មី។

ព្រះខ័នរាជស្វាយរៀង កំពុងបង្ហាញទម្រង់លេងយ៉ាងល្អទាំងការប្រកួតក្នុងស្រុក និងក្រៅប្រទេស។ លីគកំពូលកម្ពុជារដូវកាលថ្មីដំណើរការបាន៣ប្រកួត ពួកគេរកបាន១៧គ្រាប់ពីការឈ្នះ ក្រសួងការពារជាតិ ៧-០, ឈ្នះអាយអេសអាយ ដង្កោសែនជ៧យ ៤-១ និងឈ្នះ គិរីវង់សុខសែនជ័យ ៦-១។

ពួកគេបានឈ្នះ Young Elephants ដោយលទ្ធផល ៣-២ ក្នុងជើងទី១ និងឈ្នះ ៥-១ ក្នុងជើងទី២ ជម្រុះពានរង្វាន់ ASEAN Club Championship មុនពេលឈានចូលវគ្គសន្សំពិន្ទុក្នុងពូលឈ្នះ Terengganu ៣-២ នៅប្រទេសម៉ាឡេស៊ី៕