កីឡា

អត្តពលិកគុនខ្មែរធ្វើទស្សនកិច្ច៣ថ្ងៃនៅតំបន់អង្គរដើម្បីស្វែងយល់ពីយុទ្ធគុនខ្មែរ

បានផុស

៤ ខែ មុន

នៅ

ថ្ងៃពុធ ២៨ សីហា ២០២៤

ដោយ

អគ្គនាយកដ្ឋានកីឡានៃក្រសួងអប់រំ យុវជន និងកីឡា បានសហការជាមួយអាជ្ញាធរជាតិអប្សរា ព្រមទាំងសមាគមក្លិបទេសចរណ៍ខេត្តសៀមរាបបានរៀបចំកម្មវិធីទស្សនកិច្ចរបស់កីឡាករ កីឡាការិនីគុនខ្មែរ និងល្បុក្កតោដើម្បីស្វែងយល់អំពីយុទ្ធគុនបុរាណខ្មែរដែលមាននៅលើប្រាង្គប្រាសាទនានានៅខេត្តសៀមរាប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កីឡាករគុនខ្មែរល្បីៗមានដូចម្ចាស់មេដាយមាសកីឡាស៊ីហ្គេម លន បញ្ញា កីឡាករ ឈឿង ល្វៃ កីឡាការិនី ទូច ចាន់វត្តី ព្រមទាំងកីឡាករ កីឡាការិនីល្បុក្កតោជាច្រើនរូបទៀតបានធ្វើដំណើរទស្សនកិច្ចនៅខេត្តសៀមរាបមានរយៈពេល៣ថ្ងៃគិតចាប់ពីថ្ងៃទី២៧-២៩ ខែសីហា ឆ្នាំ២០២៤ ដែលដឹកនាំដោយលោក ធិន វិចិត្រ មន្ត្រីជាន់ខ្ពស់នៃអគ្គនាយកដ្ឋានកីឡា.

ដំណើរទស្សនកិច្ចនេះដើម្បីឲ្យកីឡាករ កីឡាការិនីកម្ពុជាបានឈ្វេងយល់ពីចម្លាក់គុនខ្មែរនៅតាមផ្ទាំងសិលាប្រាង្គប្រាសាទសំខាន់ៗមាន ប្រាសាទអង្គរវត្ត ប្រាសាទបាយ័ន ប្រាសាទតាព្រហ្ម ប្រាសាទព្រះខ័នជាដើមដែលជាសាវតារនៃគុនខ្មែរតាមរយៈចម្លាក់នៅតាមប្រាសាទនានា មានជាយូរលង់ណាស់មកហើយ។

ជាពិសេសទៀតនោះ បណ្តុះគំនិតស្មារតីស្រឡាញ់ និងបង្កើនឆន្ទៈថែរក្សាការពារ រួមគ្នាចូលរួមផ្សព្វផ្សាយទៅកាន់ពិភពលោក។ ក្នុងដំណើរទស្សនកិច្ចនេះដែរ មានបុរាណវិទូរបស់អាជ្ញាធរជាតិអប្សរា បានធ្វើបទបង្ហាញនៅតាមចម្លាក់នៅតាមប្រាសាទនីមួយៗផង៕