កីឡា

ខេត្តស្វាយរៀង បង្កើតពានយុវជនអាយុក្រោម១៣ឆ្នាំ លក្ខណៈមហាជន

បានផុស

៦ ខែ មុន

នៅ

ថ្ងៃពុធ ២៨ សីហា ២០២៤

ដោយ

សហភាពសហព័ន្ធយុវជនកម្ពុជា ខេត្តស្វាយរៀង បានបង្កើតពានរង្វាន់មហាជនថ្នាក់ខេត្តសម្រាប់យុវជនអាយុក្រោម១៣ឆ្នាំ លើកទី១ ក្នុងគោលបំណងលើកស្ទួយវិស័យកីឡាបាល់ទាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ពានរង្វាន់យុវជនអាយុក្រោម១៣ឆ្នាំ លើកទី១ ផ្ដោតសំខាន់លើការអភិវឌ្ឍយុវជនក្នុងខេត្តស្វាយរៀង ដោយមិនអនុញ្ញាតឲ្យកីឡាករនៅខេត្តផ្សេងចូលរួមឡើយ។ ពាក្យសុំចូលរួមប្រកួតចាប់បើកពីថ្ងៃទី២៨ ខែសីហា ឆ្នាំ២០២៤ នេះតទៅ។ ការទទួលពាក្យចូលរួមការប្រកួតនៅខែកញ្ញា។

ការប្រកួតនឹងចាប់ផ្ដើមពីខែតុលា ឆ្នាំ២០២៤ រាលថ្ងៃចុងសប្ដាហ៍ នៅកីឡដ្ឋានស្វាយរៀង និងទីលានវិទ្យាល័យ ស្វាយរំពារ។

លក្ខខណ្ឌចូលរួមការប្រកួត៖
-កីឡាករត្រូវមានអាយុក្រោម១៣ឆ្នាំ មានឆ្នាំកំណើតក្នុងឆ្នាំ២០១១ ២០១២ និង២០១៣ និងមានសញ្ជាតិខ្មែរ
-កីឡាករត្រូវមានទីកន្លែងកំណើតនៅក្នុងខេត្តស្វាយរៀង ឬមានទីលំនៅបច្ចុប្បន្នក្នុងខេត្តស្វាយរៀង
-ក្រុមមួយអាចមានកីឡាករច្រើនបំផុត២០នាក់ និងមន្រ្ដី៨នាក់
-ក្រុមទាំងអស់ត្រូវបំពេញសំំណុំលិខិតដូចខាងក្រោម
-ពាក្យសុំចូលរួមប្រកួត១ច្បាប់
-បញ្ជីរាយនាមកីឡា២០នាក់១ច្បាប់
-កិច្ចសន្យា១ច្បាប់
-អាល់ប៊ុមរូបថតកីឡាករ ទំហំ 4×6 ចំនួន១ច្បាប់
-សេចក្ដីចម្លងសំបុត្រកំណើតឬអត្ដសញ្ញាណបណ្ណថតចម្លងដែលមានបញ្ជាក់ពីអាជ្ញាធរមូលដ្ឋាន គ្រប់កីឡាករចំនូន១ច្បាប់

រហូតដល់ពេលនេះ ថ្នាក់ដឹកនាំសហភាពសហព័ន្ធយុវជនកម្ពុជា ខេត្តស្វាយរៀងបានរៀបចំកម្មវិធីប្រកួតបាល់ទាត់ថ្នាក់ខេត្តជាច្រើនមានដូចជា ពានរង្វាន់ស្វាយរៀងខាប់អាយុ១៣ឆ្នាំ ពានរង្វាន់ស្វាយរៀងខាប់អាយុ១៥ឆ្នាំ ពានរង្វាន់ស្វាយរៀងខាប់អាយុ១៨ឆ្នាំ ពានរង្វាន់ស្វាយរៀងខាប់ ពានរង្វាន់ស្វាយរៀងខាប់នារី និងពានរង្វាន់ស្វាយរៀងស៊ូបភើខាប់៕

អត្ថបទ៖ ផា រតនា