កីឡា

លោក Ancelotti ថា គ្មានលេសដោះសារទេ ក្រោយចាប់ផ្តើមរដូវកាលថ្មីមិនល្អ

បានផុស

៣ សប្តាហ៍ មុន

នៅ

ថ្ងៃសុក្រ ៣០ សីហា ២០២៤

ដោយ

ក្លិប Real Madrid ធ្វើមិនបានសូវបានល្អទេក្នុងការប្រកួត៣លើកកន្លងមកក្នុងលីគកំពូលអេស្ប៉ាញ LaLiga ដោយពួកគេឈ្នះ១ និងស្មើ២ រកបាន៥ពិន្ទុកំពុងឈរនៅលេខ៥ បណ្ដោះអាសន្ន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រោយឈ្នះពានរង្វាន់ UEFA Super Cup ក្លិបអធិរាជស Real Madrid ត្រូវបានគេរំពឹងនឹងធ្វើបានល្អ ក្នុថលីគ ប៉ុន្តែអ្វីៗមិនដូចការគិត។ គិតត្រឹមសប្ដាហ៍ទី៣ ក្នុងលីគ LaLiga កីឡាករ Kylian Mbappe នៅតែមិនទាន់អាចរកគ្រាប់ឲ្យ Real Madrid ប៉ុន្តែយ៉ាងណា លោក Carlo Ancelotti មិនមានលេសអ្វីដោះសារទេ។

លោក Carlo Ancelotti បាននិយាយថា ៖«វាច្បាស់ណាស់ថា យើងកំពុងតស៊ូ ដើម្បីស្វែងរកភាពរឹងមាំនៅរដូវកាលថ្មី។ យើងមិនមានលេសអ្វីទេ។ កាលវិភាគគឺតឹងតែង ពីព្រោះថ្ងៃអាទិត្យ យើងមានការប្រកួតមួយទៀត។ ខ្ញុំត្រូវមានយុទ្ធសាស្ត្រច្បាស់លាស់ ដើម្បីផ្តល់ឲ្យកីឡាករត្រៀមខ្លួនគ្រប់គ្រាន់ទាន់ពេលវេលា»។

ការប្រកួតយប់មិញ ក្រុម Real Madrid ស្ទើរតែបាត់បង់៣ពិន្ទុទៅ ដោយត្រូវក្រុម Las Palmas នាំមុខនៅនាទី៥ ប៉ុន្តែនៅនាទី៦៩ កីឡាករ Vinicius បានស៊ុតពិន័យ១១ម៉ែត្រ តាមស្មើជួយឲ្យក្រុមរកបាន១ពិន្ទុ ក្នុងការប្រកួតសប្ដាហ៍ទី៣។ នៅច័ន្ទ ពួកគេនឹងជួបក្រុម Real Betis ទៀត៕

ប្រែសម្រួល៖ ផា រតនា