កីឡា
បឺត សង្ឃឹម ប្រាប់ថា គ្មានអ្វីប្រឈម ពេលប៉ះ ពេជ្រ ប៊ុនសិទ្ធ ប្រើហ្គង់ MMA
កំពូលអ្នកលេងចិត្តសាស្ត្រ បឺត សង្ឃឹម ត្រូវឡើងសង្វៀនតទល់នឹងមិត្តរួមជាតិ ពេជ្រ ប៊ុនសិទ្ធ នៅថ្ងៃទី៥ ខែកញ្ញា ឆ្នាំ២០២៤ នៅសង្វៀនបាយ័នស្ទឹងមានជ័យ។
ជំនួបនេះបានក្លាយជាការប្រកួតដែលអ្នកគាំទ្រចង់ឃើញ បន្ទាប់ពីជើងខ្លាំងទាំងពីរកំពុងជោគជ័យដូចគ្នាក្នុងអាជីពប្រដាល់គុនខ្មែររបស់ខ្លួន។ ទាំងអ្នកគាំទ្រ គ្រូបង្វឹក និងកីឡាករគុនខ្មែរសុទ្ធតែចាប់អារម្មណ៍សម្រាប់ការប្រកួតនេះ។
ការប្រកួតនេះប្រើហ្គង់ដៃតូច (MMA) ចេញម្រាមដែលអាចថ្មីសម្រាប់កីឡាករ បឺត សង្ឃឹម ប៉ុន្តែក្នុងបទសម្ភាសជាមួយសារព័ត៌មាន«កម្ពុជាថ្មី» បាននិយាយថា គ្មានអ្វីជាបញ្ហាប្រឈម និងត្រៀមខ្លួនយ៉ាងល្អ។
បឺត សង្ឃឹម បាននិយាយថា ៖«សម្រាប់ការត្រៀមខ្លួនគឺ ខ្ញុំត្រៀមខ្លួនបានល្អ។ និយាយទៅទម្រាំដល់ថ្ងៃប្រកួតគឺពេញបរិបូណ៌។ បើនិយាយពីចំណុចប្រឈមគឺឥឡូវនេះគ្មានទេ គ្រាន់តែថា ចាំមើលជាក់ស្តែងនៅលើសង្វៀនគឺខ្ញុំនឹងធ្វើឲ្យបានល្អនៅថ្ងៃប្រកួត មិនថាចាញ់ ឬឈ្នះទេ។ សមត្ថភាពខ្ញុំមានប៉ុណ្ណាគឺនឹងបញ្ចេញឲ្យអស់»។
កីឡាករបានបន្តថា ៖«ចំពោះការប្រើហ្គង់ដៃតូចអត់អីទេគឺទទួលយកបាន។ សម្រាប់ហ្គង់តូច MMA និងហ្គង់ធំគឺខុសគ្នាត្រង់ថា ហ្គង់ធំពេលវ៉ៃទៅអត់សូវឈឺខ្លាំងដូចហ្គង់តូច ប៉ុន្តែហ្គង់តូចឈឺខ្លាំង វ៉ៃត្រូវឆាប់ឲ្យបាក់ស្រុត»។
បឺត សង្ឃឹម ដែលបានចាប់ផ្តើមអាជីពប្រដាល់តាំងពីឆ្នាំ២០១១ ទទួលបានជោគជ័យដ៏ធំធេងដោយបានឈ្នះខ្សែក្រវាត់ IPCC ឆ្នាំ២០២៣, ខ្សែក្រវាត់ស្រាបៀរកម្ពុជា ឆ្នាំ២០២១ និងខ្សែក្រវាត់ Extrem Kun Khmer ឆ្នាំ២០២៤។ រូបគេឈ្នះមេដាយមាសស៊ីហ្គេម ឆ្នាំ២០២១ និងឆ្នាំ២០២៣ ហើយចុងក្រោយបំផុតឈ្នះរង្វាន់រថយន្ត១គ្រឿង។ រូបគេមានបច្ចេកទេសល្អតាមរយៈកណ្តាប់ដៃ ទាត់ និងកែង ព្រមទាំងជង្គង់ដែលស្ទើរតែគ្មានកីឡាករណាមានសមត្ថភាពដូចសម្រាប់ទម្ងន់៥៧គូឡូក្រាមដូចគ្នា។
ចំណែក ពេជ្រ ប៊ុនសិទ្ធ កូនសិស្សរបស់លោកគ្រូ ពេជ្រ សុផាន់ ក៏មានសមត្ថភាពមិនធម្មតាក្នុងរយៈពេល២ឆ្នាំចុងក្រោយ។ រូបគេបានប្រកួតឈ្នះខ្សែក្រវាត់ខារ៉ាបាវនៅសង្វៀនបាយ័ន កាលពីឆ្នាំ២០២៣ ឈ្នះខ្សែក្រវាត់នៅសង្វៀន PNN និងឈ្នះខ្សែក្រវាត់ KKF នៅសង្វៀនបាយ័ន នៅឆ្នាំ២០២៤។ ចំណុចពិសេសរបស់កីឡាកររូបនេះគឺកណ្តាប់ដៃល្អ និងកែង ហើយស៊ូធន់ល្អ៕
អត្ថបទ៖ វីរបុត្រ
-
សេដ្ឋកិច្ច៧ ថ្ងៃ ago
វ័យត្រឹម១៩ឆ្នាំសោះ កូនប្រុសអ្នកឧកញ៉ា គិត ម៉េង អាចនាំយកយីហោសណ្ឋាគារផ្កាយ៦ មកកាន់កម្ពុជា
-
ព័ត៌មានអន្ដរជាតិ១ សប្តាហ៍ ago
ចិន កើតបាតុភូតចម្លែក ព្រះអាទិត្យ ៧តម្រៀបជួរគ្នានៅលើមេឃ
-
ព័ត៌មានជាតិ១ សប្តាហ៍ ago
នាឡិកាធំ និងខ្ពស់ជាងគេនៅកម្ពុជា ចាប់ផ្ដើមដំឡើងជាផ្លូវការដើម្បីទាក់ទាញទេសចរណ៍
-
សេដ្ឋកិច្ច១ ថ្ងៃ ago
ស្ពានផ្សាររាត្រី-អរិយក្សត្រ ត្រៀមបើកការដ្ឋានសាងសង់នៅខែមិថុនា ឆ្នាំ ២០២៥
-
ព័ត៌មានអន្ដរជាតិ២ ថ្ងៃ ago
យន្តហោះ Boeing ផ្ទុះកង់ ស្លាប់មនុស្ស២នាក់
-
សន្តិសុខសង្គម១៩ ម៉ោង ago
ផ្ទុះអាវុធជាច្រើនគ្រាប់ក្នុងប្រតិបត្តិការបង្ក្រាបជនបែកថ្នាំ ខណៈសមត្ថកិច្ចម្នាក់ស្លាប់
-
សេដ្ឋកិច្ច២ ថ្ងៃ ago
ការសិក្សាផលប៉ះពាល់ពីគម្រោងស្ពានផ្សាររាត្រី-អរិយក្សត្រ បានបិទបញ្ចប់ និងត្រៀមបើកការដ្ឋានឆាប់ៗ
-
សន្តិសុខសង្គម៥ ថ្ងៃ ago
បុរសម្នាក់ ត្រូវម្ចាស់ផ្ទះបាញ់បាក់ជើងឆ្វេង របួសធ្ងន់ ខណៈកាន់កាំបិតចូលកាប់របស់របរផ្ទះគេ