កីឡា

អបអរសាទរ! កម្ពុជាបានឡើងទៅកាន់ពាន SEA V. League 2025

បានផុស

៧ ខែ មុន

នៅ

ថ្ងៃអាទិត្យ ១ កញ្ញា ២០២៤

ដោយ

ក្រុមបាល់ទះជម្រើសជាតិកម្ពុជា ទទួលបានកៅឡើងទៅកាន់ពានរង្វាន់កម្រិតទី១ប្រចាំតំបន់ងាស៊ាន SEA V. League នៅឆ្នាំ២០២៥ បន្ទាប់ពីទទួលបានជោគជ័យក្នុងការប្រកួតពានរង្វាន់ SEA V. League Challenge ឆ្នាំ២០២៤ ដែលកម្ពុជាធ្វើជាម្ចាស់ផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការប្រកួតសន្សំពិន្ទុទី១ កម្ពុជា បានយកឈ្នះ ម៉ាឡេស៊ី ដោយលទ្ធផល ៣-១ កាលពីថ្ងៃទី៣០ ខែសីហា។ ការប្រកួតលើកទី២ កម្ពុជា បានឈ្នះ ឡាវ ដោយលទ្ធផល ៣-០ កាលពីថ្ងៃទី៣១ ខែសីហា និងថ្ងៃទី១ ខែកញ្ញា បានយកឈ្នះសិង្ហបុរី ដោយលទ្ធផល ៣-១ ដើម្បីទទួលបានកៅអីឡើងទៅកាន់ពានរង្វាន់កម្រិតទី១ប្រចាំតំបន់អាស៊ាន។

ការប្រកួតនៅថ្ងៃទី២ ខែកញ្ញា ដើម្បីដណ្តើមពានរង្វាន់ និងប្រាក់រង្វាន់សម្តេចធិបតី SEA V. League Challenge Cup 2024 ដោយវគ្គពាក់កណ្តាលផ្តាច់ព្រ័ត្រ ក្រុមលេខ១ កម្ពុជា ប៉ះ ក្រុមលេខ៤ ឡាវ វេលាម៉ោង៨ព្រឹក និងក្រុមលេខ២ ម៉ាឡេស៊ី ប៉ះ ក្រុមលេខ៣ សិង្ហបុរី វេលាម៉ោង១០ព្រឹក។

ក្រុមឈ្នះត្រូវប៉ះក្រុមឈ្នះដើម្បីដណ្តើមជើងឯកដែលមានប្រាក់រង្វាន់១០០លានរៀល ខណៈក្រុមចាញ់ប៉ះក្រុមចាញ់ដើម្បីដណ្តើមចំណាត់ថ្នាក់លេខ៣ដែលមានប្រាក់រង្វាន់២០លានរៀល ហើយក្រុមលេខ២ទទួលបាន៣០លានរៀល និងក្រុមលេខ៤ទទួលបាន១០លានរៀល។

កម្មវិធីប្រកួតថ្ងៃស្អែក ទី២ ខែកញ្ញា ឆ្នាំ២០២៤