កីឡា

យុវជន១៩ឆ្នាំ Thenuka មកពីក្រៅប្រទេសជាខ្សែបម្រើដ៏សំខាន់របស់ស្រីលង្កា

បានផុស

៦ ខែ មុន

នៅ

ថ្ងៃចន្ទ ២ កញ្ញា ២០២៤

ដោយ

សហព័ន្ធកីឡាបាល់ទាត់ស្រីលង្កា បានកោះហៅកីឡាករមកពីក្រៅប្រទេស១៥នាក់ក្នុងចំណោមកីឡាករ២៥នាក់ដែលត្រូវប្រកួតជាមួយនឹង កម្ពុជា វគ្គជម្រុះ 2027 AFC Asian Cup នៅថ្ងៃទី៥ និងទី១០ ខែកញ្ញា ឆ្នាំ២០២៤។

វាអាចចាត់ទុកជាយុគសម័យថ្មីមិនធ្លាប់មានរបស់ក្រុមបាល់ទាត់ជម្រើសជាតិស្រីលង្កាដែលបានត្រៀមខ្លួនយ៉ាងល្អក្នុងការប្រកួតលើឆាកអន្តរជាតិ។ ក្រៅពីរៀបចំផែនការអភិវឌ្ឍបាល់ទាត់ក្នុងស្រុកតាំងពីកម្រិតយុវជនរហូតដល់ក្រុមធំជាមួយដៃគូនៅប្រទេសកាតា ស្រីលង្កាបានសម្រិតសម្រាំងក្នុងការជ្រើសរើសកីឡាករកូនកាត់នៅក្រៅប្រទេស និងផ្តល់សញ្ជាតិឲ្យកីឡាករបរទេសដើម្បីក្លាយជាកីឡាករជម្រើសជាតិឡាវ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្តែងការត្រៀមខ្លួនប្រកួតជាមួយកម្ពុជា ស្រីលង្កា បាននាំយកកីឡាករមកពីក្រៅប្រទេស១៥នាក់គឺមកពីអាល្លឺម៉ង់៣នាក់ អ៉ិស្លង់២នាក់ អូស្ត្រាលី២នាក់ ន័រវែស២នាក់ ម៉ាឌីវ២នាក់ អង់គ្លេស១នាក់ បារាំង១នាក់ ហុងកុង១នាក់ និង ស៊ុយអែត១នាក់។

ក្នុងចំណោមកីឡាករក្រៅស្រុកទាំង១៥រូប មានយុវជន Thenuka Ranaweera អាយុ១៩ឆ្នាំ លេងនៅក្លិប Nairobi United FC នៅប្រទេសកេនយ៉ា។ រូបគេត្រូវបានអ្នកគាំទ្រស្រីលង្កាចាប់អារម្មណ៍យ៉ាងខ្លាំង និងចាត់ទុកជាកម្លាំងសំខាន់ក្នុងការគ្រប់គ្រង ចែកបាល់នៅតំបន់កណ្តាល។

យុវជន Thenuka បានបង្ហាញទម្រង់លេងគួរឲ្យចាប់អារម្មណ៍នៅពេលកោះហៅចូលជម្រើសជាតិអាយុក្រោម២០ឆ្នាំក្នុងការប្រកួតពានរង្វាន់អាស៊ីខាងត្បូង 2024 SAFF U-20 Championship កាលពីដើមខែសីហាកន្លងទៅនេះ ដូច្នេះក៏កោះហៅចូលក្រុមធំតែម្តង។ រូបគេមានប្រៀបដូចជាយុវជនកម្ពុជា លឹម លោកាថុង ដែលបានបង្ហាញសមត្ថភាពដ៏អស្ចារ្យក្នុងពានរង្វាន់ AFF U19 Championship កាលពីពេលថ្មីៗ ហើយក៏ជាប់ក្រុមធំថែមទៀត។

ខាងក្រោមជាកីឡាករ១៥នាក់មកពីក្រៅបរទេសរបស់ ស្រីលង្កា