កីឡា

ស្ងាត់ៗ ព្រះខ័នរាជស្វាយរៀង រៀបចំផែនការអភិវឌ្ឍយុវជនកម្រិតស្តង់ដា

បានផុស

៣ សប្តាហ៍ មុន

នៅ

ថ្ងៃចន្ទ ២ កញ្ញា ២០២៤

ដោយ

ក្លិបបាល់ទាត់ព្រះខ័នរាជស្វាយរៀង បាននិងកំពុងចាប់ផ្តើមផែនការបណ្តុះបណ្តាលថ្នាលយុវជនអាយុក្រោម១៣ឆ្នាំប្រកបដោយកម្រិតស្តង់ដាអន្តរជាតិដែលនឹងក្លាយជាធនធានកីឡាករបាល់ទាត់កម្ពុជាដ៏សំខាន់នាពេលខាងមុខ។

ក្លិបជើងឯកលីគកំពូលកម្ពុជា៣សម័យកាលបានធ្វើតេស្តយុវជនអាយុក្រោម១៣ឆ្នាំទូទាំងប្រទេសរយៈពេល៥ខែ ទើបជ្រើសរើសបានយុវជនដែលមានទេពកោលស្យបាល់ទាត់ចំនួន២៨នាក់។ យុវជនទាំងអស់នេះត្រូវស្នាក់នៅហ្វឹកហាត់បាល់ទាត់រយៈពេលវែងដែលគ្រប់គ្រងដោយក្លិបព្រះខ័នរាជស្វាយរៀង។

ទីកន្លែងស្នាក់នៅហ្វឹកហាត់ពីបាល់ទាត់ ត្រូវបានក្លិបបង្ហាញពីអគារសម្រាប់ការិយាល័យធ្វើកាងារ កន្លែងស្នាក់នៅរបស់កីឡាករ និងក្រុមការងារ។ ការបង្ហាញឲ្យឃើញតាមរូបភាពគឺទាំងកន្លែងហ្វឹកហាត់ កន្លែងស្នាក់នៅ កន្លែងអាហារ កន្លែងសិក្សារៀនសូត្រគឺសុទ្ធតែបំពាក់ដោយសម្ភារ និងឧបករណ៍ទំនើបដែលកម្រិតស្តង់ដាអន្តរជាតិ។

នេះអាចនិយាយបានថា ព្រះខ័នរាជស្វាយរៀងជាក្លិបដំបូងដែលរៀបចំកន្លែងស្នាក់ដើម្បីបណ្តុះបណ្តាលថ្នាលយុវជនកម្រិតស្តង់ដាបែបនេះ៕