កីឡា

គ្រូស្រីលង្កាជឿថា ក្រុមខ្លួននឹងឈ្នះកម្ពុជា នៅជើងទី២

បានផុស

៧ ខែ មុន

នៅ

ថ្ងៃសុក្រ ៦ កញ្ញា ២០២៤

ដោយ

ការប្រកួតជើងទី១ វគ្គជម្រុះពានរង្វាន់ AFC Asian Cup 2027 រវាងក្រុមជម្រើសជាតិស្រីលង្កា និង ជម្រើសជាតិកម្ពុជា បានបញ្ចាប់ក្នុងលទ្ធផលស្មើគ្នា ០-០ នៅថ្ងៃទី៥ ខែកញ្ញា ឆ្នាំ២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Abdullah Al Mutairi គ្រូបង្វឹកក្រុមជម្រើសជាតិស្រីលង្កា បានលើកឡើងថា ប្រសិនការប្រកួតមានគ្រាប់បាល់នៅជើងទី១ ប្រហែលជាល្អសម្រាប់ស្រីលង្កាក្នុងនាមជាម្ចាស់ផ្ទះ។ ទោះបីជាយ៉ាងណា លោកនៅតែជឿជាក់លើក្រុមរបស់លោកនឹងទទួលបានជ័យជម្នះសម្រាប់ការប្រកួតជើងទី២នៅទឹកដីកម្ពុជា។

ការជឿជាក់បែបនេះ បន្ទាប់ពីក្រុមរបស់លលោកបានបង្ហាញទម្រង់លេងយ៉ាងល្អដោយបានដាក់សម្ពាធខ្លាំងលើក្រុមភ្ញៀវ ទាំងកាគ្រប់គ្រងបាល់ និងបង្កើតឱកាសគ្រោះថ្នាក់នៅប្រអប់ទីរបស់កម្ពុជា ប៉ុន្តែគ្មានសំណាងទម្លាយសំណាញ់ទី។

លោក Mutairi បាននិយាយថា ៖«វានឹងល្អជាងនេះ បើយើងរកបានគ្រាប់បាល់ និងឈ្នះការប្រកួតនេះ។ យើងបានសន្យាចំពោះអ្នកគាំទ្រថា យើងនឹងបង្ហាញទម្រង់លេងខុសប្លែកពីធម្មតា។ យើងមិនអាចបញ្ចប់ទីបានល្អ ប៉ុន្តែយើងបានលេងតាមការគម្រោងទុក។ យើងធានាចំពោះប្រជាជនរបស់យើងថា យើងទៅប្រកួតនៅក្រៅដី ដើម្បីជោគជ័យ និងឡើងទៅជុំបន្ទាប់»។

លោក Abdullah Al Mutairi ទើបចូលដឹកនាំក្រុមស្រីលង្កាក្នុងនាមជាគ្រូបង្វឹកបណ្ដោះអាសន្នកាលពីប៉ុន្មានសប្តាហ៍មុនប៉ុណ្ណោះ ប៉ុន្តែលោកបានដើរតួយ៉ាងសំខាន់ក្នុងការរៀបចំក្រុមដោយបានកោះហៅកីឡាករមកពីក្រៅប្រទេស១៥នាក់។