កីឡា

លោក Mourinho ប្រាប់ពីមូលហេតុមិនដឹកនាំក្រុមជម្រើសជាតិ

បានផុស

៦ ខែ មុន

នៅ

ថ្ងៃពុធ ១១ កញ្ញា ២០២៤

ដោយ

គ្រូបង្វឹកក្លិប Fenerbahce លោក Jose Mourinho ធ្លាប់ទទួលបានឱកាសក្នុងការដឹកនាំក្រុមជម្រើសជាតិជាច្រើននៅពេលកន្លងមក ប៉ុន្តែលោកតែងតែបដិសេដចំពោះសំណើរទាំងនោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គ្រូបង្វឹកសញ្ជាតិព័រទុយហ្គាល់ដែលឈ្នះពានរង្វាន់ធំៗចំនួន២៦ក្នុងអាជីព ក្នុងនោះមានទាំង Champions League ចំនួន២លើក បានរៀបរាប់អំពីតួនាទីដែលលោកបានបដិសេធនាពេលកន្លងមក។ ចំពោះការងារជាគ្រូបង្វឹកក្រុមជម្រើសចាតិអង់គ្លេសជាមុខតំណែងមួយក្នុងចំណោមមុខតំណែងជាច្រើនទៀត ដែលលោកបានបដិសេដ។

លោក Jose Mourinho បានប្រាប់សារព័ត៌មាន HT Spor ថា ៖«ខ្ញុំធ្លាប់ទទួលបានឱកាសដឹកនាំក្រុមជម្រើសជាតិជាច្រើនកាលពីមុន តែខ្ញុំតែងតែបដិសេធ។ ខ្ញុំបានទទួលសំណើរ២លើកឲ្យដឹកនាំក្រុមអង់គ្លេស។ វាមិនមែនជាការងារដែលធ្វើឲ្យខ្ញុំសប្បាយចិត្តនោះទេ។ ការប្រកួតក្នុងមួយខែមានតែ២ឬ៣ប្រកួត ត្រូវធ្វើដំណើរទៅតាមដានកីឡាករ ត្រូវរង់ចាំការព្រឹត្តិការណ៍មកដល់»។

អ្នកគាំទ្រ Fenerbahce រីករាយនៅពេលក្លិបបានតែងតាំងលោក Jose Mourinho ធ្វើជាគ្រូបង្វឹក។ ក្លិបនេះខកខានឈ្នះជើងឯកលីគតួកគី Super Lig តាំងពីឆ្នាំ ២០១៣។ គោលដៅចម្បងសម្រាប់វត្តមានរបស់លោក Mourinho គឺនាំយកពានរង្វាន់លីគជូនក្រុមដែលមានមូលដ្ឋាននៅទីក្រុងអុីស្តង់ប៊ុល។ បច្ចុប្បន្ន ក្លិបនេះកំពុងឈរលេខ១ ក្នុងលីគកំពូលតួកគី ក្រោយប្រកួត៤លើក ឈ្នះ៣ ស្មើ១ មាន៩ពិន្ទុ។

បន្ទាប់ពីចាញ់ Lille ក្នុងវគ្គជម្រុះ UEFA Champions League ក្លិប Fenerbahce នឹងលេងក្នុងពានរង្វាន់ Europa League រដូវកាលនេះ ដោយចាប់ផ្តើមធ្វើម្ចាស់ផ្ទះទទួលក្រុម Union Saint-Gilloise នៅថ្ងៃទី២៦ ខែកញ្ញា៕

ប្រែសម្រួល៖ ផា រតនា