កីឡា
តើកម្ពុជាខាតប្រយោជន៍អ្វីខ្លះពីការធ្លាក់ចេញពី World Cup និង Asian Cup?
ក្រុមបាល់ទាត់ជម្រើសជាតិកម្ពុជាខាតប្រយោជន៍ច្រើនណាស់ពីការធ្លាក់ចេញពីជើងឯកពិភពលោក 2026 World Cup ក្នុងវគ្គជម្រុះបឋម និងជើងឯកអាស៊ី 2027 AFC Asian Cup នៅក្នុងវគ្គជម្រុះជុំទី២។
កម្ពុជា បានចាញ់ ប៉ាគីស្ថាន ដោយលទ្ធផលទាំងពីរជើង ១-០ កាលពីខែតុលា ឆ្នាំ២០២៣ ក្នុងវគ្គជម្រុះបឋម ជើងឯកពិភពលោក ឆ្នាំ២០២៦ និងបានចាញ់ ស្រីលង្កា ដោយការទាត់ប៉េណាល់ទីកាត់សេចក្តី ២-៤ បន្ទាប់ពីចប់១២០នាទីស្មើគ្នា ២-២ កាលពីថ្ងៃទី១០ ខែកញ្ញា ឆ្នាំ២០២៤ វគ្គជម្រុះជើងឯកអាស៊ី។
បាត់បង់ការប្រកួតអន្តរជាតិ១២ប្រកួត
ការធ្លាក់ចេញពីពានរង្វាន់ធំលំដាប់អាស៊ី និងពិភពលោកទាំងពីរ កម្ពុជាបាត់បង់ការប្រកួតអន្តរជាតិចំនួន១២ប្រកួត។ ប្រសិនបើកម្ពុជាឡើងទៅវគ្គបន្ត នឹងចូលក្នុងវគ្គជម្រុះក្នុងពូលដែលចាប់ឆ្នោតប៉ះជាមួយក្រុមជម្រើសជាតិអាស៊ីលំដាប់កំពូលៗគឺ៦ប្រកួត ក្នុងជើងឯកពិភពលោក និង៦ប្រកួតក្នុងជើងឯកអាស៊ី។
ការទទួលបានឱកាសប្រកួតជាមួយក្រុមខ្លាំងលំដាប់អាស៊ីមិនងាយទេ ពីព្រោះពួកគេកម្រនឹងប្រកួតមិត្តភាពអន្តរជាតិជាមួយក្រុមខ្សោយណាស់។ ដូច្នេះមានតែកម្មវិធីប្រកួតពានរង្វាន់អន្តរជាតិបែបនេះដែលផ្តល់ឱកាសឲ្យក្រុមខ្សោយបានប្រកួតជាមួយក្រុមខ្លាំងៗ។ ការទទួលបានឱកាសប្រកួតជាមួយក្រុមខ្លាំងគឺជារឿងល្អបំផុតដើម្បីបង្កើនបទពិសោធ សមត្ថភាព និងស្វែងយល់ពីចំណុចខ្វះខាតរបស់ខ្លួនដើម្បីអភិវឌ្ឍខ្លួន។
ខាតបង់ថវិកា
ការប្រកួតជម្រុះក្នុងពូល១២ប្រកួតគឺត្រូវធ្វើម្ចាស់ផ្ទះ៦ប្រកួត ក្នុងនោះធ្វើម្ចាស់ផ្ទះ៣ប្រកួតក្នុងជើងឯកពិភពលោក និង៣ប្រកួតក្នុងជើងឯកអាស៊ី។ ក្នុងនាមជាម្ចាស់ផ្ទះអាចរកចំណូលបានច្រើនមានដូចជាការទទួលបានប្រាក់ឧបត្ថម្ភពីសហព័ន្ធកីឡាបាល់ទាត់ពិភពលោក (FIFA)។ ការទទួលបានប្រាក់ឧបត្ថម្ភពីសហព័ន្ធកីឡាបាល់ទាត់អាស៊ី (AFC)។ ការទទួលបានចំណូលពីដៃគូហការដែលជាអ្នកឧបត្ថម្ភគាំទ្រ។ ការទទួលបានចំណូលពីការលក់សំបុត្រសម្រាប់អ្នកគាំទ្រជាដើម។
មិនត្រឹមតែប៉ុណ្ណោះ ក្រុមដែលត្រូវធ្វើដំណើរមកប្រកួតត្រូវចំណាយលើការស្នាក់នៅ ម្ហូបអាហារ ដឹកជញ្ជូន និងចំណាយលើអ្វីផ្សេងៗទៀត។
ខាតបង់ការផ្សព្វផ្សាយ
នៅពេលមានការប្រកួតអន្តរជាតិក្នុងពានរង្វាន់ធំៗបែបនេះគឺមានការចាប់អារម្មណ៍ពីបណ្តាប្រទេសផ្សេងៗច្រើន។ ជាពិសេសពីប្រទេសជាដៃគូប្រកួត ពីព្រោះពួកគេនឹងតាមដានពីស្ថានភាពក្រុមបាល់ទាត់ជម្រើសជាតិកម្ពុជា។ ពួកគេស្វែងយល់ពីប្រទេសកម្ពុជា ហើយប្រសិនបើប្រទេសទាំងនោះផ្សាយបន្តផ្ទាល់ពីកម្ពុជាទៀតនោះគឺរឹតតែធ្វើឲ្យគេស្គាល់កម្ពុជាកាន់តែច្រើន។
ទន្ទឹមជាមួយគ្នានេះ កម្ពុជាបាត់បង់ឱកាសទាក់ទាញអ្នកគាំទ្ររបស់ខ្លួន។ នៅពេលមានកម្មវិធីប្រកួតអន្តរជាតិធំៗគឺរឹតតែធ្វើឲ្យអ្នកគាំទ្ររបស់ខ្លួនចាប់អារម្មណ៍ និងចូលរួមគាំទ្រលើកទឹកចិត្តដល់ក្រុមជម្រើសជាតិ។ ផ្ទុយទៅវិញ កម្ពុជាកាន់តែស្ងប់ស្ងាត់ និងថយចុះការគាំទ្រ នៅពេលគ្មានកម្មវិធីប្រកួតអន្តរជាតិយូរ។
ពិន្ទុ និងចំណាត់ថ្នាក់ថយចុះ
នៅពេលកម្ពុជាប្រកួតចាញ់ក្រុមដែលមានចំណាត់ថ្នាក់ FIFA Ranking ទាបជាងខ្លួន ចំណាត់ថ្នាក់របស់កម្ពុជានឹងធ្លាក់ចុះ និងពិន្ទុកាន់ចុះថយ។ កម្ពុជាអាចនឹងកាន់តែលំបាកក្នុងការប្រកួតពានរង្វាន់អន្តរជាតិផ្សេងៗលើកក្រោយទៀត។ ជាក់ស្តែង កម្ពុជាស្ថិតនៅវគ្គសន្សំពិន្ទុក្នុងពូលដោយស្វ័យប្រវត្តិនៃពានរង្វាន់ AFF Championship ដែលពានលំដាប់ទី១ប្រចាំតំបន់អាស៊ី។
ប្រទេសព្រុយណេ និងទីម័រខាតកើតជាក្រុមដែលប្រកួតវគ្គជម្រុះដើម្បីយកមួយក្រុមឡើងទៅវគ្គចែកពូល ប៉ុន្តែពេលនេះ ព្រុយណេ និង ទីម័រខាងកើត បានឡើងទៅកាន់ជុំទី៣ 2027 AFC Asian Cup ខណៈកម្ពុជាជាក្រុមអាស៊ានតែមួយគត់ដែលបានធ្លាក់។ ប្រសិនបើ ការប្រកួតសន្សំពិន្ទុក្នុងពូល AFF Championship កម្ពុជាធ្វើមិនបានល្អ ហើយព្រុយណេ និង ទីម័រខាងកើត ធ្វើបានល្អថែមទៀតនោះ ដូច្នេះកម្ពុជាអាចប្រឈមនឹងលេងនៅវគ្គជម្រុះវិញម្តង។
តើបងប្អូនគិតថា នៅមានខាតបង់ប្រយោជន៍អ្វីផ្សេងទៀតសម្រាប់កម្ពុជាដែលបានធ្លាក់ចេញពីជើងឯកអាស៊ី និងជើងឯកពិភពលោក?
អត្ថបទ៖ វីរបុត្រ
តុលាការ ចោទប្រកាន់លោក លី សាម៉េត,លោក ដួង តារា, លោក មួង ឃីម, ឧកញ៉ា អ៊ុត ធី ពីបទជំនួញឥទ្ធិពលសកម្ម និងឥទ្ធិពលអកម្ម
អ្នកឧកញ៉ា ឡេង ណាវ៉ាត្រា៖គិតត្រឹមថ្ងៃទី១០ ខែវិច្ឆិកា ក្រុមហ៊ុន ដោះស្រាយ និងសាងសង់បញ្ចប់បានចំនួន ២០០៦ផ្ទះ ចំណែកផ្ទះដែលនៅ នឹងបញ្ចប់បន្តបន្ទាប់ ជូនអតិថិជន
សាកលវិទ្យាល័យពាណិជ្ជសាស្ត្រអេស៊ីលីដា រៀបចំកម្មវិធីតម្រង់ទិសសម្រាប់សិស្សនិស្សិតមុនចូលរៀន
លោក ប៉ែន បូណា ៖ កងកម្លាំងនគរបាលជាតិជាឆ្មាំឈរការពារ និង បម្រើប្រជាពលរដ្ឋទាំងយប់ទាំងថ្ងៃ
អ្នកវិភាគ៖ ការកៀរគរពលករឱ្យគាំទ្ររដ្ឋាភិបាលបណ្ដោះអាសន្នខុសច្បាប់ ជាការបំផ្លាញពលករ និងលទ្ធិប្រជាធិបតេយ្យកម្ពុជា
យន្តហោះBoeing ដឹកអ្នកដំណើរ២៤៩នាក់ ហោះបុកសត្វស្លាប បណ្តាលឲ្យឆេះម៉ាស៊ីន
រឿងប្លែកទៀតហើយនៅ ឥណ្ឌា មនុស្សឈរតម្រង់ជួរត្រងទឹកម៉ាស៊ីនត្រជាក់ផឹក ព្រោះជឿថាបរិសុទ្ធ
ព្យុះសង្ឃរា ទី២២ និងព្យុះទី២៣ ចាប់ផ្ដើមដើរលើគន្លងតែមួយបង្កើនឥទ្ធិពលខ្លាំងលើរបបខ្យល់មូសុងឦសាន
ត្រាំ ព្រមានពូទីន ខ្លាំងៗ ក្នុងការនិយាយទូរស័ព្ទលើកដំបូង ក្រោយជាប់ឆ្នោតអាណត្តិថ្មី
និស្សិតនៅសាកលវិទ្យាល័យឌីជីថលកម្ពុជា រៀបរាប់ពីការសិក្សានិងការរស់នៅ ក្នុងរយៈពេលមួយឆ្នាំនៅទីនោះ
-
ព័ត៌មានជាតិ៤ ថ្ងៃ agoជង្ហុកជាច្រើនកន្លែងលើកំណាត់ផ្លូវ ៦០៨ បង្កគ្រោះថ្នាក់ដល់អ្នកដំណើរជារឿយៗ
-
ជីវិតកម្សាន្ដ៥ ថ្ងៃ agoលោក អ៊ិន សុភិន ចេញមុខអះអាងថា ខ្លួនមិនពាក់ព័ន្ធទេ ក្រោយផ្ទុះរឿងទិញសិទ្ធិ Miss Grand 2025
-
ជីវិតកម្សាន្ដ៥ ថ្ងៃ agoបវរកញ្ញាមីយ៉ាន់ម៉ា បង្ហាញខ្លួនលើកដំបូង ក្រោយបាត់បង់តំណែងលេខ២ MGI
-
ជីវិតកម្សាន្ដ៥ ថ្ងៃ agoអ្នកស្រី អ៊ឹម សុគន្ធា បញ្ជាក់ថា ព្រោះតែងរឿងចង់ចាញ់ឈ្នះ មានអ្នកខ្លះចង់ទិញសិទ្ធិ Miss Grand 2025
-
ជីវិតកម្សាន្ដ៣ ថ្ងៃ agoធ្លាយវីដេអូរសើប Selena ក្នុងពិធីជប់លៀងរបស់ Diddy ពី Weibo ចិន
-
ព័ត៌មានជាតិ១ សប្តាហ៍ agoកម្ពុជា រងឥទ្ធិពលរបបខ្យល់មូសុងឦសានខ្លាំងដល់ថ្ងៃទី៦វិច្ឆិកា
-
ព័ត៌មានជាតិ៥ ថ្ងៃ agoក្រុមហ៊ុនចិន គ្រោងពង្រីកការវិនិយោគលើដំណាំដំឡូងមី ស្វាយចន្ទី ដំឡើងរោងចក្រកែច្នៃគ្រាប់ស្វាយចន្ទីនៅកម្ពុជា
-
ព័ត៌មានជាតិ៧ ថ្ងៃ agoព្យុះទី២២ ឈ្មោះ ឃីនស៊ីង នឹងជះឥទ្ធិពលលើកម្ពុជា ចាប់ពីថ្ងៃនេះដល់ថ្ងៃទី៧វិច្ឆិកា