កីឡា

គួរឲ្យសរសើរ ក្រុមហ៊ុន វឌ្ឍនៈ ប្រ៊ូវើរី ឧបត្ថម្ភកីឡាលេចធ្លោ ឈានមុខគេនៅកម្ពុជា

បានផុស

៥ ថ្ងៃ មុន

នៅ

ថ្ងៃព្រហស្បតិ៍ ១២ កញ្ញា ២០២៤

ដោយ

ក្រុមហ៊ុន វឌ្ឍនៈ ប្រ៊ូវើរី ត្រូវបានមហាជនមើលឃើញពីការចូលរួមឧបត្ថម្ភគាំទ្រដល់វិស័យកីឡានៅក្នុងប្រទេសកម្ពុជាឈានមុខគេដែលបានក្លាយជាមូលដ្ឋានគ្រឹះដ៏សំខាន់ចាំបាច់បំផុតក្នុងការអភិវឌ្ឍកីឡាឲ្យរីកចម្រើន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមហ៊ុន វឌ្ឍនៈ ប្រ៊ូវើរី ដែលមានអ្នកឧកញ៉ា សំអាង វឌ្ឍនៈ អគ្គនាយកបានឧបត្ថម្ភគាំទ្រយ៉ាងពេញទំហឹងដល់វិស័យកីឡាជាច្រើននៅក្នុងប្រទេសកម្ពុជាមានដូចជាព្រឹត្តិការណ៍កីឡា ពានរង្វាន់ ស្ថាប័នកីឡា ក្លិប កីឡាករ កីឡាការិនី និងសកម្មភាពកីឡាផ្សេងៗអស់រយៈពេលជាច្រើនឆ្នាំមក។

រហូតដល់ពេលនេះ ក្រុមហ៊ុន វឌ្ឍនៈ ប្រ៊ូវើរី បានឧបត្ថម្ភដល់ក្លិបបាល់ទាត់អាជីពចំនួន៣ផ្សេងគ្នាក្នុងលីគបាល់ទាត់កំពូលកម្ពុជាគឺ ក្លិបបាល់ទាត់ គិរីវង់សុខសែនជ័យ ដែលមានមូលដ្ឋានខេត្តតាកែវ ក្លិបបាល់ទាត់ព្រះខ័នរាជស្វាយរៀង នៅខេត្តស្វាយរៀង និងថ្មីៗទើបតែឧបត្ថម្ភដល់ក្លិបបាល់ទាត់បឹងកេត នៅរាជធានីភ្នំពេញ។

អ្នកគាំទ្រកីឡាបានដឹងស្រាប់ហើយ ក្រុមហ៊ុន វឌ្ឍនៈ ប្រ៊ូវើរី បានក្លាយជាដៃគូឧបត្ថម្ភធំក្នុងព្រឹត្តិការណ៍កីឡាស៊ីហ្គេម លើកទី៣២ កីឡាអាស៊ានប៉ារ៉ាហ្គេម លើកទី១១ ឆ្នាំ២០២៣ ដែលកម្ពុជាធ្វើជាម្ចាស់ផ្ទះលើកដំបូង និងទទួលបានជោគជ័យបំផុតសម្រាប់កម្ពុជាក្នុងប្រវត្តិសាស្ត្ររបស់ខ្លួន។ ពួកគេបានឧបត្ថម្ភដល់កីឡាជាតិលើកទី៣កាលពីឆ្នាំ២០២២ និងព្រឹត្តិការណ៍ពាក់កណ្តាលម៉ារ៉ាតុងជាច្រើនទៀត។

មិនត្រឹមតែប៉ុណ្ណោះ ក្រុមហ៊ុនបានឧបត្ថម្ភដល់ព្រឹត្តិការណ៍ប្រកួតកីឡាបាល់ទាត់ជើងឯកអនុវិទ្យាល័យ ការប្រកួតបាល់ទាត់ជើងឯកវិទ្យាល័យ និងជាដៃគូឧបត្ថម្ភដល់ហ៊ុនខេមបូឌានព្រីមៀរលីគរបស់សហព័ន្ធកីឡាបាល់ទាត់កម្ពុជា។ ឧបត្ថម្ភដល់ការប្រកួត គ្រុឌស៊ូបភើខាប់ និងថ្មីបំផុតគឺឧបត្ថម្ភដល់ក្រុមបាល់ទាត់ជម្រើសជាតិកម្ពុជាក្នុងវគ្គជម្រុះជើងឯកអាស៊ី AFC Asian Cup Saudi Arabia 2027។

អ្វីដែលកាន់តែពិសេសទៀតនោះ ក្រុមហ៊ុន វឌ្ឍនៈ ប្រ៊ូវើរី បានរៀបចំព្រឹត្តិការណ៍ប្រកួតប្រដាល់គ្រុឌគុនខ្មែរជាច្រើនកម្មវិធីរៀងរាល់សប្តាហ៍ដែលបានក្លាយជាកម្លាំងចលករយ៉ាងធំធេងដើម្បីលើកកម្ពស់ ជំរុញ និងអភិវឌ្ឍគុនខ្មែរដែលជាកីឡាអត្តសញ្ញាណជាតិ ព្រមទាំងឧបត្ថម្ភដល់ការប្រកួតកីឡាគុនចម្រុះ។

បន្ថែមលើនេះ អ្នកឧកញ៉ា សំអាង វឌ្ឍនៈ អគ្គនាយកតែងតែឧបត្ថម្ភថវិកាដល់កីឡាករ កីឡាការិនី គ្រូបង្វឹក និងក្រុមការងាររៀបចំការប្រកួតប្រដាល់ដើម្បីលើកស្ទួយជីវភាពឲ្យកាន់តែធូរធារ ល្អប្រសើរ ហើយកីឡាករ កីឡាការិនីកាន់តែមានឆន្ទៈក្នុងការបន្តអាជីពរបស់ពួកគេ។