កីឡា
វិន័យជាឫសគល់ជោគជ័យធំបំផុតរបស់ ពេជ្រ សម្បត្តិ
លោកគ្រូ ពេជ្រ សុផាន់ បានផ្តាំទៅអ្នកជំនាន់ក្រោយឲ្យប្រកាន់ភ្ជាប់នូវវិន័យ ប្រសិនបើចង់ទទួលបានជោគជ័យដូចក្របីព្រៃ ពេជ្រ សម្បត្តិ ដែលជាកូនសិស្សរបស់លោក។
ការលើកឡើងរបស់លោកគ្រូ ពេជ្រ សុផាន់ បានកើតមានឡើង បន្ទាប់ពីកូនសិស្សរបស់លោកទទួលបានជ័យជម្នះក្នុងទឹកទី១លើជើងខ្លាំងគុនខ្មែរ រិន ដេវីដ កាលពីថ្ងៃសៅរ៍ ទី១៤ ខែកញ្ញា ឆ្នាំ២០២៤។
លោក ពេជ្រ សុផាន់ បាននិយាយថា ៖«ខ្ញុំចង់ផ្តាំផ្ញើដល់កីឡាករ អាជីពប្រដាល់សំខាន់បំផុតគឺវិន័យ។ បើយើងមានវិន័យគឺស្មើនឹងយើងមានអ្វីៗគ្រប់យ៉ាង។ ដូច ពេជ្រ សម្បត្តិ អីចឹង សម្បត្តិ ប្រើពេលខ្លីណាស់ ការប្រកួតចុងក្រោយនេះគឺឆ្លុះបញ្ចាំងឲ្យយុវជនជំនាន់ក្រោយបានឃើញ។ អាជីពកីឡាសំខាន់បំផុតគឺវិន័យ។ កាលណាយើងមានវិន័យ យើងមានការព្យាយាមហ្វឹកហាត់ដល់គោលដៅគឺប្រាក់រត់តាម»។
«យើងគិតមើលទៅ មិនងាយទេ ៣ប្រកួតទទួលបានប្រាក់ជាង១ម៉ឺនដុល្លារគឺពិតជាច្រើនណាស់ ច្រើនស្ទើរតែនឹកស្មានមិនដល់។ សូម្បីតែដេកស្រមៃក៏អត់គិតស្មានដល់ដែរ។ ដូច្នេះខ្ញុំសូមផ្តាំផ្ញើដល់អ្នកជំនាន់ក្រោយដែលចង់ចាប់អាជីពប្រដាល់គឺត្រូវតាំងខ្លួនឲ្យមានវិន័យ បើកបេះដូងឲ្យធំក្នុងការហ្វឹកហាត់នឹងទទួលបានជោគជ័យដូច ពេជ្រ សម្បត្តិ»។
ក្នុងរយៈពេល១៥ថ្ងៃចុងក្រោយ ពេជ្រ សម្បត្តិ បានឡើងប្រកួត៣ដង ដោយបានផ្តួលដៃគូឲ្យសន្លប់ក្នុងទឹកទី១ទាំង៣លើកដែលទទួលបានប្រាក់ចំណូលជាង១ម៉ឺនដុល្លារអាមេរិក។
ពេជ្រ សម្បត្តិ ជាកីឡាករស៊ូធន់ដ៏កម្រដែលឡើងប្រកួតមិនងាយបាក់ស្រុត។ រាល់ការប្រកួត ទោះបីជាត្រូវកណ្តាប់ដៃ និងរន្ទះជើងយ៉ាងណា ក៏រូបគេមិនងាយចុះខ្សោយឡើយ ហើយត្រូវបានអ្នកខ្លះលើកឡើងថា មនុស្សកម្រក្នុងពិភពប្រដាល់គុនខ្មែរ។
រហូតដល់ពេលនេះ ពេជ្រ សម្បត្តិ ទទួលបានជោគជ័យខ្លាំងក្នុងរយៈពេលប្រមាណ៣ឆ្នាំចុងក្រោយដោយឈ្នះបានខ្សែក្រវាត់ជាច្រើនលើក និងរង្វាន់រថយន្ត។ អ្វីដែលរូបគេចង់បំពេញក្តីស្រមៃធំបំផុត សមិទ្ធផលជូនជាតិ ពីព្រោះរហូតដល់ពេលនេះរូបគេមិនធ្លាប់បានប្រកួតតំណាងឲ្យជាតិឡើយ៕
អត្ថបទ៖ វីរបុត្រ
-
ព័ត៌មានអន្ដរជាតិ៧ ថ្ងៃ ago
បាក់ស្ពាននៅវៀតណាម ធ្លាក់រថយន្តនិងម៉ូតូច្រើនគ្រឿងចូលទន្លេ
-
ព័ត៌មានជាតិ៤ ថ្ងៃ ago
ក្រុមហ៊ុនរបស់កូរ៉េ គ្រោងនឹងបើករោងចក្រដំឡើងរថយន្តអគ្គិសនីនៅកម្ពុជា
-
ព័ត៌មានជាតិ៤ ថ្ងៃ ago
ផ្លូវមួយខ្សែ ប្រវែងជិត ១០ គីឡូម៉ែត្រ ក្នុងស្រុកបវេល កំពុងមានបញ្ហាយ៉ាងខ្លាំងដល់ការធ្វើដំណើរ
-
ព័ត៌មានអន្ដរជាតិ៧ ថ្ងៃ ago
បន្លែឡើងថ្លៃ ក្រោយវៀតណាមទទួលរងឥទ្ធិពលព្យុះយ៉ាកជី
-
ព័ត៌មានជាតិ៤ ថ្ងៃ ago
ផុតពីព្យុះ យ៉ាកជី ព្យុះទី១៣ឈ្មោះ ប៊ីប៊ីនកា បានចូលមកបន្ត កម្ពុជា ក៏ត្រូវរងឥទ្ធិពលផងដែរចាប់ពីថ្ងៃទី១២ ដល់ទី១៤កញ្ញានេះ
-
ព័ត៌មានជាតិ៥ ថ្ងៃ ago
មិនដល់១សប្ដាហ៍ផង សិល្បករ៣រូប ល្មើសច្បាប់បើកបរទាំងស្ថានភាពស្រវឹងខ្លាំង ផ្អើលអស់មហាជន
-
ព័ត៌មានអន្ដរជាតិ៥ ថ្ងៃ ago
មិនត្រឹមទឹកជំនន់ ពេលនេះ ទីក្រុងហាណូយ ចេញការព្រមានអំពីរន្ទះបាញ់ ថែមទៀត
-
ព័ត៌មានអន្ដរជាតិ៦ ថ្ងៃ ago
លើកដំបូងលើលោក! ចិន រកឃើញមេរោគស៊ីខួរក្បាលដ៏សាហាវ ឆ្លងមកមនុស្ស តាមសត្វចៃ