កីឡា
សំណុំរឿងអតីតប្រធាន FIFA, UEFA ២រូប នឹងធ្វើសវនាការឧទ្ធរណ៍នៅស្វីសឆ្នាំ២០២៥
សវនាការលើបណ្តឹងឧទ្ធរណ៍ប្រឆាំងនឹងអតីតប្រធានសហព័ន្ធបាល់ទាត់ពិភពលោក (FIFA) លោក Sepp Blatter និងអតីតប្រធានសហព័ន្ធបាល់ទាត់ទ្វីបអឺរ៉ុប (UEFA) លោក Michel Platini ដែលត្រូវបានលើកលែងទោសជាលើកដំបូងកាលពីឆ្នាំ២០២២ នឹងប្រព្រឹត្តទៅជាថ្មីចាប់ពីថ្ងៃទី៣ ដល់ថ្ងៃទី២៥ ខែមីនា ឆ្នាំ២០២៥។
លោក Dominic Nellen មេធាវីរបស់ លោក Michel Platini បានប្រាប់សារព័ត៌មាន AFP ថា សវនាការប្រហែលជានឹងធ្វើឡើងនៅក្នុងខេត្ត Basel-Landschaft ក្នុងតំបន់ Muttenz ឬតំបន់ Liestal។

លោក Michel Platini និង លោក Sepp Blatter ត្រូវបានលើកលែងទោសកាលពីថ្ងៃទី៨ ខែកក្កដា ក្នុងសំណុំរឿងក្លែងបន្លំឯកសារ ដែលលោក Blatter ត្រូវបានគេសង្ស័យពីការ”បង់ប្រាក់មិនស្មោះត្រង់” ចំនួន ១.៨៣លានអឺរ៉ូ (២.០៤លានដុល្លារ) ដល់លោក Michel Platini ក្នុងឆ្នាំ២០១១ សម្រាប់ការងារប្រឹក្សាដែលបានធ្វើឡើងរវាងឆ្នាំ១៩៩៩ និងឆ្នាំ២០០២ ដោយគ្មានក្រដាសស្នាម។
ការិយាល័យអគ្គមេធាវីរបស់ប្រទេសស្វីស មើលឃើញថាមិនមានមូលដ្ឋានផ្លូវច្បាប់សម្រាប់ការបង់ប្រាក់នោះទេ ប៉ុន្តែតុលាការព្រហ្មទណ្ឌសហព័ន្ធស្វីសបានកាត់សេចក្តីថា ជនជាប់ចោទមិនត្រូវបានកាត់ទោសដោយតុលាការទេ ដោយសារការសង្ស័យនៅតែមានចំពោះកំហុសរបស់ពួកគេ។ អយ្យការស្វីសបានប្ដឹងឧទ្ធរណ៍ចំពោះការលើកលែងទោសនៅខែតុលា ឆ្នាំ២០០២ ហើយ FIFA បានចូលរួមក្នុងបណ្តឹងឧទ្ធរណ៍នេះផងដែរ។
កាលពីខែមេសាឆ្នាំមុន លោក Michel Platini បានឈ្នះការកាត់សេចក្ដីចេញពីក្រុមជំនុំជំរះទាំងមូលនៅតុលាការឧក្រិដ្ឋកម្មសហព័ន្ធស្វីស – ចៅក្រម និងក្រឡាបញ្ជី – ជ័យជំនះលើកដំបូងសម្រាប់មេធាវីរបស់លោកដែលសង្ឃឹមសម្រាប់ “ការដោះលែងឱ្យច្បាស់លាស់” នៅក្នុងបណ្តឹងឧទ្ធរណ៍។

សវនាការនឹងប្រព្រឹត្តទៅពីថ្ងៃទី៣ ដល់ថ្ងៃទី១៣ ខែមីនា ឆ្នាំ២០២៥ ដោយនឹងប្រកាសសាលក្រមនៅថ្ងៃទី២៥ ខែមីនា ឆ្នាំ២០២៥។
ពាក់ព័ន្ធនឹងករណីនេះ គណៈកម្មការក្រមសីលធម៌របស់សហព័ន្ធកីឡាបាល់ទាត់អន្តរជាតិ បានហាមឃាត់ទាំងលោក Blatter ដែលកាន់តំណែងរយៈពេល ១៧ឆ្នាំ និងលោក Platini ដែលមិនមានសិទ្ធិបន្តតំណែងពីលោក Blatter ជាប្រធាន FIFA រយៈពេល ៨ឆ្នាំ នៅចុងឆ្នាំ២០១៥។ ទណ្ឌកម្មត្រូវបានកាត់បន្ថយមកត្រឹម ៦ឆ្នាំដោយគណៈកម្មការបណ្តឹងឧទ្ធរណ៍របស់ FIFA ហើយបន្ទាប់មកនៅត្រឹម ៤ឆ្នាំដោយតុលាការអាជ្ញាកណ្តាលសម្រាប់កីឡា (CAS) ក្នុងឆ្នាំ២០១៦៕
ប្រែសម្រួល៖ មន្នីរ័ត្ន
ប្រភព៖ AFP

-
ព័ត៌មានអន្ដរជាតិ៥ ថ្ងៃ ago
រថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ ago
ចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ ago
កូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៦ ថ្ងៃ ago
បង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៧ ថ្ងៃ ago
ហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ ago
Update៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ ago
ឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ
-
ជីវិតកម្សាន្ដ១ សប្តាហ៍ ago
គ្រឿងអលង្ការរបស់កញ្ញា លីនដា បង្ហាញខ្លួននៅ Bvlgari ថ្ងៃមុន តម្លៃសរុបចូលដល់ខ្ទង់លានដុល្លារ