កីឡា

កីឡាករ Arnold គ្រោងទិញក្លិបបារាំង Nantes តម្លៃ១១៣លានដុល្លារ

បានផុស

៥ ខែ មុន

នៅ

ថ្ងៃអង្គារ ២៤ កញ្ញា ២០២៤

ដោយ

ខ្សែការពារ Trent Alexander-Arnold របស់ក្លិប Liverpool បានត្រៀមដេញថ្លៃដ៏គួរឱ្យភ្ញាក់ផ្អើលមួយដើម្បីទិញក្លិបបាល់ទាត់ Nantes FC នៅលីគកំពូលបារាំង Ligue 1។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ខ្សែការពាររបស់ហង្សក្រហមត្រូវបានគេមើលឃើញពីការចាប់អារម្មណ៍ពីអាជីវកម្មផ្នែកកីឡានៅប្រទេសបារាំង។ រូបគេក៏បានបណ្តាក់ទុនរួចហើយ រួមជាមួយនឹងអតីតខ្សែបម្រើរបស់ Manchester United កីឡាករ Juan Mata ក្នុងវិស័យប្រណាំងរថយន្ដ Formula 1 Alpine Racing កាលពីខែតុលា ឆ្នាំ២០២៣។

ភាពជាម្ចាស់របស់លោក Waldemar Kita នៅលីគ Ligue 1 កំពុងក្លាយជាប្រធានបទដ៏ចម្រូងចម្រាសក្នុងរយៈពេលប៉ុន្មានឆ្នាំចុងក្រោយ ដោយសារអ្នកគាំទ្របានតវ៉ាប្រឆាំងនឹងការដឹកនាំរបស់លោក។ អ្នកគាំទ្រមិនសប្បាយចិត្តចំពោះកង្វះការអភិវឌ្ឍក្រុម ខណៈគម្រោងផ្លាស់ប្ដូរចេញកីឡដ្ឋាន Stade de la Beaujoire ត្រូវបានរងការសើចចំអក។

លោក Waldemar Kita បានបើកកិច្ចពិភាក្សាជាលើកដំបូងជាមួយត្រកូល Alexander-Arnold នៅពាក់កណ្តាលខែកក្កដា តាមរយៈសន្និសីទវីដេអូមួយ។ ការប្រជុំទល់មុខគ្នានៅទីក្រុងហ្សឺណែវ នៅពាក់កណ្តាលខែកញ្ញានេះ។

តាមការរំពឹងទុក Alexander-Arnold គ្រោងនឹងចំណាយទឹកប្រាក់ចំនួន១៣៣លានដុល្លារ ដើម្បីទិញក្លិប Nantes FC។ នៅក្នុងកិច្ចប្រជុំលើកទី៣ ធ្វើឡើងនៅទីក្រុងឡុងដ៍កាលពីថ្ងៃព្រហស្បតិ៍ វាត្រូវបានគេអះអាងថា លោក Kita បានអនុញ្ញាតឲ្យក្រុមការងាររបស់កីឡាករ Alexander-Arnold ធ្វើសវនកម្មក្លិប ប៉ុន្តែមិនបានទទួលយកការដេញថ្លៃណាមួយជាផ្លូវការនោះទេ។ ចំពោះម្ចាស់បច្ចុប្បន្នរបស់ Nantes លោក Waldemar Kita ត្រូវបានគេប៉ាន់ស្មានថាចង់បានសរុបទឹកប្រាក់ចំនួន១២១លានដុល្លារ ក្នុងការលក់ក្លិប៕

ប្រែសម្រួល៖ ផា រតនា