កីឡា
កម្ពុជានឹងបង្កើត«ងាស្តេចយុទ្ធគុនបុរាណខ្មែរ»រយៈពេល១០ឆ្នាំម្តង
គណៈកម្មការចំពោះកិច្ចរៀបចំព្រឹត្តិការណ៍ប្រកួតកីឡា«យុទ្ធគុនចម្រុះបរាណខ្មែរពានរង្វាន់សម្តេចធិបតី»នឹងស្នើសុំទៅរាជរដ្ឋាភិបាលកម្ពុជាដើម្បីបង្កើត«ងាស្តេចប្រដាល់យុទ្ធគុនបុរាណខ្មែរ»ជាផ្លូវការដែលមានរយៈពេល១០ឆ្នាំម្តង។
នេះបើតាមការឲ្យដឹងពីលោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជានៅក្នុងសន្និសីទសារព័ត៌មានលើកទី២ស្តីពីការប្រកួត«យុទ្ធគុនចម្រុះបរាណខ្មែរពានរង្វាន់សម្តេចធិបតី» នៅព្រឹកថ្ងៃទី២៣ ខែកញ្ញា ឆ្នាំ២០២៤ នៅទីស្នាក់ការគណៈកម្មាធិការជាតិអូឡាំពិកកម្ពុជា។
លោក វ៉ាត់ ចំរើន បានឲ្យដឹងថា ៖«ត្រៀមលក្ខណៈបច្ចេកទេសនឹងស្នើសុំសម្តេចមហាបវរធិបតីដើម្បីបង្កើតឲ្យមានងាស្តេចយុទ្ធគុនបុរាណរបស់ខ្មែរយើងរយៈពេល១០ឆ្នាំម្តង។ ក្នុងរយៈពេល១០ឆ្នាំម្តងនឹងមានស្តេចយុទ្ធគុនបុរាណខ្មែរយើងម្នាក់ដែលយើងត្រូវលើកតម្កើងជាទូតសុច្ឆន្ទៈរបស់យុទ្ធគុនបុរាណខ្មែរយើង»។
«នេះជារឿងសំខាន់មួយដែលយើងទាំងអស់គ្នាចង់បានឲ្យមានបុគ្គលគំរូដែលមានលក្ខណៈពិសេស ហើយជួយជ្រោមជ្រែង ជំរុញយុទ្ធគុនរបស់ដូនតាខ្មែរយើង ជំរុញលើការអភិរក្ស និងអភិវឌ្ឍសិល្បៈក្បាច់បុរាណយើងកាន់តែផុសផល កាន់តែរីកចម្រើន»។ លោកបានបន្ថែម។
លោក វ៉ាត់ ចំរើន បានបញ្ជាក់ថា លក្ខខណ្ឌវិនិច្ឆ័យទៅលើស្តេចយុទ្ធគុនបុរាណខ្មែរដែលមានរយៈពេល១០ឆ្នាំម្តងនេះគឺផ្តោតលើកត្តាសំខាន់មួយចំនួន។ អត្តពលិកនោះត្រូវតែមានសមត្ថភាព និងបច្ចេកទេសខ្ពស់, ត្រូវមានសមិទ្ធផលទាំងខ្លួនផ្ទាល់ខ្លួន និងជូនជាតិ ត្រូវមានកេរ្តិ៍ឈ្មោះល្បី និងមានប្រជាប្រិយភាព ទទួលបានការស្រឡាញ់ពេចិត្តពីមហាជនដែលអាចផ្សព្វផ្សាយយុទ្ធគុនបុរាណខ្មែរទាំងក្នុងស្រុក និងក្រៅប្រទេស។ ក្រោយពេលក្លាយជាស្តេចយុទ្ធគុនបុរាណខ្មែរ អត្តពលិកនោះត្រូវមានក្រមសីលធម៌ គុណធម៌ សុជីវធម៌ដើម្បីក្លាយជាបុគ្គលគំរូក្នុងជីវិតប្រចាំថ្ងៃ។
រាជរដ្ឋាភិបាលកម្ពុជាបានបង្កើតគណៈកម្មការចំពោះកិច្ចមួយដើម្បីរៀបចំការប្រកួតការប្រកួតកីឡាយុទ្ធគុនបុរាណខ្មែរពានរង្វាន់«សម្តេចធិបតី» លើកទី១ ឆ្នាំ២០២៤ នៅថ្ងៃទី១៨-១៩-២០ ខែតុលា នៅរាជធានីភ្នំពេញក្នុងពហុកីឡដ្ឋានជាតិអូឡាំពិក។
ការប្រកួត«យុទ្ធគុនចម្រុះបរាណខ្មែរពានរង្វាន់សម្តេចធិបតី»ក្រោមប្រធានបទ «រួមគ្នាអភិរក្ស ដើម្បីអភិវឌ្ឍយុទ្ធគុនដូនតាខ្មែរ»នឹងមានកីឡាដែលជាអត្តសញ្ញាណជាតិខ្មែរជាច្រើនដូចជា គុនល្បុក្កតោ យុទ្ធក្រមខម គុនខ្មែរ គុនចម្រុះ គុនចំបាប់ ខ្លាក្រាប ក្រពើហា ស្រង៉ែពែន និង ក្បាច់គុនកងយោធពលខេមរភូមិន្ទជាដើម។ ការប្រកួតនេះនឹងច្បាប់ និងលក្ខន្តិកៈថ្មីដែលមានគោលបំណងធំបំផុតគឺដើម្បីចងក្រង អភិរក្ស និងអភិវឌ្ឍ យុទ្ធគុនចម្រុះបុរាណខ្មែរឲ្យមានច្បាប់ទម្លាប់ បច្ចេកទេស លក្ខន្តិកៈ និងគោលការណ៍ច្បាស់លាស់សម្រាប់ខ្មែរជំនាន់ក្រោយបានស្គាល់ និងឈានទៅរកការរីកចម្រើនលើឆាកអន្តរជាតិ។
សម្រាប់ប្រាក់រង្វាន់ការប្រកួតកម្រិតអាជីពទាំងវិញ្ញាសាប្រយុទ្ធ និងវិញ្ញាសាសម្តែង ជ័យលាភីមេដាយមាស ទទួលបាន៣០០០ដុល្លារ មេដាយប្រាក់២០០០ដុល្លារ និងមេដាយសំរិទ្ធ១០០០ដុល្លារ។ ចំណែកការប្រកួតកម្រិតមិនអាជីពទាំងវិញ្ញាសាប្រយុទ្ធ និងវិញ្ញាសាសម្តែង ជ័យលាភីមេដាយមាស ទទួលបាន២៥០០ដុល្លារ មេដាយប្រាក់២០០០ដុល្លារ និងមេដាយសំរិទ្ធ១០០០ដុល្លារ។
មិនត្រឹមតែប៉ុណ្ណោះ នឹងមានពានរង្វាន់អត្តពលិកឆ្នើម តាមវិញ្ញាសានីមួយៗថែមទៀតដែលនឹងទទួលបានរង្វាន់ម៉ូតូថ្មី១គ្រឿងស្មើនឹងតម្លៃ៣ពាន់ដុល្លារ។ ទាំងពិធីបើក-បិទ នឹងអញ្ជើញជាអធិបតីដ៏ខ្ពង់ខ្ពស់ពីសម្តេចធិបតីនាយករដ្ឋមន្ត្រីនៃកម្ពុជា៕
អត្ថបទ៖ វីរបុត្រ
ពូទីន ចុះហត្ថលេខាលើច្បាប់ការពារគ្នាទៅវិញទៅមកជាផ្លូវការជាមួយបេឡារុស
រដ្ឋមន្ត្រីថាកម្ពុជាមានទឹកស្ដុកសម្រាប់ខែប្រាំងជិត៤លានម៉ែត្រគូបខណៈស្នើកសិករធ្វើស្រែតែមួយដង
អ្នកឃ្លាំមើលសង្គម៖ពលរដ្ឋខ្មែរនៅកូរ៉េ ៩៩% មិនបានចូលរួមបាតុកម្ម និងបន្តជឿជាក់រាជរដ្ឋាភិបាលលើបញ្ហាទឹកដី
អគារសិក្សាថ្មថ្មី ១ ខ្នង ៥ បន្ទប់ ជាក្តីសង្ឃឹមកុមារតំបន់ដាច់ស្រយាល ក្នុងស្រុកអូរគ្រៀងសែនជ័យ
ធនាគារកណ្តាលកម្ពុជានឹងបន្តសហការជាមួយចិនលើវិស័យហិរញ្ញវត្ថុ
រុស្ស៊ីពង្រឹងការទូតយ៉ាងខ្លាំង ក្រោយអាមេរិកផ្សះផ្សាវិញ ប៉ុន្តែដូណាល់ ត្រាំបំបែកសម្ព័ន្ធមិត្ត
អង់គ្លេស ថែមប្រាក់កម្ចីឲ្យអ៊ុយក្រែន ជិត៣ពាន់លានដុល្លារ សម្រាប់ផលិតកម្មអាវុធ
មេដឹកនាំបណ្តាប្រទេសនៅអឺរ៉ុបបង្ហាញជំហរពិតក្នុងជម្លោះត្រាំនិងហ្សេលេនស្គី
សម្ព័ន្ធមិត្តអ៊ឺរ៉ុបបង្ហាញជំហរនៅជាមួយអ៊ុយក្រែនបន្ទាប់ពីជម្លោះជាមួយដូណាល់ ត្រាំ
ផ្លូវថ្មើរជើងរាត្រីនេះ មានល្ខោនបាសាក់ ចាបុីដងវែងនៅសប្តាហ៍ក្រោយ នឹងមានកំប្លែងនាយក្រឹម
-
សេចក្ដីជូនដំណឹង១ សប្តាហ៍ agoរៃហ្គេត ហ្គ្រេមម័រ ស្គូល ភ្នំពេញ ដើមកំណើត៣៥០ឆ្នាំ ពីចក្រភពអង់គ្លេស
-
ព័ត៌មានអន្ដរជាតិ៤ ថ្ងៃ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានអន្ដរជាតិ១ សប្តាហ៍ agoចិន រកឃើញមេរោគស៊ីសួតថ្មី បង្កក្តីបារម្ភផ្ទុះជំងឺរាតត្បាត ដូច កូវីដ-១៩
-
ព័ត៌មានជាតិ៤ ថ្ងៃ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
សន្តិសុខសង្គម៥ ថ្ងៃ agoបង្ក្រាបហាងផឹកស៊ីបង្កប់សេវាកម្មផ្លូវភេទមួយកន្លែងក្នុងមូលដ្ឋានខណ្ឌសែនសុខ ឃាត់ខ្លួននារីជាង២០នាក់
-
ព័ត៌មានអន្ដរជាតិ៦ ថ្ងៃ agoហ្សេលេនស្គី ផ្តាំទៅ ត្រាំ ថា អ៊ុយក្រែន មិនសងអាមេរិក ដាច់ខាត
-
សន្តិសុខសង្គម២ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានជាតិ៥ ថ្ងៃ agoឯកឧត្តម ឌី វិជ្ជា ប្រាប់ទៅលោក សម រង្ស៊ី ថា ល្មមៗបានហើយ កម្ពុជា មានច្បាប់ត្រឹមត្រូវ មិនមែនធ្វើអ្វីស្រេចលើការនឹកឃើញទេ