កីឡា
ធឿន ធារ៉ា អាចនឹងប៉ះ ឈឿង ល្វៃ ក្នុងព្រឹត្តិការណ៍យុទ្ធគុនចម្រុះបុរាណខ្មែរ
កីឡាករប្រដាល់គុនខ្មែរលំដាប់លេខ១ ធឿន ធារ៉ា អាចនឹងប៉ះជើងខ្លាំង ឈឿង ល្វៃ ក្នុងព្រឹត្តិការណ៍ប្រកួតកីឡាយុទ្ធគុនចម្រុះបុរាណខ្មែរពានរង្វាន់សម្តេចធិបតី ក្រោមមូលបទ «រួមគ្នាអភិរក្ស ដើម្បីអភិវឌ្ឍយុទ្ធគុនដូនតាខ្មែរ»។
លោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិកកម្ពុជាមានប្រសាសន៍នៅក្នុងសន្និសីទសារព័ត៌មានលើកទី២កាលពីព្រឹកថ្ងៃទី២៣ ខែកញ្ញា ឆ្នាំ២០២៤ ថា ការប្រកួតយុទ្ធគុនចម្រុះបុរាណខ្មែរពានរង្វាន់សម្តេចធិបតី មានការប្រកួតអាជីព និងមិនអាជីព (ស្ម័គ្រចិត្ត) ដែលមានវិញ្ញាសាប្រយុទ្ធ និងវិញ្ញាសាសម្តែង។
លោកបានឲ្យដឹងថា ៖«សម្រាប់វិញ្ញាសាប្រយុទ្ធអាជីព ទម្ងន់៧៥គីឡូក្រាម យើងនឹងប្រមូលផ្តុំកីឡាករប្រដាល់អាជីពដែលមានប្រជាប្រិយភាពខ្លាំង។ យើងរង់ចាំមើលកីឡាករគុនខ្មែររបស់យើងដែលស្ថិតក្រោមការគ្រប់គ្រងរបស់ឯកឧត្តម ខូវ ឆាយ ជាប្រធានសហព័ន្ធគុនខ្មែរ។ អីចឹងខ្ញុំសូមប្រកាសជូនថា ធឿន ធារ៉ា កម្របានជួប ឈឿង ល្វៃ អីចឹងពេលនេះប្រហែលជាបានជួបគ្នាហើយ។ អ្នកខ្លាំងទាំងពីរនេះកម្របានជួបគ្នាណាស់។ ពួកគេភាគច្រើនប្រកួតជាមួយកីឡាករបរទេស ដូច្នេះជើងខ្លាំងទាំងពីរនេះប៉ះគ្នា»។
ប្រវត្តិជួបគ្នាកន្លងមក ឈឿង ល្វៃ មិនធ្លាប់យកឈ្នះ ធឿន ធារ៉ា ទេ ប៉ុន្តែជាការប្រកួតគុនខ្មែរ ខណៈការប្រកួតកីឡាយុទ្ធគុនចម្រុះបុរាណខ្មែរមិនមែនជាការប្រកួតគុនខ្មែរទេ។ ការប្រកួតនេះប្រើច្បាប់ និងលក្ខន្តិកៈថ្មី ក្នុងនោះការប្រកួតមានតែ២ទឹកប៉ុណ្ណោះ ហើយ១ទឹកមាន២នាទី។
គោលបំណងសំខាន់នៃការបង្កើតឲ្យច្បាប់ និងលក្ខន្តិកៈថ្មីនេះដើម្បីជំរុញឲ្យក្លាយជាកីឡាមានលក្ខណៈស្តង់ដាចូលទៅក្នុងក្របខណ្ឌកីឡាទ្វីបអាស៊ី និងកីឡាអូឡាំពិក។ ការប្រកួតនេះទាមទារបច្ចេកទេស និងផ្តោតលើការឈ្នះពិន្ទុ មិនសូវគ្រោះថ្នាក់ ជាជាងការប្រកួតយកឈ្នះ ឬចាញ់ដោយដៃគូសន្លប់។ ជាពិសេសដើម្បីជំរុញលើការអភិរក្ស និងអភិវឌ្ឍក្បាច់គុនដូនតាខ្មែរឲ្យមានក្បួនច្បាប់ច្បាស់លាស។
ហេតុដូច្នេះហើយទើបបានជាគណៈកម្មការចំពោះកិច្ចសម្រាប់រៀបចំការប្រកួតយុទ្ធគុនចម្រុះបុរាណខ្មែរត្រៀមស្នើទៅរាជរដ្ឋាភិបាលកម្ពុជាដើម្បីបង្កើតងា«ស្តេចយុទ្ធគុនចម្រុះបុរាណខ្មែរ»ដើម្បីឲ្យអត្តពលិកយុទ្ធគុនចម្រុះបុរាណខ្មែរកាន់តែមានតម្លៃ។
លោក វ៉ាត់ ចំរើន បានឲ្យដឹងថា ៖«ត្រៀមលក្ខណៈបច្ចេកទេសនឹងស្នើសុំសម្តេចមហាបវរធិបតីដើម្បីបង្កើតឲ្យមានងាស្តេចយុទ្ធគុនបុរាណរបស់ខ្មែរយើងរយៈពេល១០ឆ្នាំម្តង។ ក្នុងរយៈពេល១០ឆ្នាំម្តងនឹងមានស្តេចយុទ្ធគុនបុរាណខ្មែរយើងម្នាក់ដែលយើងត្រូវលើកតម្កើងជាទូតសុច្ឆន្ទៈរបស់យុទ្ធគុនបុរាណខ្មែរយើង»។
«នេះជារឿងសំខាន់មួយដែលយើងទាំងអស់គ្នាចង់បានឲ្យមានបុគ្គលគំរូដែលមានលក្ខណៈពិសេស ហើយជួយជ្រោមជ្រែង ជំរុញយុទ្ធគុនរបស់ដូនតាខ្មែរយើង ជំរុញលើការអភិរក្ស និងអភិវឌ្ឍសិល្បៈក្បាច់បុរាណយើងកាន់តែផុសផល កាន់តែរីកចម្រើន»។ លោកបានបន្ថែម។
សម្រាប់ប្រាក់រង្វាន់ការប្រកួតកម្រិតអាជីពទាំងវិញ្ញាសាប្រយុទ្ធ និងវិញ្ញាសាសម្តែង ជ័យលាភីមេដាយមាស ទទួលបាន៣០០០ដុល្លារ មេដាយប្រាក់២០០០ដុល្លារ និងមេដាយសំរិទ្ធ១០០០ដុល្លារ។ ចំណែកការប្រកួតកម្រិតមិនអាជីពទាំងវិញ្ញាសាប្រយុទ្ធ និងវិញ្ញាសាសម្តែង ជ័យលាភីមេដាយមាស ទទួលបាន២៥០០ដុល្លារ មេដាយប្រាក់២០០០ដុល្លារ និងមេដាយសំរិទ្ធ១០០០ដុល្លារ៕
អត្ថបទ៖ វីរបុត្រ
លោក នេត្រ ភក្ត្រា ៖ ថ្ងៃ៨ មីនា មិនមែនសំដៅនារីមានសិទ្ធិធំតែមួយថ្ងៃប៉ុណ្ណោះទេ
អាជ្ញាធរគ្រឿងញៀន ជំរុញសហគមន៍ទេសចរណ៍កោះហានរ៉ាំសា ឱ្យប្រើ App NoDrug ដើម្បីរាយការណ៍ពេលមានបញ្ហា
ខណ្ឌមួយចំនួនក្នុងរាជធានីភ្នំពេញ នឹងមានភាពរអាក់រអួលអគ្គិសនី ចាប់ពីថ្ងៃទី៦ ដល់ថ្ងៃទី៩មីនា
សម្ដេចធិបតី៖ចូលឆ្នាំខ្មែរ យុវជនលេងបាញ់ទឹកក៏បាញ់ចុះ តែកុំភ្លេចលេងល្បែងប្រជាប្រិយខ្មែរផង
សម្តេចធិបតី ស្នើឱ្យបន្តកិច្ចការរៀបចំចុះបញ្ជីសង្ក្រាន្តខ្មែរចូលក្នុង អង្គការយូណេស្កូ
ឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
ប៉ះសម្ដីគ្នា លោកតាធាក់ស៊ីក្លូវ័យ ៧០ ឆ្នាំ ម្នាក់ ត្រូវបុរសម្នាក់ វាយត្រូវក្បាល ២ ដៃ
សមាជិកសភាត្រូវបណ្តេញចេញពីសាលប្រជុំ ព្រោះស្រែកតវ៉ាការថ្លែងរបស់ លោក ត្រាំ
រថយន្តធុនធំបុករះម៉ូតូ៣គ្រឿងទាំងព្រឹកនៅផ្លូវ៦០ម៉ែត្រ
ត្រាំ ថា ពេញចិត្តណាស់ ចំពោះលិខិតដែល ហ្សេលេនស្គី ផ្ញើឲ្យគាត់
-
សន្តិសុខសង្គម២ ថ្ងៃ agoភ្លៀងមួយមេធំ លាយឡំនឹងខ្យល់កន្ត្រាក់ បណ្ដាលឱ្យរលំដើមឈើសង្កត់លើរថយន្តមួយគ្រឿង
-
ព័ត៌មានអន្ដរជាតិ១ សប្តាហ៍ agoរថយន្តដឹកសិស្សចុះកម្មសិក្សានៅថៃ ក្រឡាប់ពេលចុះភ្នំ ស្លាប់១៧នាក់ របួសជាង៤០នាក់
-
ព័ត៌មានជាតិ១ សប្តាហ៍ agoកូនប្រុសអភិបាលខណ្ឌ៧មករា ស្លាប់ទាំងវ័យក្មេង ដោយសារគាំងបេះដូង
-
ជីវិតកម្សាន្ដ២ ថ្ងៃ agoតារាប្រុសល្បីឈ្មោះក្នុងវិស័យថតស្ពតពាណិជ្ជកម្ម ប៉ែន ចាន់សិទ្ធ ទទួលមរណភាពដោយរាគាពាធ
-
ជីវិតកម្សាន្ដ២ ថ្ងៃ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
សន្តិសុខសង្គម៥ ថ្ងៃ agoUpdate៖ អគ្គិភ័យឆេះនៅជិតស្ពានជ្រោយចង្វារ មានទារកពីរនាក់បាត់បង់ជីវិត
-
ព័ត៌មានអន្ដរជាតិ១៩ ម៉ោង agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
សន្តិសុខសង្គម៥ ថ្ងៃ agoUpdate ៖ ដឹងមូលហេតុ ដែលអគ្គិភ័យឆាបឆេះបណ្ដាលឱ្យក្មេងប្រុសស្រី២នាក់ស្លាប់