កីឡា

ភរិយាកីឡាករ Carvajal ចាត់ទុករបួសរបស់ប្ដីជាសុបិនដ៏អាក្រក់

បានផុស

៤ ខែ មុន

នៅ

ថ្ងៃអង្គារ ៨ តុលា ២០២៤

ដោយ

ក្លិបបាល់ទាត់ Real Madrid បានកំពុងប្រឈមបញ្ហាកីឡាកររបួសជាច្រើននាក់ ស្របពេលនេះខ្សែការពារឆ្នើម Dani Carvajal បានរងរបួសជង្គង់ធ្ងន់ធ្ងរថែមទៀតនៅពេលប្រកួតជាមួយក្លិប Villarreal កាលពីចុងសប្តាហ៍កន្លងទៅនេះ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

របួសរបស់ខ្សែការពារស្លាបស្តាំ Dani Carvajal បានកើតឡើងនៅនាទីចុងក្រោយ ហើយរឿងនេះបានធ្វើឲ្យក្រុមទាំងមូល និងអ្នកគាំទ្រក្លិប Real Madrid ព្រួយបារម្ភយ៉ាងខ្លាំង។ ក្រោយទទួលការពិនិត្យសុខភាពកាលពីថ្ងៃអាទិត្យ គេបានរកឃើញថា Carvajal បានរហែកសរសៃឆ្អឹង (ACL)។ របួសនេះតម្រូវឲ្យខ្សែការពាររូបនេះចំណាយពេលយូរក្នុងការព្យាបាល ហើយអាចត្រឡប់ចូលទីលានដល់ខែតុលា ឆ្នាំ២០២៥។

បន្ទាប់ពីឃើញស្ថានភាពរបួសនេះ អ្នកស្រី Daphne Cañizares ភិរិយារបស់កីឡាករ Carvajal ចាត់ទុកប្រៀបដូចជាសុបិនដ៏អាក្រក់។ ជាពិសេសបានមើលឃើញពីភាពឈឺចាប់របស់ប្ដីខ្លួន ក្រោយជួបបញ្ហារបួសយ៉ាងធ្ងន់ធ្ងរ។

អ្នកស្រី Daphne Cañizares បានរៀបរាប់ថា៖«វានៅតែមានអារម្មណ៍ដូចជាសុបិនអាក្រក់មួយ។ ខ្ញុំបានឃើញភាពសោកសៅ ការឈឺចាប់យ៉ាងខ្លាំងរបស់ប្តី»។

ក្រោយជួបបញ្ហារបួសនេះក៏មានមិត្តរួមអាជីពជាច្រើនបានជូនពរកីឡាករ Carvajal ឲ្យឆាប់ជាសះស្បើយហើយវិលចូលទីលានវិញ។ កីឡាករ Carvajal ត្រូវប្រើពេលសម្រាកហោចណាស់១ឆ្នាំដើម្បីជាសះស្បើយ ដូច្នេះនេះគឺជាបញ្ហាប្រឈមមួយទៀតសម្រាប់ Real Madrid ក្នុងរដូវកាលនេះ៕

ប្រែសម្រួល៖ ផា រតនា