កីឡា

កម្ពុជាឡើងវគ្គពាក់កណ្តាលផ្តាច់ព្រ័ត្រ១៦នាក់ ខណៈវគ្គផ្តាច់ព្រ័ត្រមាន៣នាក់ហើយ

បានផុស

២ នាទី មុន

នៅ

ថ្ងៃពុធ ៩ តុលា ២០២៤

ដោយ

chean virakbot

ការប្រកួតកីឡាឃីកបុកស៊ីងជ្រើសរើសជើងឯកអាស៊ី ឆ្នាំ២០២៤ បានឈានដល់ថ្ងៃទី២ បន្ទាប់ពីបើកការប្រកួតកាលពីថ្ងៃទី៨ ខែតុលា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គិតត្រឹមរសៀល ថ្ងៃទី៩ ខែតុលានេះ កីឡាករ កីឡាការិនីកម្ពុជាបានប្រកួតជាច្រើននាក់ ក្នុងនោះមានឈ្នះ និងមានចាញ់ ហើយក៏នៅមានអត្តពលិកជាច្រើនទៀតមិនបានប្រកួត។

ផ្នែកតាមវេបសាយផ្លូវការរបស់សហព័ន្ធកីឡាឃីកបុកស៊ីងអាស៊ី បានបង្ហាញច្បាស់ថា អត្តពលិកកម្ពុជាចំនួន១៦នាក់ត្រូវប្រកួតវគ្គពាក់កណ្តាលផ្តាច់ព្រ័ត្រ។ កីឡាករ កីឡាការិនីខ្លះបានប្រកួតឈ្នះវគ្គជម្រុះជុំដំបូងឡើងមកដល់វគ្គ៤នាក់ចុងក្រោយ ប៉ុន្តែវិញ្ញាសាខ្លះមានតែបេក្ខភាព៤នាក់ ឬ៣នាក់គឺពួកគាត់ត្រូវប្រកួតវគ្គពាក់កណ្តាលផ្តាច់ព្រ័ត្រតែម្តង។

ជាមួយគ្នានេះ កីឡាករ កីឡាការិនីកម្ពុជា៣នាក់ហើយដែលមានមេដាយប្រាក់ក្នុងដៃស្រាប់គឺត្រូវប្រកួតដណ្តើមមេដាយមាសនៅវគ្គផ្តាច់ព្រ័ត្រមាន កីឡាករ ព្រុំ សំណាង, កីឡាការិនី ទូច ចាន់វត្តី និងកីឡាករ ឆា ចាន់ដេង។

ការប្រកួតទើបឈានចូលថ្ងៃទី២ ដូច្នេះកីឡាករ កីឡាការិនីមួយចំនួននៅមិនទាន់បានប្រកួតទេ។

ខាងក្រោម អត្តពលិកកម្ពុជាក្នុងវគ្គពាក់កណ្តាលផ្តាច់ព្រ័ត្រ១៦នាក់

កីឡាការិនី លី ស៊ុង vs Firdaus Nabilla (ឥណ្ឌូណេស៊ី) វគ្គពាក់កណ្តាលផ្តាច់ព្រ័ត្រ -៦០គីឡូក្រាម
កីឡាករ វ៉ុន គីមចេង vs Tilekessov Nurassyl (កាហ្សាស្ថាន) វគ្គពាក់កណ្តាលផ្តាច់ព្រ័ត្រ -៥៧គីឡូក្រាម
កីឡាការិនី ទួន ស្រីភីន Vs Kim Minji (កូរ៉េខាងត្បូង) វគ្គពាក់កណ្តាលផ្តាច់ព្រ័ត្រ -៥៦គីឡូក្រាម
កីឡាករ សាំង សាមិត្ត Vs Afaneh Mohannad (ហ្សកដានី) វគ្គពាក់កណ្តាលផ្តាច់ព្រ័ត្រ-៧៩គីឡូក្រាម
កីឡាការិនី ធឿន ដាសុផានី VS Dousti Mohajer Mahdieh (អ៉ីរ៉ង់) វគ្គពាក់កណ្តាលផ្តាច់ព្រ័ត្រ-៥០គីឡូក្រាម
កីឡាការិនី នៅ ស្រីពៅ vs Khodadai Lori Fatemeh (អ៉ីរ៉ង់) វគ្គពាក់កណ្តាលផ្តាច់ព្រ័ត្រ-៥៥គីឡូក្រាម
កីឡាករ រី បូរាជ vs Omrani Javad (អ៉ីរ៉ង់) វគ្គពាក់កណ្តាលផ្តាច់ព្រ័ត្រ-៧៤គីឡូក្រាម
កីឡាការិនី ស័ក្តិ ស្រីពេជ្រ vs Smanova Ariza (កាហ្សាស្ថាន) វគ្គពាក់កណ្តាលផ្តាច់ព្រ័ត្រវិញ្ញាសា-៥៣គីឡូក្រាម
កីឡាការិនី អេ យ៉ានុត Vs Nguye Thi Ngoc Ngan (វៀតណាម) វគ្គពាក់កណ្តាលផ្តាច់ព្រ័ត្រ -៥៦គីឡូក្រាម
កីឡាករ ខាំ ក្លានាង Vs Pham Duy Anh (វៀតណាម) វគ្គពាក់កណ្តាលផ្តាច់ព្រ័ត្រ -៥១គីឡូក្រាម
កីឡាករ សៃណី សៃណេត រង់ចាំវគ្គពាក់កណ្តាលផ្តាច់ព្រ័ត្រ វិញ្ញាសា K1-៥៤គីឡូក្រាម
កីឡាករ ឈុង វិសាល vs Chulipas Daryl (ហ្វីលីពីន) វគ្គពាក់កណ្តាលផ្តាច់ព្រ័ត្រ វិញ្ញាសា FC -៥១គីឡូក្រាម
កីឡាករ សុខ រិទ្ធ vs Sultonov Olimjon (អ៊ូបេគីស្ថាន) វគ្គពាក់កណ្តាលផ្តាច់ព្រ័ត្រ វិញ្ញាសា LK-៥១គីឡូក្រាម
កីឡាករ ឃួន ឡាំកូស៊ីន ជួបកីឡាករអ៉ីរ៉ាក់/កាហ្សាស្ថាន វគ្គពាក់កណ្តាលផ្តាច់ព្រ័ត្រ វិញ្ញាសា LK -៥៧គីឡូក្រាម
កីឡាករ ហ៊ុន ច័ន្ទរាជ vs Aldabergenov Adilet (កាហ្សាស្ថាន) វគ្គពាក់កណ្តាលផ្តាច់ព្រ័ត្រ វិញ្ញាសា LK-៩១គីឡូក្រាម
កីឡាការិនី សំណាង រក្សា vs Bacyadan Herigie (ហ្វីលីពីន) វគ្គពាក់កណ្តាលផ្តាច់ព្រ័ត្រ -៧០គីឡូក្រាម

អត្តពលិកកម្ពុជាក្នុងវគ្គផ្តាច់ព្រ័ត្រ

កីឡាករ ព្រុំ សំណាង vs អ៊ូបេគីស្ថាន/អ៉ីរ៉ាក់ វគ្គផ្តាច់ព្រ័ត្រ K1-៨៦គីឡូក្រាម
កីឡាការិនី ឆា ចាន់ដេង vs Khati Solomi (ឥណ្ឌា) វគ្គផ្តាច់ព្រ័ត្រ -៤៨គីឡូក្រាម
កីឡាការិនី ទូច ចាន់វត្តី ជួប កីឡាការិនីឥណ្ឌូណេស៊ី Diandra Ariesta ឬ កីឡាការិនីអ៉ីរ៉ង់ Bagceri Charouk Atefeh នៅវគ្គផ្តាច់ព្រ័ត្រ វិញ្ញាសា KL ទម្ងន់ -៥៥គីឡូក្រាម។

សូមបញ្ជាក់ថា កម្ពុជាបានចុះឈ្មោះអត្តពលិកចំនួន៦១នាក់ចូលរួមប្រកួត ប៉ុន្តែកីឡាករសំបូរក្បាច់ ប៉ឺត សង្ឃឹម មិនបានប្រកួតទេដោយសារបញ្ហាសុខភាព៕