កីឡា
គួរឲ្យស្តាយ! កីឡាករល្អខ្លះអត់ប្រកួតតំណាងជាតិ ខណៈមានឈ្មោះនៅសង្វៀនឯកជន
ដល់ថ្ងៃ កីឡាករល្អខ្លះមិនមានវត្តមាននៅកន្លែងប្រកួតក្នុងព្រឹត្តិការណ៍ប្រកួតកីឡាឃីកបុកស៊ីងជ្រើសរើសជើងឯកអាស៊ី ដែលប្រទេសកម្ពុជាធ្វើជាម្ចាស់ផ្ទះចាប់ពីថ្ងៃទី៦ ដល់ទី១៣ ខែកក្កដា ឆ្នាំ២០២៤ នៅពហុកីឡដ្ឋានជាតិអូឡាំពិក។
យោងតាមវេបសាយផ្លូវការរបស់សហព័ន្ធកីឡាឃីកបុកស៊ីងអាស៊ីបានបង្ហាញថា សហព័ន្ធកីឡាឃីកបុកស៊ីងកម្ពុជាបានចុះឈ្មោះកីឡាករ កីឡាការិនីចំនួន៦១នាក់ក្នុងនាមជាម្ចាស់ផ្ទះ។ ការចុះឈ្មោះផុតកំណត់ត្រឹមថ្ងៃទី១៥ ខែកញ្ញា ឆ្នាំ២០២៤ ប៉ុន្តែមានការពន្យារពេលខ្លះ ក្នុងករណីមានការចុះឈ្មោះយឹតពីបណ្តាប្រទេសផ្សេង។
ការចុះឈ្មោះទាំងអត្តពលិក និងប្រតិភូគឺតម្លៃ៨០ដុល្លារក្នុងម្នាក់ទៅសហព័ន្ធកីឡាឃីកបុកស៊ីងអាស៊ី (WAKO ASIA) ដែលមានលោក Nasser Nassiri ជាប្រធាន សហការជាមួយសហព័ន្ធកីឡាឃីកបុកស៊ីងកម្ពុជាមានលោក ហេង សុឃន ជាប្រធាន ស្ថិតក្រោមការទទួលស្គាល់ជាផ្លូវការរបស់ក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជា។
ថ្ងៃពិធីបើកជាផ្លូវការអញ្ជើញជាអធិបតីដោយលោក វ៉ាត់ ចំរើន រដ្ឋលេខាធិការក្រសួងអប់រំ យុវជន និងកីឡា និងជាអគ្គលេខាធិការនៃគណៈកម្មាធិការជាតិអូឡាំពិក។
មុនថ្ងៃបើក លោក ហេង សុឃន ប្រធានសហព័ន្ធកីឡាឃីកបុកស៊ីងកម្ពុជាបានលើកឡើងក្នុងបទសម្ភាសថា ការទទួលបានធ្វើជាម្ចាស់ផ្ទះកម្រិតអាស៊ីលើកដំបូងនេះគឺដោយសារតែកាលស៊ីហ្គេម ឆ្នាំ២០២៣ កម្ពុជារៀបចំបានល្អសម្រាប់ការប្រកួតកីឡាឃីកបុកស៊ីង ហើយកីឡាករ កីឡាការិនីកម្ពុជាក៏ទទួលបានសមិទ្ធផលល្អថែមទៀតក្នុងការប្រកួតកីឡាស៊ីហ្គេម។ ក្នុងនាមជាម្ចាស់ផ្ទះ កម្ពុជាបានចុះឈ្មោះជាង៦០នាក់ជាមួយនឹងក្តីសង្ឃឹមទទួលបានមេដាយច្រើន។ កីឡាករ កីឡាការិនីបានហ្វឹកហាត់ និងរៀនសូត្រពីច្បាប់កីឡាបុកស៊ីងបានដល់ទៅ២ខែ។
លោកថែមទាំងបានលើកពីឈ្មោះកីឡាករល្អៗទាំងនោះទៀតផង ប៉ុន្តែដល់ថ្ងៃប្រកួត កីឡាករមិនបានបង្ហាញខ្លួននៅកន្លែងប្រកួតទេ។
តាមព័ត៌មានដែលពិធីករបានលើកឡើងគឺ ពួកគាត់មានបញ្ហាសុខភាព ប៉ុន្តែកីឡាករខ្លះបែរជាមានឈ្មោះប្រកួតនៅសង្វៀនឯកជនទៅវិញនាចុងសប្តាហ៍នេះ។ ជាក់ស្តែង កីឡាករ ឈឿង ល្វៃ ត្រូវបានប្រកាសឲ្យចាញ់កីឡាករកូរ៉េខាងត្បូង បន្ទាប់ពីមិនបានបង្ហាញខ្លួននៅកន្លែងប្រកួតក្នុងថ្ងៃប្រកួត។ ម្ចាស់មេដាយមាសស៊ីហ្គេម បឺត សង្ឃឹម មិនបានទៅប្រកួតទេ ខណៈ រិន ដេវីដ ក៏អត់បានចូលរួមប្រកួតដែរ។ យ៉ាងណា ពួកគាត់មានឈ្មោះប្រកួតនៅសង្វៀនឯកជនចុងសប្តាហ៍នេះ។
មែនទែនទៅ ព្រឹត្តិការណ៍ប្រកួតឃីកបុកស៊ីងជើងឯកអាស៊ីគឺជាមុខមាត់ជាតិដែលកម្ពុជាទទួលធ្វើជាម្ចាស់ផ្ទះលើកដំបូង ហើយជាការប្រកួតលើឆាកអន្តរជាតិដែលកម្ពុជាសន្សំពិន្ទុកេរ្តិ៍ឈ្មោះកាន់តែល្អ ប្រសិនបើទទួលបានជោគជ័យ។
ជាពិសេស ការប្រកួតឃីកបុកស៊ីង ជើងឯកអាស៊ីនេះគឺការប្រកួតជម្រុះកីឡាឃីកបុកស៊ីងប្រភេទ Point Fighting និង K1 Style ដែលជ័យលាភីជាប់ឈ្មោះទៅប្រកួតកីឡាប្រយុទ្ធជើងឯកពិភពលោក World Combat Games នៅប្រទេសចិន ឆ្នាំ២០២៥ទៀតផង។
ក្នុងគោលបំណងដណ្តើមយកមេដាយឲ្យបានច្រើន ម្ចាស់ផ្ទះកម្ពុជាបានព្យាយាមចុះឈ្មោះកីឡាករ កីឡាការិនីរហូតដល់ទៅ៦១នាក់ ប៉ុន្តែកីឡាករភាគច្រើនមិនមែនជាអ្នកកំពុងល្អក្នុងការប្រកួតគុនខ្មែរ ឬឃីកបុកស៊ីងទេ។ ជាក់ស្តែង ឡុង សុវណ្ណឌឿន, លី រិទ្ធី, សែន រ៉ាឌី និងកីឡាករមួយចំនួនទៀតដែលធ្វើឲ្យពួកគាត់វ៉ៃខុសបច្ចេកទេស និងមិនសូវយល់ច្បាស់ពីរបៀបប្រកួតឃីកបុកស៊ីង។
ករណីបែបនេះគួរតែពិភាក្សាឲ្យបានច្បាស់លាស់ ពីព្រោះពេលវេលានៃការចុះឈ្មោះវែងគួរសម ហើយការចាប់គូនៅតាមសង្វៀនក៏យូរថ្ងៃមុនដែរ ដូច្នេះគួរពិភាក្សាគ្នាឲ្យច្បាស់លាស់។ បើពុំនោះទេ សង្វៀនឯកជនគួរលើកពេលទៅថ្ងៃក្រោយ ប្រសិនបើជាន់ពេលវេលា។
ទោះបីជាយ៉ាងណា កីឡាករល្អមួយចំនួនបានឈានដល់វគ្គផ្តាច់ព្រ័ត្រត្រៀមដណ្តើមមេដាយមាសជូនជាតិដូចជា ព្រុំ សំណាង, សុខ រិទ្ធ, វ៉ុន គឹមចេង និង ហ៊ឹម គឹមរៀង។ អ្វីដែលគួរឲ្យកោតសរសើរគឺកីឡាការិនីចុះឈ្មោះតិច ប៉ុន្តែបានឡើងវគ្គផ្តាច់ព្រ័ត្រច្រើន។ កីឡាការិនីដែលត្រៀមដណ្តើមមេដាយមាសមាន ទូច ចាន់វត្តី, នៅ ស្រីពៅ, ឆា ចាន់ដេង និង ទួន ស្រីភីន ជាដើម។
អត្តពលិកកម្ពុជាក្នុងវគ្គផ្តាច់ព្រ័ត្រ
- កីឡាករ ព្រុំ សំណាង vs អ៊ូបេគីស្ថាន/អ៉ីរ៉ាក់ វគ្គផ្តាច់ព្រ័ត្រ វិញ្ញាសា K1-៨៦គីឡូក្រាម
- កីឡាការិនី ឆា ចាន់ដេង vs Khati Solomi (ឥណ្ឌា) វគ្គផ្តាច់ព្រ័ត្រ វិញ្ញាសា-៤៨គីឡូក្រាម
- កីឡាការិនី ទូច ចាន់វត្តី vs Pieters Diandra Ariesta (ឥណ្ឌូណេស៊ី) វិញ្ញាសា KL ទម្ងន់ -៥៥គីឡូក្រាម។
- កីឡាករ ឈុង វិសាល vs Nguyen Si Thang (វៀតណាម) វិញ្ញាសា FC -៥១គីឡូក្រាម
- កីឡាការិនី ទួន ស្រីភីន vs Alkharif Seham (គុយវែត) វិញ្ញាសា K1-៥៦គីឡូក្រាម
- កីឡាការិនី នៅ ស្រីពៅ vs Neelakandan Neena (ឥណ្ឌា) វិញ្ញាសា LC -៥៥គីឡូក្រាម
- កីឡាករ ហ៊ឹម គឹមរៀង vs Nguyen Ngoc Hoang (វៀតណាម) វិញ្ញាសា LK-៥៤គីឡូក្រាម
- កីឡាករ វ៉ុន គីមចេង vs Akhmedov Aydos (អ៊ូបេគីស្ថាន) វិញ្ញាសា LC-៥៧គីឡូក្រាម
- កីឡាករ សុខ រិទ្ធ vs Phrommakhot Netipong (ថៃ) វិញ្ញាសា LK-៥១គីឡូក្រាម
អត្ថបទ៖ វីរបុត្រ
មន្ត្រីជាន់ខ្ពស់ជំរុញឲ្យមន្ត្រីសុខាភិបាលរួមគ្នាផ្តល់សេវាព្យាបាល និងថែទាំសុខភាពជូនអ្នកជំងឺប្រកបដោយគុណភាពខ្ពស់
មន្ត្រីការទូត៣រូប ត្រូវបានតែងតាំងជាអនុរដ្ឋលេខាធិការ និងអគ្គលេខាធិការក្រសួងការបរទេស
រាជបណ្ឌិត្យសភាកម្ពុជា ប្រកាសផ្តល់អាហារូបករណ៍១០០%ដល់សិស្សជាប់និទ្ទេសA និង៥០% សិស្សជាប់និទ្ទេសB
បញ្ចប់តួនាទីពិធីករថៃ Kan Kantathavorn ក្រោយជាប់ពាក់ព័ន្ធនឹងក្រុមហ៊ុនអនឡាញបោកប្រាស់ដ៏ធំ
រដ្ឋាករទឹកខេត្តមណ្ឌលគិរីបំពាក់បរិក្ខារថ្មី បង្កើនសមត្ថភាពផលិតទឹកស្អាត ១ ០០០ ម៉ែត្រគូបក្នុងមួយថ្ងៃ
រោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
រន្ធត់! ថតជាប់វីដេអូរលកយក្សកម្ពស់ជាង៨ម៉ែត្រ បោកសំដៅទៅរដ្ឋ Florida
ភាពខ្មៅងងឹតរបស់ម្ចាស់ Miss Grand International លោក ណាវ៉ាត់ ដែលអ្នកប្រហែលមិនដឹង
ទៅដល់រដ្ឋ Florida ហើយ! កំពូលព្យុះ Milton ចាប់ផ្តើមសម្លាប់មនុស្សនិងបង្កការបំផ្លិចបំផ្លាញ
៩ ខែ ឆ្នាំនេះ ទឹកជំនន់ និងជំនន់ទឹកភ្លៀង មានមនុស្សស្លាប់-របួស ជិត ២០ នាក់ ប៉ះពាល់ពលរដ្ឋជាង ៤ ម៉ឺនគ្រួសារ
-
ព័ត៌មានអន្ដរជាតិ៦ ថ្ងៃ agoប៉ូលិសថៃ រកឃើញហើយ! មូលហេតុនាំឲ្យឆេះរថយន្តដឹកសិស្ស
-
ព័ត៌មានអន្ដរជាតិ៣ ថ្ងៃ agoអ្នកឧតុនិយមអាមេរិក ស្រក់ទឹកភ្នែក ពេលដឹងថា Milton ក្លាយជា «ព្យុះសង្ឃរាបិសាច» សាហាវបំផុត
-
ព័ត៌មានអន្ដរជាតិ២ ថ្ងៃ agoគួរឲ្យរន្ធត់ ពេលទូរទស្សន៍អាមេរិក ចេញវីដេអូ ព្យាករអំពីឥទ្ធិពលរបស់មហាព្យុះសង្ឃរា Milton
-
សេដ្ឋកិច្ច២១ ម៉ោង agoរោងចក្រអគ្គិសនី ដើរដោយឧស្ម័នធម្មជាតិ ថាមពល ៩០០មេហ្គាវ៉ាត់ នឹងបើកការដ្ឋាន សាងសង់នៅសប្ដាហ៍ក្រោយ
-
ជីវិតកម្សាន្ដ២ ថ្ងៃ agoMiss Grand International បាន Unfollow គណនី Instagram ពេជ្រ វត្តីសារ៉ាវឌ្ឍី
-
ជីវិតកម្សាន្ដ៣ ថ្ងៃ agoអ្នកគ្រូហុងស៊ុយ ណាលី ថាបវរកញ្ញាថៃសមបាន ពានរង្វាន់ មាយាដកខ្ញី
-
ចរាចរណ៍៦ ថ្ងៃ agoរថយន្ដកាមរីឆ្លាមបើកធ្លាក់ប្រឡាយ ខណៈភ្លៀងខ្លាំងលិចផ្លូវ
-
សន្តិសុខសង្គម១ សប្តាហ៍ agoយុវជន ៣ នាក់ បាត់បង់ជីវិតដោយសារលង់ទឹក